VOV4.Bahnar - Pơgê 6/12, ƀok Y Thanh Hà Niê Kdăm-bơngai jang lơ̆m Anih chĕp kơ̆l pơgơ̆r Trung ương Đảng, Kơdră Jơnŭm vei lăng Hơdrĕch kon kông kơ Kuôk hô̆i hlôi vang truh pơgơ̆r pơih blŭng ‘măng hop akŏm mă XV, Jơnŭm pơgơ̆r kon pơlei dêh char Gia Lai jăl XII. 

VOV4.Bahnar – Năr 6/12, pơma ah hop akŏm kiơ̆ sơkơ̆t kơ Jơnŭm pơgơ̆r teh đak khei 11/2023, Thủ tướng pơkăl dôm anih jang tơm, rim tơring tơlĕch jang minh ƀar sơnong jang tơm lơ̆m khei năr truh.

VOV4.Bahnar - Lơ̆m jơ năr năm bơ̆jang tơ̆ Lào, pơgê  6/12, Kơdră Kuôk hô̆i Vương Đình Huệ hlôi hơdai hăm Kơdră Kuôk hô̆i teh đak Lào Saysomphone Phomvihane vang truh ‘măng tơƀơ̆p muh măt dôm jơhnơr hŏk tro Hnam trưng Hữu nghị T78. 

VOV4.Bahnar – Iŏk yua tơdrong hiôk, kơchăng tơguăt jang hadoi hơtŏk choh jang sa ‘lơ̆ng, hơtŏk kơjă tơmam choh pơtăm Đak Nông, âu jing hơnăn kơ tơdrong pơma đam đơ̆ng Kơdră Anih jang vei lăng kon pơlei dêh char Đăk Nông hăm 200 kon pơlei jang mir, hơp tak xah, jơnŭm jang hơgei tơ̆ tơring.

VOV4.Bahnar – Pơgê ‘năr brei (6/12), Hô̆i đŏng kon pơlei dêh char Đăk Lăk pơtơm ‘măng hop akŏm mă 7, jăl 10, jăl jang 2021-2026.

VOV4.Bahnar – Pơgê năr 6/12, tơ̆ Anih jang Jơnŭm pơgơ̆r teh đak, hăm tơdrong pơgơ̆r đơ̆ng Thủ tướng Phạm Minh Chính, Jơnŭm pơgơ̆r teh đak hop akŏm kiơ̆ sơkơ̆t ah khei 11 sơnăm 2023 vă sơkơ̆t tơdrong jang mŭk drăm – tơpôl khei 11 păng 11 khei kơ sơnăm 2023; tơdrong jang hơmet păng hơtŏk mŭk drăm – tơpôl; tơdrong asong jên jang atŭm; tơdrong jang 03 Tơchơ̆t jang kơ teh đak.

VOV4.Bahnar - Lơ̆m tơdrong jang tơƀơ̆p tơbôl Khŭl lĭnh vei lăng tơring sơlam Việt Nam- Lào- Campuchia ‘măng mă I, Khŭl bơ̆jang kơ Anih tơm vei lăng khŭl lĭnh Việt Nam yua đơ̆ng Thiếu tướng Hoàng Hữu Chiến, Phŏ yŏng lĭnh, kơdră jang tơgŭm kơ Anih tơm pơgơ̆r Ƀô̆ đô̆i vei lăng tơring sơlam Việt Nam pơm kơdră khŭl hlôi pơjao tơdrong jang ming man anih jang khŭl lĭnh vei lăng tơring sơlam 541 ăn kơ Anih tơm pơgơ̆r khŭl lĭnh dêh char Attapư.

VOV4.Bahnar -  Lơ̆m jơ năr năm bơ̆jang vang truh Hop akŏm tih Kơdră Kuôk hô̆i 3 teh đak Campucahia, Lào păng Việt Nam, năm ngôi păng bơ̆jang tơ̆ Lào, Kơdră Kuôk hô̆i Vương Đình Huệ păng bơngai tang măt gĭt kăl Kuôk hô̆i Việt Nam hlôi truh tơmang tơ̆ Hnam pơgang Apŭng plĕnh teh La Vie tơ̆ anih tơm Viêng- Chăn.

VOV4.Bahnar - Pơgê brei, 5/12, Khul kơdră chĕp kơ̆l Đảng ƀô̆ dêh char Gia Lai pơgơ̆r hop akŏm ‘măng mă 14 (pơih xă) hơlen năng dôm tơdrong jang lơ̆m sơnăm 2023 păng tơlĕch lơ tơdrong jang kiơ̆ hơnăp jang đơ̆ng kơdih.

VOV4.Bahnar - Pơgê brei (5/12), Khul jang đơ̆ng Anih tang măt ăn Mi tơ̆ plt Hồ Chí Minh bơ̆ jang hăm kơdră chĕp kơ̆l dêh char Đắk Lắk vă hơlen năng dôm tơdrong mă 2 păh vă jang hơdoi tơ̆ hơnăp kơnh.