VOV4.K’ho- Ờ hềt tus 30 nam, bi Y Sriu, cau M’nông, kis tàm [òn Ta Mung, xã Trường Xuân, kơnhoàl Dak Song, càr Daknông neh geh 5 nam lơh broă tàm mpồl sền gàr atbồ is [òn. Tơryang tơryồng, jơh nùs dong làng bol bơtàu tơnguh lơh sa, tơn jơh jơgloh tơrmù r[ah, bi sùm geh làng bol kờn gơboh mờ pin dờn. Nam pa do, bi neh chờ hờp geh Mpồl đơng lam Tây Nguyên jờng rơ pà phan jờng là dùl tàm ală cau atbồ [òn pơnrơ jak bơh [òn lơgar Tây Nguyên dê.

            Niam să bi Y Sriu! Là dùl nă cau kơnòm să, lơh bè lơi nàng bi lơh geh bơta pin dờn ngai sơlơ uă tai bơh làng bol [òn Ta Mung dê?

            Y Sriu: Tàm [òn Ta Mung lài do là a` lơh pho\ atbồ [òn, bơh nam 2016 làng bol tàm [òn pin dờn pồ a` lơh kuang atbồ [òn, a` lơh ngan lơh gơs jak kơnòl broă jat bơta kơ\p kờn bơh làng bol dê kung bè tàm broă lơh kơnă hơđang jàu a` in. A` dong kờl nàng làng bol tơrmù [à bơta kal ke, bơto pơlam làng bol in gi\t lơh sa, sơngka sền gàr chi tam phan ròng, bơtàu tơnguh lơh sa nàng geh rài kis hờm ram rlau. Broă kung geh uă bơta kal ke sơl, mơya tu\ làng bol neh pin dờn he den he pal sùm lơh ngan sơrlèt gan mờ lơh gơs niam broă. Pơnyơu bè jòi ală broă lơh mblàng yal nàng làng bol [ươn gi\t đòm jat ală bơta jak chài ngui tàm broă lơh sa, hơ\ sồng lơh bè lơi mblàng yal làng bol in gi\t wa\ ală gùng dà broă lơh chính sách bơh Đảng, Dà lơgar dê nàng lơh broă gơ in niam.

            Ală nam rềp ndo, [òn Ta Mung neh geh uă bơta bơtàu tơnguh tu\ lơh broă lơh bơ\t bơtàu [òn lơgar pa. Bè hơ\, bi pà gi\t ală cồng nha pơnrơ ngan bơh [òn he dê tàm srơh lơh broă do?

            Y Sriu: Bè broă lơh {òn lơgar pa, den [òn Ta Mung bol a` neh lơh is geh gùng bê tông jòng 600 kơi sồ. Geh kơnhoàl Dak Song dong kờl, den bol a` lơh gùng ndai jòng rlau 1 kơi sồ, dong làng bol lòt rê [ươn [oài. Làng bol tàm [òn chờ hờp ngan mờ ưn ngài kơnă hơđang neh lơh geh tơl ală bơta dong kờl bal. Kơ\p kờn là tàm nam tus, gơnoar atbồ ală kơnă dong kờl, làng bol bol a` geh lơh geh uă broă rlau tai.

            Tus tu\ do, den khà hìu r[ah tàm [òn Ta Mung gam 18%, lơyah rlau uă ngan pơndrờm mờ khà kờp bal tàm tiah làng bol kòn cau càr Daknông dê. Pa do, bi geh Mpồl đơng lam Tây Nguyên jờng rơ là dùl tàm ală cau atbồ [òn pơnrơ jak bơh tiah do dê. Bal mờ bơta chờ hờp do den bi sền go\ kơnòl bơh he dê bè lơi nàng dong làng bol uă rlau, dipal rlau mờ bơta pơn jờng hơ\?

            Y Sriu: Tàm nhai 9 pa do, a` geh lòt Pơrjum bơh Mpồl đơng lam Tây Nguyên mờ gơnoar broă là cau kơnòm să, să tờm a` chờ hờp ngan. Geh bơta pơn jờng pin dờn do, a` geh sơlơ lơh ngan dong kờl làng bol tàm jơh ală broă nàng [òn lơgar bơtàu tơnguh rlau. A` bơto yal jơh ală bơta mờng chài mờ a` gi\t nàng dong làng bol tàm [òn sơlơ ngai sơlơ bơtàu tơnguh, ờ lời hìu bơnhă lơi jơgloh, ờ geh piang sàu àu soh. Tàm nam 2017 tus do, a` kơ\p kờn làng bol geh rài kis tơl ngui tơl sa rlau, sùm lơh ngan tàm broă lơh sa, lơh jat niam gùng dà broă lơh bơh Đảng, chính sách kơrnoat boh lam dà lơgar dê, gi\t pơn jat tai đòm jat, ngui ală bơta jak chài tàm broă lơh sa, nàng [òn lơgar ngai sơlơ bơtàu tơnguh mờ pas sơm niam bơne\ rlau. Làng bol ờ pin dờn ờ lòt jat ală jơnau bơchồt, pơrlồm pơn jồ đah bơdìh.

            Bol a` gi\t bi bau mờ cau M’nông tàm xã Dak Ha, kơnhoàl Dak Song, mơya bàr nă ùr bơklau bi ờ ơm kis tàm [òn pơ ùr jat bơhiàn jat jơi mè bơh kòn cau he dê, mơya rê ơm kis wơl tàm [òn bơklau dê là xã Trường Xuân, kơnhoàl Dak Song. ~chi gơlơh ùr bơklau bi lơh nền ờ jat bơhiàn lài do, mờ bàr nă neh jà bàr đah hìu bơnhă bè lơi nàng sơr lèt gan bơta kal ke do?

            Y Sriu: Nam 2007 a` bau, jat bơhiàn kòn cau M’nông den cau klau pal rê ơm kis hờ hìu pơ ùr. Ùr bơklau a` neh bơyai nền mờ ring bal là tiah lơi geh broă lơh sa bơtàu tơnguh den he geh ơm kis tàm hơ\. Hìu bơnhă bàr đah, mè bèp đah klau, mè bèp đah ùr kung ờ go\ rồn bơklơn sơl bè tiah ơm kis, kơ\p kờn ală kòn tiah lơi [ươn tàm broă lơh, broă sa den ơm. Rài yau, cau sùm rồn bơklơn là kòn klau tu\ bau pal rê ơm kis tàm hìu pơ ùr dê, jơnau kơlôi sơnơng bè hơ\ ờ gam dipal tai mờ rài kis tu\ do. Đah lơi geh rài kis bơtàu tơnguh rlau den he ơm kis tàm hơ\, dilah rồn bơklơn sùm den rài kis là kal ke ngan.

            Ưn ngài bi Y Sriu mờ nting săp kơ\p kờn bi bal mờ hìu bơnhă mu\t tàm nam pa geh uă bơta pràn kơldang mờ lơh sa geh uă rlau tai tiêu, kơphê. Kung kơ\p kờn bi lơh niam gơnoar broă bơh he dê nàng dong làng bol [òn Tà Mung ngai sơlơ bơtàu tơnguh!

                                     Cau cih mờ yal tơngit Lơ Mu K’ Yến.