VOV4.K’ho - Lơh jat broa\ lơh Ơruh pơnu lơh broa\ dong kờl is kàl rlô bơkang 2017 mờ sơnđan ‘’Cau kơnòm sa\ bol he bơt bơtàu [òn lơgar pa mờ tiah drà gơguh jak’’ cau kơnòm sa\ càr Daklak neh geh ala\ broa\ lơh ngan ngồ, nền nòn, pơ gồp bal mờ [òn lơgar mut lơh geh cồng nha broa\ lơh dà lơgar bơt bơtàu [òn lơgar pa.

Bồ nhai 6 nam do,   làng bol tàm [òn Cuôr Đăng B, xã Cuôr Đăng, kơnhòal Cư\ Mgar, càr Daklak dờp  bơta chờ hờp tu\ geh tai dùl gùng tàm dơlam [òn neh geh lơh mờ bê tông, dong làng bol lòt rê buơn bòai rlau. Gùng  bê tông do jòng  mờr 1 kơi sồ, ơnàng 3 thơt mơ gùl  la broa\ lơh  ơruh pơnu bơh tỉnh đòan Daklak geh lơh bal mờ Cơldu\  tam pà broa\ lơh [òn  lơgar pa càr mờ gơnoar atbồ  [òn lơgar mut lơh, mờ kờp khà pria\ di 1 tơmàn 200 tơlak pria\. Ồng Y Kăm Mlô kis tàm [òn Cuôr Đăng B ai  git:

 Lài do tu\ ờ hềt lơh gơs gùng den lòt rê  kal ke ngan, ngan la tàm tu\ trồ mìu, pal lòt  sơdar hơ\ sồng geh gùng lik tus hờ  gùng dờng, mờ trồ tơngai den càl gơ thul kơmbuh bơ\ ngan. Tu\ do neh geh gùng bê tông den làng bol lòt rê buơn bòai rlau.

Kung tàm Cuôr Đăng B, huyện đoàn Cư\ Mgar pa jàu broa\ lơh ôs đèng pờ àng gùng lòt. Mờ khà pria\ di 30 tơlak pria\ bơh  bơta ta\ pơ gồp bơh ala\ cau tàm mpồl đoàn,  ơruh pơnu tàm ala\ mpồl mờ chi đoàn, huyện đoàn Cư\ Mgar neh crap ròt 21 bong đèng tàm gơl gùng di 1 kơi sồ. Bơh tu\ geh đèng àng, làng bol tàm [òn Cuôr Đăng B gơ lơh iang nùs rlau tài gùng [òn neh geh àng đèng trồ mang geh dong broa\ lòt rê buơn bòai,  [òn lơgar  ngan lơngai rlau. Mò H’ Ye\ Ayun mat mờng hòi la mè Linh kis tàm [òn Cuôr Đăng B đơs:

Tu\ do geh gùng brê tông, geh đèng  pờ àng gùng  la niam ngan, [òn neh gơ tam gơl ua\ ngan pơn drờm mờ tu\ ờ hềt lơh  geh gùng mờ  ờ geh đèng pờ àng. Broa\ lòt rê bươn bòai rlau ờ di bè lài ngan la tàm trồ mang tài tu\ do đèng gùng àng, ờ ngòt tai, tu\ lài tàm trồ mang ờ khin lòt tềng lơi tài trồ klam jơ ngo, gùng den ờ diơng,  sùm gơbàn  rềs àr  rơndeh ngan.

Nàng chồl guh bơnga\ lam lài, lơh broa\ dong kờl is bơh đoàn viên, ơruh pơnu tàm broa\ tus bal  bơt bơtàu [òn lơgar pa, bơh bồ nam tus tu\ do,  cau kơnòm sa\ càr Daklak neh geh  rlau 70 broa\ lơh, 1.200 bơnah broa\ ơruh pơnu dê. Tàm hơ\,  neh lơh geh 12 nơm hìu dong kờl bơta nđàc, 17 nơm hìu khăn quàng đỏ, lơh niam wơl 2 nơm hìu [òn mờ 5 nơm hìu ơm tus mờ hìu nha\ geh khà sra\ dong kờl bơh dà lơgar, lơh mờ bê tông 1 blàng nhơl bơlai, blàng nhơl tus  ơruh pơnu, kơnòm  pa tàu mờ ua\ broa\ lơh ndai tàm [òn  lơgar. Bi Y Nhuân Bya\, Bí thư tỉnh đoàn Daklak ai git:

Cau kơnòm sa\ tàm gùt càr tu\ do  tus bal broa\ lơh jơh nus ngan, tu\ lam lơh broa\ lơh [òn lơgar pa den ala\ bơyô tus bal  gal ngan, mut lơh dùl ròt  dơle\ bal ala\ broa\,  ờ mìng broa\  càr dê mờ tàm ala\ kơnhòal, ala\ mpồl cau dong kờl  càr dê mờ cau lơh broa\ tàm tiah hơ\ tơn tus lơh bal nàng  lơh geh cồng nha niam rlau jơh, bè; mut lơh  rbàng tàm [òn lơgar,  gùng lòt tàm [ò, lơh ala\ anih  nhơl tus ơruh pơnu kơnòm  pa tàu kơnòm dềt hơ\ sồng blàng nhơl bơlai,  anih nhơk tàm ala\ hìu [òn, tus bal sền gàr tiah kis, tam chi,  lơh hìu,  hìu ơm  ai tus cau ơruh pơnu lam lài lài do, hìu ơm  hìu nha\ geh khà sra\ dong kờl bơh dà lơgar.

Mờ ala\  broa\ lơh  ngan ngồn, nền nòn,  geh ai go\ nùs nhơm lam lài, lơh broa\ is bơh cau kơnòm sa\, mpồl đoàn viên ơruh pơnu ala\ kòn cau càr Daklak neh cih geh ala\ tềl go\ tàm srơh  bơt bơtàu [òn lơgar pa tàm càr

                                              Cau cih mờ yal tơnggit K’ Brọp