VOV4.Xơ Đăng - Rơtế ƀă pêi dêi hnoăng cheăng rak vế gak kring tơniăn, tơplâ mơdât mâu ngế pro xôi, Kŏng an tơring Ea Hleo, kong pơlê Dak Lak hiăng tơbleăng túa pơkâ “3 rơtế” vâ tơniăn ăm tơdroăng rêh ối kuăn pơlê, mơjiâng tơdroăng ki hbrâ mơdât krá tơniăn tung hiâm mơno, tơrŭm kuăn pơlê veăng rơtế ƀă khu kăn pơkuâ rak vế gak kring, rak vế tơniăn, tơniăn tơdroăng rêh ối tơniăn lĕm a mâu pơlê cheăm. H’Xíu H’Mok, ngế chêh hlá tơbeăng cheăng tung Rơ’jiu Việt Nam a kơpong Tây Nguyên ai ƀai chêh ‘na tơdroăng mê.

VOV4.XơĐăng - Mâu hơnăm hdrối mê hía nah, maluâ liăn ngân iâ, kế tơmeăm ôh tá ‘nhó hên la kong pơlê Dak Lak hiăng tŏng kum, rak ngăn tŭm ‘na tơmeăm khoăng, liăn ngân, mơhnhôk ‘na hiâm tuăn mơno ăm mâu rơpŏng, mâu ngế ai hnoăng kân tơnêi têa. Ing mê, môi kơvâ ki lâi ‘lo xuân chía kơdroh iâ tơdroăng ki châi heăng xua tơplâ tơplong, kum ăm mâu rơpŏng ai tơdroăng rêh ối rế hía rế lĕm tơniăn tâ.

VOV4.Xơ Đăng - Tơbâ Hâi mố đô̆i rong râ hlâ hía, tung lâp tơnêi têa hiăng pêi hên tơdroăng lăm pôu, hbru tơmeăm ăm mâu ai hnoăng ki kơtiê, mâu rơpŏng ai hnoăng ƀă kăch măng.

VOV4.Xơ Đăng - Tiô tơdroăng pơkâ thế dêi Khu xiâm ngăn pơkâ ƀă mơ’no liăn cheăng, pôa Trần Lưu Quang, Ngế pro xiâm hnê ngăn, Kăn hnê mơhno cheăng xiâm tơnêi têa ‘na mâu hnoăng cheăng xiâm tơnêi têa hneăng hơnăm 2021-2025 hiăng pơkâ pêi pro hên hnoăng cheăng tung séa mơnhên ngăn, tí tăng ‘nâi rơhí rơhó ‘na rak vế, pêi pro hnoăng cheăng xiâm dêi khu xiâm hnê mơhno tơnêi têa hơnăm 2023 a 3 kơpong, mê cho: Hbêa tơbăng  peăng Kơnhŏng, Hbêa tơbăng Peăng Tơdế tơnêi têa ƀă kơpong Tơbăng kroăng Cưủ Long. Măng tĭng hdrối, khu kăn hiăng lăm pôu, pêi cheăng a kong pơlê Dak Lak.

VOV4.Xơ Đăng - Khế 7 cho khế ki koh mơnê kân kơ mâu ngế lêng khên tơnôu hiăng hlâ a mâu ilâng kiâ, tíu ki xối tơbâ chal hdrối nah a kong pơlê Quảng Trị, lối chât rơpâu ngế lêng, on veăng, rơpŏng hngêi dêi mơngế lêng khên tơnôu ƀă tơmối hiăng tơkŭm troh akố vâ têk nhang, pleăng hơvĭng reăng vâ koh tơbâ mâu ngế ki hiăng hlâ xua vâ kring vế, rak xo tơdroăng ki tơniăn lĕm ăm dêi tơnêi têa. Lối chât rơpâu ngế lêng khên tơnôu hiăng kơtong hlâ ƀă hiăng ‘mế a 72 ilâng kiâ tung lâp kong pơlê Quảng Trị.

VOV4.Xơ Đăng - Tung 6 khế apoăng hơnăm, kơvâ ngăn ‘na pêi cheăng - Mô đô̆i rong ƀă pơlê pơla rak vế tiô troăng pơkâ veăng kum đi đo ăm lối 1 rơtuh 130 rơpâu ngế ai hnoăng kăch măng ƀă kơxô̆ liăn tâi tâng dâng 14 rơpâu rơtal liăn.

VOV4.Xơ Đăng - Tung 5 hơnăm hdrối, tơdroăng rêh ối dêi mâu ngế plôm mâ a kong pơlê Dak Lak dế rế hơ’lêh tơniăn tâ, veăng săm lối 4% kơxô̆ rơpŏng kơtiê cho mâu ngế ki plôm mâ.

VOV4.Xơ Đăng - Tŏng kum tơdroăng rêh ối ‘na liăn ngân, mơdêk hiâm mơno ăm mâu ngế ki ai hnoăng tơnêi têa châ khu pơkuâ Pơlê kong kân Đà Nẵng đi đo tơmâng ngăn nhên ƀă hên tơdroăng pêi pro môi tiah khăm pơlât, hbru tơmeăm, bro hngêi ối.

VOV4.Xơ Đăng - Riân troh khế 7/2023, lâp kong pơlê Gia Lai ai dâng 1 rơtuh 290 rơpâu ngế (90% pơ’leăng mâ kuăn pơlê) veăng rôe ƀaoh hiâm khăm pơlât.

VOV4.Xơ Đăng - Kơxo lơ 19/7, pôa Võ Văn Thưởng, Kăn xiâm hnê ngăn tơnêi têa rơtế ƀă kăn pơkuâ hnê ngăn Đảng ƀă Tơnêi têa hiăng troh pleăng reăng, chôu nhăng tơbâ troh mâu ngoh khên tơnôu ki hlâ a Côn Đảo.