VOV.Êđê- Hrue 18-5, ti Knhuah gru hƀuê ênuk – dhar kreh lăn čar Sang nga yang kơ Awa Hồ, ƀuôn hgŭm Vân Hòa, čar Daklak mkŏ mjing leh knăm čuh brui mngưi bi hdơr 136 thŭn hrue kkiêng khua gĭt gai Hồ Chí Minh.

VOV.Êđê- Mmăt 18/5, knăm hưn mthâo ƀuôn prŏng Đồng Nai dôk hlăm Gưl dlông lehanăn tŭ mă Medai ngă bruă mrô Sa dưi mkŏ mjing hŏng klei nao hgŭm mơ̆ng Khua gĭt gai Đảng, Khua lăn čar Tô Lâm.

VOV.Êđê- Khua knŭk kna Lê Minh Hưng bi klă, hrue kreh knhâo, kdrăp mrâo lehanăn mlih mrâo hŏng klei knhêč Việt Nam amâo mâo djŏ jing wưng mpŭ mđĭ kơ êpul phung thâo lu, phung ngă bruă kreh knhâo ƀiădah lŏ bi kơrŭ wĭt klei myưng m’ang kơ klei mĭn Việt Nam.

VOV.Êđê- Mă bruă hŏng Knơ̆ng bruă Dhar kreh lehanăn ala ƀuôn aguah 18/5, Khua Anôk bruă kƀĭn ala Trần Thanh Mẫn mtă kơ Knơ̆ng bruă bi leh hdră mkŏ dăp anôk bruă, kah mbha bruă klam djŏ guôp, mđĭ lar tuič hnơ̆ng klei thâo mơ̆ng grăp čô knuă druh.

VOV.Êđê- Klei mĭn “bi hgŭm kjăp” mơ̆ng Khua gĭt gai Hồ Chí Minh jing sa hlăm dŭm boh phŭn hlăm tur knơ̆ng klei mĭn mơ̆ng Đảng, jing “klei mkŏ hrah” mjing ai ktang leh anăn djăp klei tŭ dưi mơ̆ng cách mạng Việt Nam. Hŏng Lăn Dap Kngư, krĭng lăn phŭn, anôk mâo lu djuê ana ayŏng adei hdĭp mda, klei mĭn bi hgŭm dưi mđĭ jing ai ktang hlăm lam, bi mguôp êpul êya, răng kriê klei hơĭt, mkŏ mjing ƀuôn sang đĭ kyar leh anăn mđĭ klei đăo knang yang ƀuôn hŏng Đảng. Ƀri gưl bi hdơr 136 thŭn hruê kkiêng Khua gĭt gai Hồ Chí Minh 19/5, mnuih ƀuôn sang dŭm djuê ana Lăn Dap Kngư knư̆ hdơr klei ñu mtă, lŏ dơ̆ng mkŏ mjing klei bi hgŭm djuê ana, tur knơ̆ng kjăp kơ krĭng lăn dap kngư đĭ kyar hơĭt kjăp.

VOV.Êđê- Ti ƀuôn sang Lăn Dap Kngư, asăp blŭ phung khua mduôn msĕ si ênai čing kwang krah mlam. Amâo guôn mâo loa mđung asăp bi prŏng ôh, amâo guôn blŭ ktang đŏk ôh, knŏng khua mduôn mâo asăp blŭ snăn mnuih ƀuôn sang hmư̆, mnuih ƀuôn sang đăo knang. Kyuadah ti tluôn asăp blŭ anăn jing kơhưm dưi mkŏ mjing hŏng jih klei hdĭp bi mguôp hŏng ƀuôn sang, hŏng pưk hma, hŏng grăp yan mdiê ksă, grăp êa hnoh đoh ling. Leh anăn ăt mơ̆ng asăp blŭ jĕ giăm anăn, hdră êlan mơ̆ng Đảng, hdră êlan mơ̆ng Knŭk kna truh leh ti grăp boh sang krum dlông, grăp kpur pui mnuih ƀuôn sang Lăn Dap Kngư.

VOV.Êđê- Mơ̆ng hruê anei (18/5), êlan dơ̆ng êran pral Chí Thạnh - Vân Phong găn čar Dak Lak klă sĭt dưi ba yua, đru bi leh êlan klông mkŏ krĭng Lăn Dap Kngư hŏng ktuê hang ksĭ Dhŭng kwar Krah.

VOV.Êđê- Bruă rŭ mdơ̆ng 7 sang hră Knŭk kna rông ba mlir gưl hriăm ti dŭm să knông lăn yŭ čar Gia Lai dôk êmưt mkă hŏng hdră kčah.

VOV.Êđê- Khua gĭt gai Đảng, Khua lăn čar Tô Lâm mñă klă, mŭt hlăm ênuk mrâo, klei čiăng đĭ kyar pral leh anăn kjăp mơ̆ng lăn čar brei Sang hră gưl prŏng Hà Nội gĭr leh anăn êdah kdlưn ktang hĭn, năng hŏng bruă klam sang hră gưl prŏng ala čar mrô sa.

VOV.Êđê- Tlam hruê 14/05, Khua knŭk kna Lê Minh Hưng nao ti Knăm tŭ mă anăn knăl Pô jhŏng ktang djă phao ktuang yang ƀuôn mơ̆ng Kahan ksiêm ƀuôn prŏng Hải Phòng.