VOV.Êđê - Ti anăp klei dleh ktuê dlăng mơ̆ng angĭn êbŭ mrô 13 Kalmaegi, mâo đăo knăl jing gưl angĭn êbŭ ktang, nao pral leh anăn mâo klei dưi hmăi kơ krĭng Dhŭng kwar Krah leh anăn Lăn Dap Kngư, dŭm alŭ wăl hlăm krĭng wăl dôk mjêč pŏk ngă hdră mdrơ̆ng čiăng bi hrŏ hnơ̆ng luč liê ƀiă hĭn klei luč liê kyua angĭn êbŭ ngă.

VOV.Êđê - Hruê 4/11, Phŭn bruă kahan ksiêm mkŏ mjing klei kƀĭn trông hyuă kjăp, hluê ngă hdră mtrŭn, hdră ngă bruă ngă hdră mtrŭn klei kƀĭn Kluôm bruă Đảng kahan ksiêm gưl dlông gưl tal 8 leh anăn mtrŭt mjhar hdră bi lông ktưn 3 kdlưn hĭn: Hdră bhiăn hĭn, siă suôr hĭn, giăm hŏng mnuih ƀuôn sang hĭn hlăm jih êpul kahan ksiêm yang ƀuôn.

VOV.Êđê - Tlam 4/11, ti Anôk bruă knŭk kna, Khua knŭk kna Phạm Minh Chính gĭt gai Klei bi kƀĭn tal 20 mơ̆ng Anôk bruă gĭt gai ala čar kơ klei bi kdơ̆ng mă kan hdang soh hŏng hdră bhiăn, amâo hưn mdah leh anăn amâo hlue si klei kčah mtrŭn (IUU), online hŏng 21 čar, ƀuôn prŏng ktuê hang ksĭ.

VOV.Êđê - Ti ƀuôn hgŭm Ngọc Linh, čar Quảng Ngãi (êlâo dih dôk hlăm kdriêk Đăk Glei, čar Kon Tum), klưh ksak mơ̆ng sa boh kbuôn akŏ êa ngă leh kơ 5 boh ƀuôn mnuih Xơ Đăng amâo lŏ mâo ôh êlan găn êrô.

VOV.Êđê - Brei klei blŭ kơ Klei čih mkra Hdră bhiăn mkra mlih, thiăm mbŏ dŭm mta hlăm Hdră bhiăn kriê dlăng nư knŭk kna, phung bi ala Anôk bruă kƀĭn ala brei ksiêm dlăng klă klơ̆ng kñăm mjing klei găl hlăm bruă kriê dlăng nư knŭk kna, čiăng kơ ala čar đĭ kyar, mbĭt anăn mjing klei đăo knang kơ phung duh bi liê hriê ti Việt Nam lehanăn klei đăo knang hlăm mnuih ƀuôn sang.

VOV.Êđê - Tlam (3/11), Anôk bruă sang čư̆ êa čar Dak Lak bi kƀĭn online mguôp hŏng klă anăp pŏk dŭm hdră mdrơ̆ng hŏng angĭn êbŭ mrô 13 (Kalmaegi) lehanăn adiê hjan ti alŭ wăl čar.

VOV.Êđê - Mmăt (03/11) blŭ hrăm ti Knăm mjưh ruê̆ Knăm mơak Yan hla luh tal 1 thŭn 2025, Khua knŭk kna Phạm Minh Chính iêu mthưr êpul êya anôk bruă duh mkra, mnuih ƀuôn sang lehanăn lĭng kahan kluôm ala čar sa ai, hgŭm kngan bi đru, čiăng kơ mnuih ƀuôn sang krĭng yan adiê ngă, êa lip lêč hnưm bi hơĭt klei hdĭp lehanăn krŭ wĭt hdră duh mkra mnia mblei.

VOV.Êđê - Hlăm hdră hưn mdah kđi čar hưn hlăm klei kƀĭn kluôm tal 14 mơ̆ng Đảng, mta phŭn “Kriê dlăng, ba yua tŭ dưn ngăn dŏ, răng mgang wăl hdĭp mda, čŏng pô găl guôp hŏng klei mlih yan adiê” dưi dlăng jing sa hlăm dŭm kmeh gơ̆ng yuôm bhăn mơ̆ng hdră êlan mđĭ kyar lăn čar. Mbĭt hŏng Lăn Dap Kngư, anôk krơ̆ng kơ Kwar Dhŭng leh anăn Ngŏ Dhŭng, boh klei anei amâo djŏ knŏng mâo boh tŭ hdră êlan, ƀiădah lŏ jing boh sĭt ară anei. Mơ̆ng đa đa mta phŭn hưn mdah.

VOV.Êđê - Nai êdah êdi Ksor Chuel, 76 thŭn, mnuih Jarai, mâo êbeh 30 thŭn ngă nai ti čar Gia Lai. Wĭt ti ƀuôn sang leh jih thŭn mă bruă, ñu lŏ dơ̆ng nao hgŭm hlăm dŭm êpul bruă ti alŭ wăl, jih ai tiê đru mguôp čiăng mkŏ mjing ƀuôn sang. Ñu lŏ jing gru mngač đru kơ phung mda asei Jarai kpưn đĭ hlăm klei hriam hră mơar, mă bruă knuă.

VOV.Êđê - Ti anăp klei yan adiê dleh ksiêm dlăng, dŭm čar Lăn Dap Kngư mjêč bi mdrơ̆ng.