VOV4.Xơ Đăng - Pơtối Hneăng hôp má 6, kơxo lơ 25/10, Kuô̆k hô̆i xo phĭu pôk ƀă phĭu tâ pơkí ƀă 44 ngế kăn xua Kuŏk hô̆i pôk, kĭ.

VOV4.Xơ Đăng - Kơxo hâi lơ 25/10, a Pơlê kong kân Hồ Chí Minh po hneăng Hôp tơpui khoa hok lâp plâi tơnêi ‘na Biển Đông rôh má 15 pơxá “ Pro rế kŭn kơpong têa kơxĭ  ôh tá tơniăn, po rơdâ kơpong têa kơxĭ ngiât cheăng kâ tơniăn lĕm”, xua Học viện Tơpui kâ ƀă mâu kơ koan tơrŭm cheăng tơkŭm po.

VOV4.Xơ Đăng - Kơxo lơ 25/10, a pơlê kong kơdrâm Ƀuôn Ma Thuột, kong pơlê Dak Lak, Khu tơrŭm cheăng kong têa ê, Khu xiâm ngăn Chiâk deăng ƀă Mơnhông thôn pơlê tơkŭm po Rôh hôp tối tơdroăng ki rơkê tung mơdêk hnoăng cheăng vâi kơdrâi tung mâu tíu tê mơdró kế tơmeăm pêi lo ing chiâk deăng.

VOV4.Xơ Đăng - Kơxê hâi lơ 24/10, pôa Võ Văn Thưởng, Kăn xiâm hnê ngăn tơnêi têa hiăng tơdah pôa Roberto Legrá Sotolongo - Kăn xiâm tí tăng ‘nâi plĕng mâu tơdroăng, Ngế phŏ pơkuâ ngăn mâu lêng tơplâ dêi kăch măng Cuba.

VOV4.Xơ Đăng - Kơxê măng hâi lơ 24/10, pôa Phạm Minh Chính, Ngế pro xiâm hnê ngăn tơnêi têa hiăng tơdah jâ Pauline Tamesis, Ngế pêi cheăng a Khu lâp kong têa ƀă Kăn teăng mâ 13 khu tơrŭm cheăng dêi Khu lâp kong têa a Việt Nam.

VOV4.Xơ Đăng - Hâi lơ 24/10, Khu ngăn ‘na tê rôe kế tơmeăm kong têa, Khu xiâm ngăn ‘na tê mơdró tơrŭm ƀă Vi ƀan kong pơlê Gia Lai tơkŭm po Hôp tơbleăng mâu troăng rơhlâ mơnhông mơdêk mơdró logistics a  kong pơlê.

VOV4.Xơ Đăng - Maluâ rêm hơnăm mơ’no hrê  sap ing 40 troh 50 rơtal liăn vâ ‘mâi rơnêu, mơjiâng pro troăng klông ki kân kơxô̆ 27 troăng ki tơkoh pơla kong pơlê Lâm Đồng ƀă Dak Lak, mâu kơpong troăng ki mê hiăng tơ’nhê tơ’nhĕng, kơhlong kơhlăng ó ‘nâng. Tiô tơdroăng pâ thế dêi kong pơlê Lâm Đồng, Khu xiâm ngăn ‘na troăng prôk ƀă rơxế kơtâu xuân hiăng ăm phep mơ’no liăn vâ mơjiâng pro troăng kân kơxô̆ 27, tâi tâng kơxô̆ liăn ai 1 rơpâu 400 rơtal liăn, laga troh nôkố xuân tá hâi ai liăn vâ ‘mâi rơnêu.

VOV4.XơĐăng - Kơxo hai lơ 24/10, a hngêi Kuô̆k hô̆i, Kuô̆k hô̆i tơpui tơno a tôh vâ tối mâu tơdroăng hiăng pêi pro tiô pơkâ mơnhông cheăng kâ-rêh ối hơnăm 2023,  ƀă tối mâu tơdroăng pơkâ mơnhông cheăng kâ rêh ối hơnăm 2024.

VOV4.XơĐăng - Kơxo lơ 24/10, a tíu pêi cheăng Khu xiâm pơkuâ ngăn lêng, Thươ̆ng tươ̆ng Nguyễn Tân Cương, Kăn tí tăng ‘nâi plĕng Khu lêng Việt Nam, kăn phŏ pơkuâ ngăn lêng pơkuâ leh tơdah ƀă tơpui tơno păng ‘nâng ƀă Khu kăn tí tăng ‘nâi plĕng ngế xiâm pơkuâ mâu khu lêng kring vế kăch măng Cuba xua Thươ̆ng tươ̆ng Roberto Legrá Sotolongo - kăn xiâm tí tăng ‘nâi plĕng, ngế xiâm phŏ pơkuâ ngăn lêng mâu Khu lêng kring vế kăch măng Cuba lăm pôu Việt Nam sap ing hâi lơ 19 – 28/10/2023.

VOV4.XơĐăng - Kơxo hâi lơ 24/10, a Hà Nội, po hneăng hôp tơpui ‘na khoa hok lâp plâi tơnêi ƀă pơxá “Lăm rêh ối lâp plâi tơnêi ƀă tơrŭm cheăng  pơlê pơla - tơrŭm ƀă mơnhông tơƀrê tŭm tơdroăng”.