VOV4.Xơ Đăng - Sap ing hâi lơ 14 troh lơ 18/9, Kuô̆k hô̆i Việt Nam hiăng pơkâ tơkŭm po Hneăng hôp khu kăn Kuô̆k hô̆i hơnăm ối nếo  roh má 9 dó inâi: “Hnoăng cheăng dêi vâi hdrêng tung thăm mơdêk pêi pro Ki xiâm Mơnhông krá tơniăn kơnôm ing Hơ’lêh kơxô̆ ƀă hơ’lêh nếo tơdroăng ki rơkê plĕng”. Tơdroăng mê pơtối vêh mơnhên tối hnoăng ki veăng pêi pro kơhnâ khât, pôu râng hnoăng cheăng, ing tơná tơnêi têa Việt Nam hbrâ rơnáu xêh cheăng tung hnoăng cheăng dêi Khu xiâm tơrŭm cheăng Kuô̆k hô̆i Lâp plâi tơnêi, dó inâi IPU; tơdrêng amê ăm hlo, ki kal plĕng, tŏng kum dêi Việt Nam ƀă khu droh rơtăm ƀă mâu tơdroăng cheăng tơdjuôm dêi lâp plâi tơnêi dêi khu rơxông nếo dế nôkố.

VOV4.Xơ Đăng - Hên kế tơmeăm khoăng, tơdroăng tơkêa bro a kong pơlê Dak Nông dế ôh tá chiâng pêi pro, tơdroăng mơ’no liăn cheăng tơnêi têa dêi kong pơlê hơnăm kố mơni ôh tá kâi kêi đeăng xua trâm pá pơkâ pêi bauxite.

VOV4.Xơ Đăng - Hơnăm hriâm nếo hiăng troh, mâu vâi o hok tro a tíu tơkăng kong Tây Nguyên hâk vâ troh hngêi trung tung tơdroăng ki hâk mơjo dêi mâu vâi tăm mố đô̆i gak tíu tơkăng kong. Rơtế ƀă tơdroăng ki tơmâng ngăn tŏng kum dêi khu kăn pơkuâ ƀă kơvâ ngăn hnê hriâm, mâu vâi o ối châ mâu tăm mố đô̆i gâk tơkăng kong tŏng kum sap ing rôh kâ hmê, ƀă mâu kế kâ ki ai pơxúa.

VOV4.Xơ Đăng - Sap ing nôkố troh hơnăm 2025, kong pơlê Gia Lai kô tơbleăng 7 tơdroăng tơkêa kơdroh kơtiê krá ton. Tung mê, tơkŭm tung tơdroăng ki hơ'lêh túa pơkâ pêi pêt, bro chiâng tơdroăng rêh ối cheăng kâ krá ton a kơpong hdroâng kuăn ngo.

VOV4.Xơ Đăng - Hâi lơ 13/9, a pơlê kong kơdrâm Plei Ku, kong pơlê Gia Lai tơkŭm po Hneăng hôp tơpui tơno ‘na tơdroăng “Mơnhông mơdêk hnoăng vâi kơdrâi kăn ƀô̆ ƀă tơdroăng pêi pro troăng hơlâ tŏng kum ƀă mâu khu vâi kơdrâi ki phá tơ-ê’’ kơpong peăng tơdế Tơnêi têa – Tây Nguyên.

VOV4.Xơ Đăng - Tung pơla kố nah, ƀă tơdroăng tơmâng tŏng kum dêi Đảng ƀă Tơnêi têa hên troăng hơlâ, tơdroăng pêi, tơdroăng tơkêa bro mơ’no liăn cheăng a kơpong kuăn pơlê hdroâng kuăn ngo a Dak Lak hiăng ƀă dế mơnhông châ tơƀrê, ngiâ méa mâu tíu kuăn pơlê hdroâng kuăn ngo rêh ối rế hía rế xông tơtêk, tơdroăng rêh ối kuăn pơlê rế hía rế mơdêk.

VOV4.Xơ Đăng - Kơxo lơ 10/9, Khu xiâm pơkuâ Đoân Droh rơtăm Kŏng san Hồ Chí Minh, Hô̆i đong Đô̆i Tơnêi têa tơrŭm ƀă Vi ƀan Khôi túa lĕm tro, Hnê hriâm dêi Kuô̆k hô̆i, Ƀơrô Kuô̆k hô̆i tơkŭm po roh hôp  mơnúa pơkâ pro dêi Kuô̆k hô̆i ki pơkuâ ngăn ‘na vâi hdrêng’’ roh má I.

VOV4.Xơ Đăng - Hdrối mê hía nah, Hà Nội hiăng po hneăng hôp tơbleăng luât, pơkâ dêi Kuô̆k hô̆i hneăng 15. Tơbleăng a hneăng hôp tối tơdroăng, pơ’lêh nếo tơdroăng hnê tối ‘na luât ăm tơtro ƀă mâu ngế, ‘na tíu ối, ma lối cho ƀă hdroâng kuăn ngo ƀă kong ngo.

VOV4.Xơ Đăng -Mơhé cheăng kâ ối trâm hên xơpá, la Chin phuh xuân tơmâng khât troh tơdroăng kơdroh kơklêa, xăm kơtiê ƀă hên tơdroăng, luât pơkâ. Tiô riân dêi khu xiâm ngăn mố đô̆i tro rong ƀă rêh ối pơlê pơla, hơnăm 1993, kơxô̆ rơpŏng pơtiê tung lâp tơnêi têa ai 58% troh hơnăm 2020 ối 2,75% ƀă hơnăm 2021 ai 2,23%. Việt Nam hiăng pê klêi tơdroăng pơkâ rơpâu hơnăm dêi Khu lâp kong têa ‘na kơdroh kơklêa xăm kơtiê ƀă châ mâu kong têa tung lâp plâi tơnêi khê̆n kơdeăn cho tíu ki bâ eăng ‘na kơdroh kơklêa xăm kơtiê tung lâp plâi tơnêi. Tung la ngiâ, Chin phuh troăng rơhlâ pơtối pê klêi luât pơkâ tơdjêp mơnhông mơdêk cheăng kâ-rêh ối pơla kơpong xơpá ƀă kơpong ki xông tơƀrê. Mơdêk tuăn mơ-eăm pêi

VOV4.Xơ Đăng  - Mơjiâng tơrŭm cheăng ƀă khu râ Đảng, khu kăn pơkuâ cheăm, tơring, mơdêk rơdêi hnoăng cheăng tơrŭm bro nhŏng o ƀă kuăn pơlê hdroâng kuăn kơpong hngế hngo, kơpong tíu tơkăng kong cho túa pơkâ châ mâu tíu pêi cheăng ối tung Khu pơkuâ ngăn lêng kong pơlê Dak Lak mơnhên tung rôh lo lăm pêi dêi hnoăng cheăng mơhnhôk tung khế 8 pơla hdrối kố nah.