VOV4.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo ai rôh trâm mâ, tơpui tơno ƀă droh rơtăm ƀă inâi “Droh rơtăm Việt Nam djâ troăng ahdrối mơjiâng khoa hok kŏng ngê̆, pơhlêh nếo tơmiât pêi rơkê ƀă pơhlêh kơxô̆ tơnêi têa”.

VOV4.Xơ Đăng - Hơnăm 1945, tơdroăng “Hnoăng cheăng tah lôi ki ôh tá ‘nâi chư” xua Pôa Hồ Chí Minh, Kăn xiâm hnê ngăn hiăng pơkâ hiăng mơjiâng chiâng troăng prôk ki tơ’lêi hlâu tung hnê hriâm, gum ăm Việt Nam châ kơdroh tah lôi tơdroăng ki ôh tá ‘nâi chư tung mâu hâi apoăng mơjiâng tơnêi têa nah. Tung pơla tơdroăng rêh ối dế nôkố, drêng Việt Nam dế thăm mơdêk mơnhông khoa hok kŏng ngê̆ ƀă pơhlêh kơxô̆, ki pơxúa kố xuân u ối ki konía git. Khu tơrŭm ngăn vâi rơtăm Việt Nam hiăng mơhnhôk tung rêm râ Đoân Droh tơtăm ‘na hnoăng cheăng “Hnoăng cheăng tah lôi ki ôh tá ‘nâi tơdroăng cheăng kơxô̆”, pơkâ pêi pro ăm tơrêm ngế vâi droh rơtăm. Tung mê, Khu tơrŭm ngăn vâi droh rơtăm ki chó chêng tơvê kŏng Việt Nam hiăng tơrŭm cheăng ƀă khu mơdró kâ AI ƀă mâu ngế ki hriăn plĕng má môi ‘na kŏng ngê̆.

VOV4.Xơ Đăng - Hâi lơ 24/3, a Hà Nội, pôa Phạm Minh Chính, Ngế pro xiâm hnê ngăn tơnêi têa pơkuâ po Rôh hôp “Rak vế gâk kring, tơniăn mơnhông cheăng kâ rêh ối pơlê pơla a mâu kong pơlê Tây Bắc ƀă kơpong ki a chê”.

VOV4.Xơ Đăng - A kong pơlê Dak Lak, klêi lối 20 hâi tơbleăng tơdroăng ki hbru pơhlêh mơ-éa phêp vê rơxế ăm kuăn pơlê.

VOV4.XơĐăng - Tung ƀai chêh ‘’Tơkŭm po lĕm tro Hneăng hôp Đảng ƀô̆ mâu râ hneăng hơnăm 2025 – 2030’’, Pôa Tô Lâm, Kăn xiâm pơkuâ hnê ngăn Đảng tối nhên troăng tơmiêt pêi rơkê: Tơdroăng hbrâ mơngế ôh tá xê ăm môi hneăng hôp; mê hơngế tâ, mê cho tơdroăng ki hbrâ mơngế ăm tơdroăng la ngiâ mơnhông mơdêk dêi khu tơrŭm cheăng Đảng, tơdroăng mơnhông dêi kơvâ cheăng, tơdroăng cheăng, kong pơlê, kơ koan, tíu pêi cheăng; kân rơdâ tâ nếo, mê cho hnoăng cheăng dêi Đảng, tơdroăng ki ối lơ hía dêi rơxông pơkuâ ƀă tơdroăng mơnhông dêi tơnêi têa, dêi hdroâng mơngế.

VOV4.XơĐăng - Kơxê hâi lơ 24/3, a tíu pêi cheăng dêi Kăn xiâm hnê ngăn tơnêi têa, pôa Lương Cường, Kăn xiâm hnê ngăn tơnêi têa hiăng tơdah pôa Kamran Bayran Aliyev, Ngế xiâm séa ngăn arak luât dêi Azerbaijan, dế ai rôh lăm pôu pêi cheăng a Việt Nam.

VOV4.Xơ Đăng - Kơxo lơ 24/3, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i pơkuâ roh hôp dêi Khu pơkuâ Đảng ủy Kuô̆k hô̆i tơpui ‘na tơdroăng tơkêa bro séa ngăn, ‘mâi rơnêu, tơ’nôm luât dêi Tơnêi têa kum tung tơdroăng rah xo bro lế lĕm tro khu râ kăn pêi cheăng dêi khu cheăng kal kí ƀă Mơ-éa chêh hdrối tơbleăng ‘na tơdroăng kêi đeăng mâu tơdroăng pơkâ kum tung tơdroăng rah xo bro lế lĕm tro Khu pêi cheăng tơnêi têa dêi khu cheăng kal kí.

VOV4.Xơ Đăng - Tiô rơkong krếo thế dêi Ngế pro xiâm hnê ngăn Chin phuh Việt Nam Phạm Minh Chính prếi kơdrâi pôa, pôa Lawrence Wong, Ngế pro xiâm hnê ngăn kong têa Singapore prếi kơdrâi pôa hiăng pôu păng ‘nâng Việt Nam ing hâi lơ 25 – 26/3.

VOV.Xơ Đăng - Pơtối mơnhông hnoăng cheăng kăch măng, vâi rơxông nếo Gia Lai dế djâ troăng ahdrối, mơhnŏng pleăng dêi hnoăng cheăng, rơkê plĕng, hloh rơkê veăng mơ’no dêi ivá mơno mơjiâng ƀă mơnhông pơlê pơla. Hên vâi o, vâi muăn đoân viên, droh rơtăm Gia Lai hiăng chiâng mâu ngế ki djâ troăng ahdrối, bâ eăng tung mâu hnoăng pêi pro.

VOV4.Xơ Đăng - Hô̆i đong mơhá pri hiăng tăng hlo 10 ngế  hơnăm ối nếo kơhnâ rơkê ƀă 8 ngế hơnăm ối nếo Việt Nam tơngah ai hnoăng cheăng pêi tơƀrê, rơkê.