VOV4.K’ho - Mờr 14 nam mờ bơnga\, kơnòl bơh cau atbồ [òn, ồng Y Hơ Êban kis tàm [òn Knia 4, ntum Ea Ba, kơnhoàl Buôn Đôn, càr Daklak neh bal mờ làng bol [òn lơgar he bơtàu tơngguh lơh sa, lơh pas tus hìu nha\. Ồng Y Hơ Êban la dùl tàm ala\ cau kra [òn pơnrơ ngan bơh Tây Nguyên, geh ua\ ta\ pơ gồp tàm sền gàr ngap lơngai [òn lơgar , chồl guh bơhìan chaà rgơi bơh mpồl bơtìan. Jơnau “Tờm chi dờng bơh [òn Knia” geh yal bè kra [òn pơnrơ ngan do.

            {òn Knia 4, ntum Ea Bar, kơnhoàl Buôn Đôn geh mờr 200 hìu mờ 790 na\ cau, ua\ ngan la cau Rơđê. Tàm ala\ nam 2001, do neh la [òn ờ suk ngan bè bơta sền gàr ngap lơngai gùng dra\ bal, tu\ mờ dùl bơnah làng bol gơbàn bol Fulro kis lềng hờ lơgar cau chul chồl, lơh pơr lồm tus bal ala\ broa\ lơh tung lơtang gùng dra\ bal, dô gan  nhàr lơgar tìs adat boh lam tus lơgar Campuchia bồ nam 2001. Tềng đap bơta gơbàn ờ niam tàm [òn lơgar, ồng Y Hơ geh làng bol pồ geh la cau kra [òn. Tềng đap bơta gơbàn ờ niam tàm [òn lơgar,  ồng Y Hơ neh ờ ngòt bơta kal ke, tus tơl hìu nàng geh mblàng pơlam, lam sồr làng bol ba` iat, ba` pin dờ` jơnau chul chồl bơh cau ờ niam. Ua\ cau  geh ồng đơs di, bơto bơtê neh  dờp git geh bơta gơbàn tìs mờ geh rê wơl hờ [òn lơgar tờm iang nùs lơh broa\ sa. Tàm git nđờ jơt na\ cau geh ồng Y Ho geh đơs nàng git, bơto bơtê geh ùr bơklau Y Prơi-H’Linh, neh gơbàn cau  ờ niam chul chồl, hoài jà dô tìs gan nhàr lơgar tìs adat boh lam, tơnơ\ hơ\ geh dờp geh  bơta gơbàn tis geh [òn lơgar dờp rò rê mờ geh iang nùs lơh sa,  tu\ do neh geh rài kis gơ pas gơs. Lo\ H’Linh, đơs: “Tu\ lài, ùr bơklau neh lòt jat ala\ cau ờ niam. Rê wơl mờ [òn lơgar a` kung neh iat ala\ jơnau bơto bơtê bơh kra [òn bơh ala\ wa, ala\ ồng. Den tàng ur bơklau a`  neh lơh ngan lơh sa, tam phan ròng phan, ròng siam oh kòn geh bơsram tus gùng tus dà. Ùr bơklau a` geh ưn ngài ngan kra [òn neh lơh ngan bơto brê. Bol a` neh git dil màl tìs he dê. Tu\ do neh rê kis wơl niam ngan mờ hìu nha\, a` go\ gơ lơh chờ ngan”.

            Ồng Y Hơ tam pà: “ Dùl tàm ala\ bơta mờng nàng mut lơh geh cồng nha bơh broa\ lơh lam sồr làng bol, hơ\ ngan la bơta git wa\ gùng dà broa\ lơh bơh Đảng,   adat boh lam bơh dà lơgar, git wa\ ngan bơhìan  chài rgơi bơh làng bol cau Rơđê”. Tàm  tu\ mblàng,  lam sồr, ồng Y Hơ sùm geh tơlik ala\ cơng tàng ai go\ chaà ngan bè bơta sền gròi bơcri bơh Đảng,  Dà lơgar tus mờ tiah làng bol kòn cau Tây Nguyên bè: bơta geh dong lài bơcri lơh gùng ce ồs đèng,  gùng lòt,  hìu sơnơm ntum, dong kờl ù ơm, ù lơh sa, dà ngui sa nàng làng bol geh tơl niam tàm rài kis, neh bal mờ ua\ ngan broa\ lơh geh  gơ lơh  krơi is bè sra\ kham sơm kòp ờ sa pria\. Ờ mìng lam bồ tàm srơh broa\ lơh “Gùt làng bol sền gàr ngap lơngai dà lơgar”, ồng Y Hơ gam la dùl na\ cau lam lài lơh sa pơnrơ ngan bơh [òn, pah tu\ geh bơto pơlam bơta chài lơh sa, ròng phan ồng drờm geh bơto bơtê wơl làng bol in,  nàng geh gơguh jak bal. Tus tu\ do,  tàm kờp jơh 180 hìu nha\ bơh [òn Knia 4,  mìng gam 27 hìu nha\ rbah,  gơmù ua\ pơndrờm mờ tu\ tơngai nam 2001. Ồng Y Hơ, ai git:“He geh mblàng pơlam bơh bơta sền gàr ngap lơngai gùng dra\ bal,  tu\ lơi lam lơh làng bol tàm [òn Knia, a` drờm geh mblàng loh bè bơta sền gàr ngap lơngai  gùng dra\ bal, ờ iat, ờ iat mờ ờ lơh jat ala\  cau ờ niam chul chồl, hơ\ la bơta tờm ngan, kờ` ngan. Dơ\ 2 tai la lơh sa, he pal wa\ git  ngan bè khoa học kỹ thuật, ua\ dơ\ geh cau kuang geh bơto pơlam geh ngui  khoa học kỹ thuật, tam jàu công nghệ, he geh lam sồr làng bol tus iat mờ lơh jat bal, rhời làng bol tu\ do đơs bal [òn Knia geh ua\ ngan tam gơl, lơh sa gơ guh pas kung ua\,  hơ\ la bơta mờ kờ` ngan a` dê”.

Ồng Y Hơ uh kơmbuat

            Ồng Y Hơ gam la dùl tàm ala\ cau chài pơnrơ ngan bơh [òn. Ồng sùm geh sền gròi tus sền gàr bơhìan chài rgơi bơh mpồl bơtìan cau Rơđê. Ồng Y Hơ ờ mìng geh uh, teh chài ua\ ngan phan teh gùng đơs crih, mờ gam chài lơh git nđờ jơt phan  uh teh,  gùng đơs crih bơhìan bơh kòn cau dê, bè cing gle, đing tặc tà, đing gông, kơm buat. Ồng Y Hơ git chài ua\ ngan jơnau đơs crih kòn cau, jơnau tròng cing yau. Mờ bơhìan kuơ màng hơ\,  ồng Y Hơ sùm nhap nhar ngan tàm broa\ bơto bơtê tus rnàng kơnòm sa\. Kơnờm bơh hơ\,  [òn Knia 4 neh geh 2 mpồl dròng cing,  ua\ ơruh pơnu tàm [òn geh ồng bơto  chài tur cing,  uh teh,  bơta chài lơh gơs ala\ phan uh, teh,  dròng bơhìan. Ồng Y Hơ la dùl tàm 4 hìu nha\ bơh [òn dê tu\ do gam gar geh bơta chài be\ trơ nờm,  geh  bal mờ  dròng cing,  mờ đơs Ay ray, bơh hơ\, geh lơh tam klac đềt mêr rlau tàm  cau kòn cau Rơđê tàm [òn Knia 4. Ồng Y Sen Kbuôr kuang jat jơnhg atbồ anih duh broa\ làng bol ntum Ea Bar,  kơnhoàl Buôn Đôn geh đơs bè ồng Y Hơ, bè do:“Bè bơnga\ bơh kra [òn tus mờ ồng Y Hơ, den ồng la cau nhap nhar broa\ lơh,  ờ mìng ồng tus bal tàm bơta bơsong ala\  jơnau gơlik geh tàm jơi nòi,  tài ồng geh bơta pin dờ` bơh làng bol kơnờm mờ ồng drờm geh bơsong, dong kờl làng bol. Dơ\ 2 la tu\ do,  ồng ờ mìng lơh geh ala\ phan teh gùng đơs crih mờ gam bơto cing mồng tus ơruh pơnu, ồng gam geh kơnòl lam sồr cau kra geh lơh gơs mpồl cau dròng cing gam geh sùm lơh. Mờ la cau bơnga\ bơh kra [òn, ồng Y Hơ mùl màl la cau kra [òn tàm dùl [òn he dê mờ gam bơh  [òn 2, [òn 3, [òn 4”.

            Y hơ di pal mờ  jơnau sơnđan bơh làng bol tàm [òn geh lời ồng in la tờm chi dờng bơh [òn Knia. Sa\ tờm ồng kung neh kìng  ngan tus làng bol [òn  he tềng ala\ càl khih nàng rài kis bơh tơl hìu nha\, bơnha\ ồs sùm geh ngap lơngai, hờm ram.

                                      Cau cih mờ yal tơnggit K’ Brọp