VOV4.Xơ Đăng - Vêh mơnhên ‘na tơdroăng ki ‘mâi rơnêu tung chêh bro hlá mơ-eá, cho ki xiâm ki kal dêi tơdroăng mơnhông mơdêk pêi cheăng kâ, tơtro tiô tơdroăng pơkâ hnoăng cheăng chal nếo, kong pơlê Dak Lak hiăng vêh mơnhông ‘na tơdroăng xahpá, pêi pro adrêng mâu troăng hơlâ, túa cheăng cho vâ mơdêk ki châ tơƀrê ‘na hnoăng cheăng chal nếo, thăm mơnhông ‘na tơdroăng pêi cheăng kâ - rêh ối pơlê pơla dêi kong pơlê châ tơtêk. Hơnăm nah, kong pơlê Dak Lak hiăng tâk châ kơlo má 32 ‘na kơxô̆ ki hâk vâ môi tuăn dêi kuăn pơlê, ối má 27 tung lâp tơnêi têa.

VOV4.Xơ Đăng -  Kơxê hâi lơ 28/9, Viettel Dak Lak tơrŭm ƀă Khu xiâm ngăn hnê hriâm ƀă hnê tuăn ngôa rơkê, Khu mơhnhôk hriâm kong pơlê Dak Lak tơkŭm po tơdroăng diâp hnoăng liăn hriâm “Xua o kơhnâ mơ-eăm hriâm” hơnăm 2023-2024.

VOV4.Xơ Đăng - Pơtối tơdroăng rôh hôp má 26, hâi lơ 28/9, Vi ƀan pơkuâ cheăng Kuô̆k hô̆i hôp (rôh má 3) ăm hnê tối (rôh má 2) ‘na tơdroăng tơmâng xo, ‘mâi hơ’lêh tơdroăng tơkêa luât Tơnêi tíu ki (‘mâi hơ’lêh).

VOV4.Xơ Đăng - Kơxê hâi lơ 26/9, a tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa trâm mâ mâu Kăn rak Liăn kơdĭng Vừ A Dính ƀă Kâu lăk ƀô̆ Xua Hòang Sa  ƀă Trường Sa mơjo pâ.

VOV4.Xơ Đăng - Kơxê hâi lơ 26/7, pôa Trần Lưu Quang, Ngế pro xiâm phŏ hnê ngăn tơnêi têa tơdah khu ngế ai hnoăng Kăch măng kong pơlê Kiên Giang lăm pôu pơlê kong xiâm Hà Nội. 

VOV4.Xơ Đăng - Măng tĭng hdrối, a Hngêi hôp Kuô̆k hô̆i, pôa Y Thanh Hà Niê Kdăm, Kăn xiâm hnê ngăn Hô̆i đong Kuăn ngo dêi Kuô̆k hô̆i hiăng pơkuâ roh hôp vâ tơbleăng pơtroh ăm Vi ƀan hnê ngăn Kuô̆k hô̆i ‘na tơdroăng tah lôi ki xahpá, tơvâ tơvân, thăm mơdêk tơdroăng ki ăm kuăn pơlê châ mung liăn ing 3 Hnoăng cheăng xiâm dêi tơnêi têa, mê cho: Mơjiâng thôn pơlê nếo, kơdroh kơtiê krá ton ƀă Mơnhông pêi cheăng kâ-rêh ối pơlê pơla kơpong pơlê cheăm dêi hdroâng kuăn ngo ƀă kong ngo.

VOV4.Xơ Đăng - Dế nôkố, kong pơlê Gia Lai dế ai lối 38 rơpâu 500 rơpŏng kơtiê. Tung kơxô̆ ki mê, ai vâ chê 89% cho rơpŏng hdroâng kuăn ngo. Kong pơlê dế tơkŭm pêi pro mâu tơdroăng kum kuăn pơlê hơ’lêh tuăn tơmiât, túa pêi kâ, kum kuăn pơlê châ rĕng hluăn ing kơtiê krá ton. Nguyễn Thảo - Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tối ‘na tơdroăng mê.

VOV4.Xơ Đăng - Hâi lơ 22/9, a pơlê kong kơdrâm Đà Lạt, Tiu xiâm hriăn plĕng mơjiâng luât (ối tung Vi ƀan hnê ngăn Kuô̆k hô̆i) tơrŭm cheăng ƀă Khu kăn pơkuâ ngăn Kuô̆k hô̆i kong pơlê Lâm Đồng tơkŭm po roh hôp lâp plâi tơnêi “Hnoăng cheăng lâp plâi tơnêi ‘na liăn ngân ƀă tơdroăng pơkâ vê hdró tơnêi tíu”.

VOV4.Xơ Đăng - A kong pơlê Kon Tum, tơdroăng tah lôi pá puât, ối tơvâ a Tơdroăng tơkêa bro Pơkâ xĕn kuăn pơlê rêh ối a cheăm Đăk Long ƀă tâi tâng kơxô̆ liăn mơ’no lối 149 rơtal liăn, xua Vi ƀan tơring Đăk Hà pro khu mơ’no liăn cheăng xuân dế tung tơdroăng ki pá.

VOV4.Xơ Đăng - Tung măng tĭng hdrối, a pơlê kong kơdrâm Plei Ku, Khu pơkuâ vâi kơdrâi Việt Nam tơrŭm ƀă Khu pơkuâ hnê ngăn Đảng kong pơlê Gia Lai, tơkŭm po hneăng hôp tơpui tơno dó inâi “Mơnhông mơdêk hnoăng dêi khu kăn ƀô̆ vâi kơdrâi ƀă pêi pro troăng hơlâ ƀă mâu khu vâi kơdrâi ki phá tơ-ê’’ kơpong peăng Tơdế Tơnêi têa – Tây Nguyên, tơpui hên troăng vâ tŏng kum mơnhông ivá pơlê pơla kơpong peăng Tơdế Tơnêi têa – Tây Nguyên. Tơdroăng hâi kố, ngin ai ƀai chêh tối nhên tơdroăng xiâm tơpui tơno mê: