VOV4.K’ho- Drim ngai 15/04, tàm Hà Nội, Bộ Nông nghiệp mờ Phát triển Nông thôn bơyai lơh pơrjum lam lơh Rơndap broă lơh tơnguh bơta pràn jak ală anih lơh broă atbồ mìng gah lơh sơnơm phan ròng ală kấp, tơngai bơh nam 2021-2030; cribơyai gùng dà broă lơh sơn dră kòp as sồt kơltau tàm phan ròng. Jơnau kờñ bal bơh Rơndap broă lơh dê tàm tơngai bơh nam 2021-2030 wèt tus bơta ờdo ờdă, lơh ngan mờ tơnguh bơta pràn jak ală anih lơh broă atbồ mìng gah lơh sơnơm phan ròng ală kấp, gàr niam broă bơyai lơh jat ală broă lơh phan ròng geh bơta pràn, geh cồng nha; sền gròi niam kòp tàm phan poan jơng, sền gàr pràn kơl dang să jan ai mpồl bơtiàn in mờ rcang mut gơ rờm bal jrô ơnàng làm uă mờ dunia.

Gơrềng tus broă rcang sơn dră kòp as sồt kơltau tàm phan ròng, jat jơnau đơs bơh Cục phan ròng, Bộ Nông nghiệp mờ Phát triển Nông thôn dê, kòp pơn jat tai gơlik geh kal ke, bơtờp tàm uă tiah. Tus tŭ do, kòp as sồt kơltau tàm phan ròng neh geh tàm 781 xã bơh 149 kơnhoàl tàm 25 càr, ƀòn dờng gùt lơgar dê.

Cau mblàng K’ Hạnh