VOV4.K’ho- Drim ngai 03/6, tàm Hà Nội, Bộ Nông nghiệp mờ Phát triển Nông thôn bơyai lơh pơrjum pờ tơlik tơn tàm internet gùt lơgar bè tă bơsong kòl yan kỹ thuật tơnguh broă tac phan lơh gơs bơh suơn sre tàm tơngai kòp Covid-19.

Pơrjum geh tơrgùm cribơyai bè ală broă lơh bè: Bơt bơtàu broă lơh chính quy bè tac phan lơh gơs bơh suơn sre tàm tiah geh kòp; tă bơsong ală kòl yan bè broă pơndiang phan bơna bơh tiah geh kòp lòt tus ală tiah nàng tac tàm lơgar mờ tac hờ lơgar ndai. Tă bơsong kòl yan bè ai pơndiang gơ àl thiều bơh 2 càr Bắc Giang mờ Hải Dương dê, Bộ Nông nghiệp mờ Phát triển Nông thôn neh bơyai lơh ală mpồl lơh broă mờ ală tiah mpồng nhàr rềp mờ tiah nhàr lơgar mờ ală anih kă bro bơh lơgar Lo dê. Mờ kung sền gròi nền nòn broă lơh gơlik mờ khà tac ală bơta phan lơh gơs bơh suơn sre tàm ală tiah mờ pơrjum cribơyai tơrbŏ bal tac phan lơh gơs bơh suơn sre mờ ală mpồl lơh sa kă bro tàm ală mpồl tac phan tàm lơgar mờ lơgar ndai.

Cau mblàng K’Duẩn