VOV4.K’ho - Cau đơs crih Y Sihs kòn cau Bahnar deh nam 1982, deh ờ dờng tàm [òn Brel Dôr 1, ntum Glar, kơnhoàl Đak Đoa, càr Gia Lai. Bơh tu\ gam la kòn klau dềt, Y Sihs neh sùm geh iat mờ kờ` ngan ala\ jơnau đơs crih kòn cau he dê. Dờng sa\,  mờ geh bơtuah geh  lòt bơsram  đơs crih di ngan  mờ geh rê lơh broa\ tàm Mpồl mblàng pơlam chài rgơi,  di Gah atbồ cau ling sền gàr tiah nhàr lơgar càr Gia Lai, Y Sihs neh  đơs crih mờ ala\ jơnau đơs crih kòn cau lơh gơ kờ` ngan cau Bahnar iat, đơs tàm tiah sar lơgar ngài, tiah ua\ ngan kal ke. Tơnơ\ do la jơnau geh  tìp mờ boh bơr mờ Y Sihs bè kờ` gơboh đơs crih kòn cau Bahnar.

            -Niam sa\ Y Sihs, bơh bơta lơi geh  gơlam bi geh tus mờ broa\ lơh tu\ do he dê?

            Cau đơs crih Y Sihs: Hìu nha` a` ờ geh cau lơi lơh broa\ gah chài rgơi. Mơya bơh dềt,  a` neh kờ` ngan đơs crih mờ kờ` ngan iat cau dờng đơs crih. Tài bơh kờ` do, den tàng bơh tu\ bơsram ơdu\ 4, ơdu\ 5, a` neh tus bal ua\ broa\ lơh đơs crih tam ya tàm hìu bơsram. Tơnơ\ do, tu\ lòt ling tàm Sư đoàn 320, Quân đoàn 3, a` geh tus bal dơ\ đơs crih bơh mpồl ling klàng geh phàu crong tàm Quân khu 5 tàm Đà Nẵng mờ bơtuah đau geh gai lòng biàng. Bơh tu\ hơ\,  pơrgu An Thuyên atbồ hìu bơsram Cao đẳng Văn hoá Quân đội (Tu\ do, là Hìu bơsram dờng Văn Hoá Quân đội) lơh cau  ai khà mờ geh rwah a` mut bơsram tàm hìu bơsram. A` geh lòt bơsram bơh nam 2005 tus nam 2007, geh ala\ cau pơgru  chài ngan bơto đơs crih mờ tus tu\ do kung gơtùi sơnđan la cau đơs crih bloh.

            -Ơi,  gờm chờ bi neh lơh ngan bơsram tàp  geh gơ gơs mờ geh đềt mềr mờ broa\ đơs crih bi kờ` gơboh. Tu\ do,  tu\ tus bal dơ\ lơh đơs crih  làng bol in tàm tiah sar lơgar ngài, tiah nhàr lơgar…den bi mờng đơs ala\ jơnau đơs crih lơi?

            Cau đơs crih Y Sihs: Lài do, a` mìng đơs crih ala\ jơnau đơs crih gơ cèng gùng đơs crih brê bơnơm Tây Nguyên hala đơs crih kòn cau Bahnar. Tu\ do,  bơh geh bơsram  di ngan, a` gơtùi geh đơs ua\ ngan ala\ bơta đơs crih bè thính phòng,  nhạc trẻ, nhạc Ka\c màng…gơjat tàm bơta kờ` bơh làng bol hala bơta kờ` bơh ala\ jơnau đơs crih. Pah  tu\ geh lòt lơh đơs crih tàm tiah sar lơgar ngài, tiah nhàr lơgar, tu\ geh ala\ cau kra, kơnòm dềt kờ` đơs crih kòn cau, a` gam gơtùi đơs crih kòn cau Bahnar mờ Jarai.

            -Jat bi,  tu\ do đơs crih kòn cau Bahnar tàm rài kis pah ngai mbè lơi,  gơ gam geh ngui ua\ ngan ờ?

            Cau đơs crih Y Sihs: Tu\ do,  êt ngan cau  kờ` iat đơs crih kòn cau Bahnar. Ua\ ngan cau, ngan la cau kơnòm sa\ sùm kờ` ngan ala\ bơta đơs crih bè Hip Hop, Remix…bơh lơgar cau gơmut tus. Sa\ tờm a` kung ờ suk ngan bè broa\ sền gàr bơhìan  chài rgơi kòn cau he dê. Jat a` geh git, bal mờ a`, gam geh bi Phi Ưng cau Bahnar mờ ala\ cau kra tàm [òn, den gam êt ngan   cau gam gơtùi đơs geh đơs crih kòn cau Bahnar. Kơnòm dềt den  ờ khi gam git tai gơ đơs crih kòn cau. Bơtuah đau, kòn  a` dê geh  kờ` đơs crih kòn cau mờ neh đơs geh di 2, 3 jơnau. Jat a`,  tơnơ\ do, a` geh bơto pơlam khai in gơtùi đơs crih kòn cau Bahnar nàng ba` gơbàn roh hui\, sang sơbì.

            -Tàm nam 2016,  bi geh broa\ lơh lơi tus broa\ lơh bi dê?

            Cau đơs crih Y Sihs: La dùl na\ cau Bahnar, a` kơp kờ` ngan  gơtùi pơ gồp sền gàr bơhìan chài rgơi kòn cau he dê. Bulah bè hơ\,  jat a` broa\ lơh do den kal ke ngan. Tàm nam tus,  a` pơnjat tai geh tus ala\ tiah nhàr lơgar bơh càr Gia Lai kờ` đơs crih  ai làng bol in sền. Bal mờ ala\ jơnau đơs crih bè ling klàng, bè [òn lơgar,  bè Tây Nguyên, a` geh đơs ala\ jơnau đơs crih kòn cau Bahnar mờ Jarai kờ` làng bol in  tàm [òn  lơgar git. Tu\ do,  làng bol tàm ala\ [òn tiah sar lơgar  ngài gơtùi iat ua\ ngan bơta gùng đơs crih, tàm hơ\ geh đơs crih kòn cau, bơta kuơ màng ngan la he  pal sùm geh sền kuơ tus mblàng pơlam nàng làng bol ờ hiu\ gùng đơs crih kòn cau he dê.

            -Ưn ngài bi ua\ ngan.

                   Cau cih mờ yal tơnggit K’ Brọp