VOV.Êđê - Ti Sang bruă kƀĭn ala, bruă Đảng anôk bruă kƀĭn ala bi hgŭm hŏng Anôk bruă kiă kriê klei hâo hưn lehanăn đru čung ba mnuih ƀuôn sang gưl dlông, Sang hră ksiêm hriăm bruă kđi čar Ala čar Hồ Chí Minh mkŏ mjing Klei kƀĭn kreh knhâo gưl ala čar: “Anôk bruă kƀĭn ala Việt Nam – 80 thŭn mkŏ mjing lehanăn đĭ kyar” .

VOV.Êđê - Daklak hlăk ktuh êyuh jih ai tiê hlue ngă dŭm bruă ngă hră mơar hŏng hdră êlan bi mlih mrô, kñăm mjing djăp klei găl kơ mnuih ƀuôn sang lehanăn phung duh mkra, lehanăn bi ngă bruă anei kjăp hlăm jih thŭn 2025 mâo ƀiă êdi 70% mta hră mơar dưi mghaih msir hŏng êlan online, hlăm kdrăp mrô.

VOV.Êđê - Aguah mbrue 10/9, ti Anôk bruă Đảng gưl dlông, ti gŭ klei kiă kriê mơ̆ng khua gĭt gai Đảng Tô Lâm, Phŭn bruă kđi čar mâo leh mmông mă bruă hŏng Anôk bruă kiă kriê bruă Đảng mơ̆ng anôk bruă knŭk kna, čiăng mă klei blŭ kơ bruă čih mkra, lehanăn hdră êlan dăp mnuih kơ gưl bruă Đảng, lehanăn mprăp kơ klei bi kƀĭn prŏng bruă Đảng hlăm anôk bruă knŭk kna wưng thŭn 2025-2030.

VOV.Êđê - Lê Hoài Trung, Pô mâo klei dưi mơ̆ng Khua phŭn bruă hŏng tač êngao mâo leh klei bi blŭ hrăm hŏng khua phŭn bruă hŏng tač êngao (Thongsavanh Phomvihane), Khua phŭn bruă hŏng tač êngao Lao.

VOV.Êđê - Tlam 9/9 ti Hà Nội, Khua gĭt gai Đảng Tô Lâm gĭt gai klei bi kƀĭn hŏng bruă Đảng Phŭn bruă sang hră mtô bi hriăm kơ boh klei pŏk ngă Hdră mtrŭn 71 mơ̆ng Phŭn bruă kđi čar kơ klei êdah êdi mđĭ kyar bruă sang hră mtô bi hriăm.

VOV.Êđê - Êpul mă bruă mrô 2 mâo Khua knŭk kna Phạm Minh Chính gĭt gai mmông mă bruă.

VOV.Êđê - Anei jing klei bi kƀĭn kđi čar yuôm bhăn kñăm ksiêm wĭt bruă knuă wưng êgao, kčah hdră kñăm đĭ kyar 5 thŭn kơ anăp, mđing kơ klei bi kƀĭn phung bi ala kluôm ala tal XIV mơ̆ng Đảng. Truh ară anei, 106 bruă đảng gưl dlông hlăm čar bi leh Klei bi kƀĭn. Čiăng hâo hưn djŏ klă kơ Klei bi kƀĭn, Knơ̆ng bruă dhar kreh, mjuăt asei mlei leh anăn hiu čhưn ênguê bi hgŭm dŭm dhar bruă srăng mkŏ mjing hưn hŏng phung čih klei mrâo êlâo leh anăn êdei kơ klei bi kƀĭn.

VOV.Êđê - Hjăn hŏng dŭm să, ƀuôn hgŭm, Knơ̆ng bruă sang čư̆ êa čar Gia Lai mtă brei pral mâo Anôk bruă duh kơ bruă knŭk kna hjăn čiăng yua tŭ dưn.

VOV.Êđê - Tlam mbruê 9/9, ti anôk bruă Đảng gưl dlông, Êpul mă bruă mrô 1 mơ̆ng phŭn bruă kđi čar mơ̆ng Khua lăn čar Lương Cường gĭt gai, mă bruă hŏng phung bi ala Êpul khua bruă Đảng čar Cà Mau, Hưng Yên čiăng brei klei blŭ mguôp hlăm dŭm hdră mơar, hdră êlan dap mnuih mă bruă leh anăn bruă mprăp kơ klei kƀĭn kluôm bruă Đảng čar wưng thŭn 2025 – 2030.

VOV.Êđê - Hruê mbruê 9/9, bruă sang čư̆ êa čar Lâm Đồng mkŏ mjing klei kƀĭn bi trông kơ hdră êlan ruh mgaih klei dleh dlan, bi pral bruă brei čan duh bi liê bruă knŭk kna hlăm dŭm mlan knhal jih thŭn 2025.