VOV4.Xơ Đăng - Tung roh lăm pôu pêi cheăng kong têa Sri Lanka, pôa Nguyễn Đức Hải, Phŏ Kăn xiâm hnê ngăn Kuô̆k hô̆i hiăng troh lăm pôu pêi cheăng pơlê kong kân Kandy, kong pơlê Trung, Sri Lanka ƀă pêi cheăng ƀă pôa Arath Abeykoon, Kăn xiâm pơkuâ kong pơlê Trung.

VOV4.Xơ Đăng - Hâi lơ 23/3, a Plông kân 23 khế 3, pơlê kong kơdrâm Đồng Xoài, kong pơlê Bình Phước, Tĭnh ủy, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n Tơnêi têa Việt Nam kong pơlê Bình Phước tơkŭm po Leh tơbâ 50 hơnăm Hâi tơleăng lĕm Bình Phước (23/3/1975 – 23/3/2025) ƀă tơdah Medái pêi cheăng ối má Môi.

VOV4.Xơ Đăng – A kong pơlê ki ai tơnêi chiâk deăng, ai kơphế kân má môi Việt Nam, pơla hdrối mê hía nah, hên khu mơdró kâ a Dak Lak hiăng thăm mơdêk têng, uâ mơdiê, xúa kơmăi kơmok tung pêi chiâk pêi deăng, gum thăm mơdêk ki kơnâ dêi kơphế. Maluâ tiah mê, kơvâ ki têng, uâ mơdiê kơphế vâ mơ’no tê xuân cho tơdroăng ki kal kân ăm khu mơdró kâ tung mơ’no liăn, thăm mơdêk ki kơnía dêi tơmeăm ki châ rơtal dollars kố.

.VOV.Xơ Đăng - Kơxo hâi lơ 21/3, a kong pơlê Gia Lai pôa Bùi Thanh Sơn, Phŏ ngế pro xiâm hnê ngăn tơnêi têa pêi cheăng ƀă mâu kăn kong pơlê Gia Lai ƀă Kon Tum ‘na tơdroăng cheăng kâ rêh ối, ‘no liăn pêi cheăng tê mơdró ăm kong têa ê.

VOV.Xơ Đăng - .Ai 110 ngế vâi o ki kơhnâ rơkê hiăng châ pơ-eăng a roh leh kân Cháu nguăn Pôa Hồ kong pơlê Dak Lak rôh má 11 po a hâi lơ 21/3.

VOV.Xơ Đăng - 5 hơnăm hdrối, rêm râ khu vâi kơdrâi a Dak Lak hiăng tơleăng mơnhên klêi lối 2.000 tơdroăng ki tơdjâk troh vâi kơdrâi, vâi hdrêng, pơtối rak ki ‘lo tro, po rơdâ tâ nếo túa pêi cheăng, kâu lak ƀô̆ pêi cheăng tơƀrê.

VOV.Xơ Đăng - Peăng xêi hâi lơ 21/3, a tíu pêi cheăng dêi Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Minnikhanov, Kăn pơkuâ Kŏng hoa Tatarstan, kong têa Rusi.

VOV4.Xơ Đăng - Kơxo hâi lơ 21/3, pôa Pôa Mai Văn Chính, Phŏ Ngế pro xiâm hnê ngăn tơnêi têa pêi cheăng ƀă Tôh pêi cheăng kơxô̆ 7 ‘na tơdroăng xing xoăng, ăm liăn ngân ‘no pêi cheăng pro tơmeăm khoăng tơnêi têa ƀă tơdroăng ki xơpá dêi mâu khu xiâm, kơ koan xiâm tung 2 khế hơnăm 2025.

VOV4.Xơ Đăng - Tung rôh lăm pêi dêi hnoăng cheăng a kong têa Sri Lanka tiô rơkong krếo thế dêi kăn xiâm hnê ngăn Kuô̆k hô̆i kong têa kố, phŏ kăn xiâm hnê ngăn Kuô̆i tơnêi têa pin pôa Nguyễn Đức Hải hiăng ai rôh tơpui ƀă pôa Jagath Wickraratne, kăn xiâm hnê ngăn Kuô̆k hô̆i Sri Lanka.

VOV4.Xơ Đăng –  Kơxê lơ 20/3, pôa Phạm Minh Chính, Ngế pro xiâm hnê ngăn tơnêi têa hiăng séa ngăn, mơhnhôk pêi pro tơdroăng tơkêa bro tơraih tơƀai lâp plâi tơnêi Long Thành.