VOV4.Xơ Đăng - Kơxê lơ 19/3, a pơlê kong kơdrâm Đà Lạt, Vi ƀan Măt trâ̆n Tơnêi têa Việt Nam kong pơlê Lâm Đồng po Rôh trâm mâ khu ki teăng mâ mâu rơxông kuăn pơlê cho hdroâng kuăn ngo a kong pơlê.

VOV4.Xơ Đăng - Kơxo lơ 19/9, pôa Phạm Minh Chính, Ngế pro xiâm hnê ngăn tơnêi têa pơkuâ po Rôh hôp Chin phuh ‘na mơjiâng luât khế 3/2025 vâ tơpui ƀă ăm rơkong veăng tơpui tối ƀă 6 tơdroăng tơkêa luât, pơkâ thế mơjiâng luât.

VOV4.Xơ Đăng - A pơlê kong xiâm London, pôa Nguyễn Hòa Bình, Phŏ Ngế pro xiâm hnê ngăn tơnêi têa nếo hôp tơpui ƀă pôa Lindsay Hoyle, Kăn xiâm hnê ngăn Kuô̆k hô̆i râ má péa Ănglê.

VOV4.Xơ Đăng -  Kơxê lơ 18/3, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ roh hôp mơ’no tơdrêng tung um tiô troăng hyôh măng ƀă mâu khu râ kăn pơkuâ mâu khu xiâm, kơvâ cheăng, kong pơlê ‘na tơdroăng pêi pro rĕng tơdroăng mơjiâng pro troăng kân ăm phêp rơxế kơtâu têi troăng kân Châu Đốc – Cần Thơ – Sóc Trăng.

VOV4.Xơ Đăng - Kơxê hâi lơ 18/3, pôa Tô Lâm, Kăn xiâm pơkuâ hnê ngăn Đảng tơdah khu kăn ngăn ‘na mơdró Hô̆i đong ngăn ‘na tê mơdró  dêi Mih - ASEAN.

VOV4.Xơ Đăng - Pôa Nguyễn Trọng Nghiã, Ngế pơkuâ cheăng kal kí ƀă hnê mơhnhôk dêi Tíu xiâm pơkâ thế rơxông nếo ƀă mâu lêng djâ troăng ahdrối tung tơdroăng tăng ‘nâi plĕng, xúa kơmăi kơmok, mơnhông khoa hok, kơmăi kơmok.

VOV4.Xơ Đăng - Kơxo lơ 18/3, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa, Kăn pơkuâ Khu hnê mơhno dêi Chin phuh ‘na mơnhông khoa hok, kŏng ngê̆, pơhlêh nếo tơmiêt pêi rơkê, pơhlêh xúa kŏng ngê̆ ƀă Tơdroăng tơkêa bro 06, pơkuâ ƀă hnê mơhno Roh hôp má môi dêi Khu hnê mơhno.

VOV4.Xơ Đăng - Tung rôh pêi cheăng a Tuyên Quang, kơxo lơ 18/3, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ djâ khu ki pêi dêi hnoăng cheăng Tơnêi têa troh chôu nhang, pleăng reăng tơbâ troh pôa Hồ Chí Minh a Hơkôp Nà Nưa, tung Kơpong tíu xối tơbâ Tơnêi têa Tân Trào.

VOV4.Xơ Đăng - A kong pơlê Dak Nông, hơnăm 2025, pơkâ pêi pro tơdroăng cheăng dêi Chin phuh, kong pơlê hiăng ‘mâi rơnêu ki xiâm hnoăng ki mơnhông tâk troh 8,11%, vâ chê péa xôh tâng vâ pơchông ngăn ƀă kơlo ki châ 4,87% dêi hơnăm 2024. Mâu tơdroăng tơkêa bro ki châ rơtal dollars mơ’no gum ăm kơvâ mơjiâng pro bauxite nhôm cho ki xiâm vâ kong pơlê loi tơngah châ ai tơdroăng ki kố, thăm nếo châ a kơlo ki 2 to kơxô̆ tung hơnăm la ngiâ.

VOV4.Xơ Đăng - Hơnăm 2025, kong pơlê Kon Tum hiăng châ Chin phuh pơcháu kơlo ki pêi lo liăn ngân GRDP 10%, hên má môi a kơpong Tây Nguyên. Khŏm mơ-eăm pêi pro klêi hnoăng cheăng, rêm râ, kơvâ cheăng dêi kong pơlê dế mơ-eăm kơhnâ khât tung pơkâ pêi pro hên troăng hơlâ, tung mê, ai mơjiâng cheăng pêi vâ tơ’mot tơmối mot ôm hyô a Kơpong ôm hyô tơnêi tíu, kong kế Mang Deang vâ veăng gum pêi lo liăn ngân tâk a 2 to kơxô̆.