VOV4.K’ho - Jăt jơnau bơh đah phan tam mờ sền gàr phan tam càr Gia Lai yal, kờp tus bồ nhai 6 nam do, kòp kò nha tào neh gơtìp mờ lơh aniai wơl tàm kơnhoàl Ia Pa mờ bă ù gơtìp kòp 393 lồ.

Kờp dŭ tàm tơngai tus, kòp kò nha tào pơn jăt tai lơh aniai tàm ală bă ù gam gơtìp kòp tài kòp neh geh lài tàm bă suơn bơh lài, mờ tŭ tìp trồ tiah duh bal mờ mìu bơrlŭ bal den do là bơta ƀuơn nàng kòp kò nhai tào gơlĭk geh mờ lơh aniai.

Kờñ kơrian mờ kòp kò nha tào gơtờp tàm uă tiah, lơh aniai tus mờ tiah tam tào bơh ală hìu măi sơdàng tàm càr, Sở Nông nghiệp mờ Phát triển Nông thôn sồr UBND ală kơnhoàl tam tào mờ ală mpồl lơh broă gơrềng bal mhar bơyai lơh lam sồr, bơto bơtê làng bol tam tào in gĭt loh bè bơta ngòt rơngơ̆t, aniai bơh kòp kò nha tào mờ lơh jăt ndrờm bal ală broă lơh nàng sơndră geh anih lơh broă tờm bơto sồr.

Cau mblàng Ndong Brawl