VOV4.K’ho- Bu\ lah tìp uă kal ke tài kòp Covid-19 gơtờp, mơya mờ uă broă lơh ngan, gơnoar atbồ thị xã Ayun Pa, càr Gia Lai neh ai tơl bơta niam nàng phan geh lơh bơh broă lơh sa suơn sre làng bol dê geh tăc tơn bơh tàm tiah gơtìp kòp.

Tu\ do, tàm ală suơn tam rơpung kài tàm xã Ia Sao, tiah tam rơpung kài uă ngan thị xã Ayun Pa dê, làng bol lơh broă sa gam lơh ngan mờ rơlao 40 lồ ù tam rơpung kài gam tơnhào kàl tờm. Broă kờ` tăc bơh làng bol tơnơ\ mờ satềp nam 2021 gơguh uă, bal mờ hơ\ là broă ai lòt gơwèt mờ ală rơndeh pơn diang phan geh lơh bơh broă lơh sa suơn sre dê, khà priă plai rơpung kài tu\ do neh gơguh uă rơlao lài mờ satềp.

 Rơndeh tus tàm tiah gơtìp kòp dong kờl làng bol tàm thị xã Ayun Pa blơi plai rơpung kài

Mò Trần Thị Kim Phượng, cau blơi rơpung kài pà g^t, kờp jơh priă bơcri lơh, tơl lồ tam, làng bol tam rơpung kài neh geh priă cồng bơh 50 tus 70 tơlăk đong, uă rơlao lài mờ satềp mờ uă rơlao mờ tu\ do nam lài. “Khà priă tu\ do, uă rơlao mờ khà priă tăc rơpung kài lài mờ satềp, khà priă tu\ do cau blơi 16 tơlăk tàm 1 sào, 8 rơbô đong tàm 1 k^, uă rơlao mờ ngai lài, tàm 2, 3 ngai lài mìng geh 2 rơbô đong tàm 1 k^.

Tu\ do, rơndeh tus tàm do ờ gơtùi tus, mìng geh rơndeh bơh bơdìh tus hơ\ sồng gơtùi pơn diang, sră nggal kung geh ku\p rùp, tu\ do rơndeh a` neh bềng phan nàng pơn diang tus tiah đah tô den tàng pal tus xã nàng dan, tu\ xã go\ geh tơl niam den hơ\ sồng rơndeh gơtùi lòt”.

Ồng Nguyễn Ngọc Vy, cau tam rơlao 2 lồ rơpung kài tàm xã Ia Sao, thị xã Ayun Pa kung chờ hờp tài nam do plai rơpung kài geh tơnhào uă, geh khà priă tăc. Ồng Vy pà g^t, neh kờp jơh khà priă bơcri, kàl tam rơpung kài do hìu nhă kờp du\ priă cồng geh di pơgăp 100 tơlăk đong. “Đơs ngan, khà priă geh kung ring niam, làng bol bol a` kung chờ hờp, kung lơh geh ngai lơh broă geh priă cồng. Ală anih sền gròi rơndeh pơn diang phan geh lơh bơh broă lơh sa suơn sre kung ờ gơtìp kal ke, gơnoar atbồ tàm do ai tơl bơta [uơn”.

Anih sền gròi kòp Covid-19 tềng jơng koèl kơh Tô Na, do là dùl tàm ală gùng tờm pơn diang phan kă bro mờ phan geh lơh bơh broă lơh sa suơn sre l^k mờ mu\t tàm thị xã Ayun Pa pah ngai ndrờm bơsong ai g^t nđờ rơhiang nơm rơndeh pơn diang phan geh lơh bơh broă lơh sa suơn sre làng bol dê lòt tus tàm tiah ndai nàng tăc.

Thượng uý Nguyễn Đình Trinh, cảnh sát sền gàr gùng lòt thị xã Ayun Pa yal, kuang bàng lơh jăt kơnòl tàm anih sền gròi kòp Covid-19 tềng jơng koèl kơh Tô Na, thị xã Ayun Pa pà g^t, mpồl lơh broă geh gơnoar ai tơl bơta niam ngan tàm broă tăc phan geh lơh bơh broă lơh sa suơn sre làng bol dê, mơya pal geh lơh jăt nền nòn ală broă rơcang sơndră mờ kòp tàm broă pơn diang phan geh lơh bơh broă lơh sa suơn sre. “Jăt broă đơng lam bơh mpồl đơng lam rơcang sơndră mờ kòp gơtờp thị xã Ayun Pa dê, rơndeh pơn diang phan geh lơh bơh broă lơh sa suơn sre bơh tiah gơtìp kòp den bol a` kơrian ờ gơtùi l^k hờ bơdìh, mìng geh ai bơta niam tàm broă tam gơl rơndeh pơn diang phan bơh bơdìh tiah gơtìp kòp, tam gơl phan tàm anih sền gròi den kung di sơl.

Gam gơwèt mờ rơndeh pơn diang phan geh lơh bơh broă lơh sa suơn sre bơh bơdìh mu\t tàm tiah gơtìp kòp den lài mờ tu\ mu\t, bol a` sồr pal yal jơnau tơng^t bè gah lơh sơnơm tơl mờ tơnơ\ mờ hơ\, bol a` ku\p rùp rơndeh, cau măi kung bè ală cau gơrềng bal nàng pơyoa tus ală anih lơh broă geh gơnoar in sền gròi”.

Ờ mìng rơpung kài, tu\ do, thị xã Ayun Pa kung bè ală kơnhoàl hờ đah jum măt tơngai l^k càr Gia Lai gam tàm tơngai tơnhào ală bta phan geh lơh bơh broă lơh sa suơn sre ndai bè tào, bùm blàng, jrào mờ bă ù ơnàng tus g^t nđờ rơbô lồ.

Broă ai tơl bơta niam nàng pơn diang phan geh lơh bơh broă lơh sa suơn sre lòt gam tàm ală anih sền gròi ờ mìng dong kờl làng bol lơh broă sa in tăc geh phan geh lơh bơh broă lơh sa suơn sre mờ gam gàr niam ală mpồl lơh sa kă bro, hìu măi in geh phan nàng lơh broă.

Cau cih Hoàng Qui- Cau mblàng Ndong Brawl