VOV4.Bahnar - Lơ̆m tơdrong jang năm ngôi, bơ̆jang tơ̆ Thổ Nhĩ Kỳ, tơ̆ anih tơm Ankara, Thủ tướng Phạm Minh Chính păng hơkăn sư hlôi tơƀơ̆p kang ƀô̆, bơngai jang Anih jang tang măt păng tơpôl bơngai Việt Nam tơ̆ Thổ Nhĩ Kỳ.

VOV4.Bahnar - Hơnơ̆ng bơ̆ jang tơ̆ plt Fukuoka lơ̆m ‘măng năm hơpong tơ̆ teh đak Nhật Bản, pơgê 30/11, kiơ̆ jơ tơ̆ tơring, Kơdră teh đak Võ Văn Thưởng sơng dôm bơngai tang măt ăn Khul juăt jang Nhật-Việt, yoa giáo sư Mitsuo Ochi, Hiê̆u trơng Hnam trưng Đăi hŏk Hiroshima chĕp kơ̆l kŭm hăm lơ giáo sư, tiễn sĩ, bơngai jang khoa hŏk, bơngai juăt jang găh lơ tơdrong oei bơ̆ jang tơ̆ dôm Hnam trưng đăi hŏk, anih tơchĕng hơlen păng dôm khul jang nai tơ̆ Nhật Bản.

VOV4.Bahnar - ‘Năr 30/11/2023 tơ̆ plt Pleiku, dêh char Gia Lai, Khul pơgơ̆r jang kơ tơring Tây Nguyên pơgơ̆r hop akŏm ‘măng mă 2 găh Tơproh trong jang ăn tơring Tây Nguyên đơ̆ng 2021-2030, trong vă jang truh sơnăm 2050.

VOV4.Bahnar - Hop akŏm mă 13 Công đoàn Việt Nam jăl jang đơ̆ng 2023-2028 hăm trong jang "Tơplih ‘nao – Kon pơlei pơm tơm – Tơguăt mĭnh ƀơ̆r đon – Jang tŏk" đei pơgơ̆r đơ̆ng năr ‘nâu (01/12) truh 03/12 âu.

VOV4.Bahnar - Vă jê̆ 8 jơ kơmăng, ‘năr 30/11, Kơdră teh đak Võ Văn Thưởng păng hơkăn ƀok kŭm hăm Khul tang măt ăn Việt Nam vih truh tơ̆ Cham gre păr Nội Bài, Anih tơm Hà Nội, pơtôch ‘lơ̆ng hơiă ‘măng năm hơpong tơ̆ Nhật Bản đơ̆ng ‘năr 27 truh 30/11 kiơ̆ nơ̆r krao hơvơn đơ̆ng teh đak Nhật Bản.

VOV4.Bahnar - Vă pơih să păng pơtrŭt jang hơdai tơmơ̆t jên jang, mơdro sa tơmam păng hơtŏk tơiung tơmang lăng, Anih vei lăng kon pơlei dêh char Lâm Đồng hlôi đei hla ar athei anih jang gre păr Vietjet pơih trong păr đơ̆ng Cham gre păr Liên Khương – Sigapore păng hơlơ̆k dơ̆ng.

VOV4.Bahnar - Lơ̆m tơdrong jang năm ngôi, bơ̆jang tơ̆ teh đak Cộng hòa Thổ Nhĩ Kỳ, pơgê 30/11 (jơ tơring), tơ̆ anih tơm Ankara, Thủ tướng Phạm Minh Chính vang truh Hop akŏm mơdro sa Thổ Nhĩ Kỳ - Việt Nam.

VOV4.Bahnar – Hăm hơnăn “Bri kông Tây Nguyên – Akŏm tơdrong hơgei ‘lơ̆ng”, kơmăng ‘năr brei (29/11), tơ̆ Cham pơhiơ̆ 16/3 tơ̆ pơlei tơm Kon Tum, dêh char Kon Tum pơm Lêh pơtơm Năr akŏm Joh ayŏ, Tơplŏng kơdâu păng Tơmang pơhiơ̆ kon kông Tây Nguyên ‘măng mă I, sơnăm 2023.

VOV4.Bahnar – Pơgê ‘năr brei (29/11, kiơ̆ jơ tơ̆ tơring), lêh sơng Thủ tướng teh đak bơ̆n Phạm Minh Chính hlôi đei pơgơ̆r kăp gĭt tơ̆ Anih jang Kơdră teh đak Thổ Nhĩ Kỳ kơyuơ Phŏ Kơdră teh đak Thổ Nhĩ Kỳ Cevdet Zilmaz pơgơ̆r. Đơ̆ng rŏng kơ noh, Thủ tướng teh đak bơ̆n Phạm Minh Chính hlôi pơma đam hăm Phŏ Kơdră teh đak Thổ Nhĩ Kỳ Cevdet Zilmaz.

VOV4.Bahnar – Đơ̆ng rŏng jê̆ 2 giĕng iung chă dăr hơlen, sek tơlang tơdrong pơm glăi sơkơ̆t trong nơnăm tơ̆ jăl trong 20, Kŏng an dêh char Lâm Đồng hlôi sek tơlang hloh 1.500 ‘nu pơm glăi, lơ̆m noh đei dôm jĭt bơngai vơ̆r gre gronh et ma túy.