VOV.Êđê- Khua Bruă Kbĭn ala Trần Thanh Mẫn mñă ktang, tơdah amâo mâo rơ̆ng kơ hnơ̆ng jăk, klei ngă bruă hluê si hdră kčah, Phung Khua phŭn bruă, khua gĭt gai anôk bruă gĭt gai klei čuh mkra leh anăn anôk bruă kiă kriê klei ksiêm dlăng srăng đua klam ti anăp Knŭk kna, Khua Knŭk kna leh anăn ti anăp dhar Bruă Kbĭn ala.

VOV.Êđê- Êpul gơ̆ng bruă ƀuôn sang čar Dak Lak bi mklă ruah Y Nhuân Byă, Khua hlăm bruă Đảng čar, K'iăng Khua Anôk bruă mkŏ mjing bruă Đảng čar ngă K'iăng Khua Knơ̆ng bruă sang čư̆ êa čar Dak Lak gưl XI, wưng 2026-2031

VOV.Êđê- Aguah mbruê (08/07), ti Anôk dlăng bruă Đảng gưl dlông, Khua gĭt gai Đảng, Khua lăn čar Tô Lâm mă bruă hŏng dhar bruă kriê dlăng Bruă knuă kơ hnơ̆ng jăk mnuih mă bruă Việt Nam, hdră msir mjing bruă mă hơĭt kjăp ti krĭng ƀuôn sang, ƀuôn prŏng, krĭng mnuih djuê ƀiă, bruă mtô bi hriăm mnuih mă bruă hlăm wưng mrâo.

VOV.Êđê- Hruê anei (8/7), Klei bi kƀĭn tal 4 mơ̆ng Dhar bruă gĭt gai Anôk bruă kbĭn ala mphŭn pŏk ksiêm dlăng, brei klei blŭ, bi mklă lu mta bruă yuôm bhăn, hlăm anăn mta phŭn jing dŭm klei čih mkra hdră bhiăn, klei bhiăn lăn čar, hdră mtrŭn mkăp kơ hdră mprăp kơ Klei bi kƀĭn êngao hdră gưl tal Sa, Anôk bruă kbĭn ala gưl XVI-Klei bi kƀĭn thơ̆ng kơ bruă čih mkra hdră bhiăn mlan 8/2026.

VOV.Êđê- Tlam mbrue (07/07), gĭt gai klei bi kƀĭn kơ klei čih mkra hdră mtrŭn kơ bruă bi mklă klei dưi kiă kriê mơ̆ng anôk mtô bi hriăm gưl prŏng, anôk bi hriăm bruă knuă; hdră êlan ngăn prăk hŏng bruă sang hră mơar leh anăn mjuăt bi hriăm bruă knuă; hdră phŭn kơ bruă mjuăt bi hriăm nai prŏng jih thŭn mlan, K’iăng khua knŭk kna Lê Tiến Châu mtă, bi mklă hdră êlan čŏng ngă plah wah anôk bruă mtô bi hriăm gưl prŏng Knŭk kna leh anăn êngao Knŭk Kna.

VOV.Êđê- Aguah mbruê 7/7, ti Đà Lạt, Anôk bruă bi hriăm kahan hang mkŏ mjing knăm bi hdơr 80 thŭn hruê knhuah gru leh anăn tŭ mă Mêđai răng mgang lăn čar mrô 1.

VOV.Êđê- Aguah mbruê 7/7, ti sang Bruă Kbĭn ala, Khua Bruă Kbĭn ala Trần Thanh Mẫn drông Khua phŭn bruă hdră bhiăn Malaysia Tan Sri Mohd Dusuki Mokhtar mbĭt hŏng êpul ngă bruă ƀri wưng hruê čhưn leh anăn mă bruă hŏng Anôk bruă phat mkra yang ƀuôn gưl dlông Việt Nam.

VOV.Êđê- Aguah mbruê 7/7, ti Hà Nội, K’iăng Khua knŭk kna Hồ Quốc Dũng nao hlăm knăm bi hdơr 50 thŭn mkŏ mjing anôk bruă Năng lượng nguyên tử Việt Nam.

VOV.Êđê- Aguah 7/7, Knơ̆ng bruă sang čư̆ êa čar Dak Lak pŏk ngă Hdră 45 hruê mlam mđĭ pral hnơ̆ng ruh mgaih anôk ala dŭm hdră bruă.

VOV.Êđê- Tal mbruê 6/7, ti anôk bruă Knŭk kna, Khua Knŭk kna Lê Minh Hưng gĭt gai klei kƀĭn gưl tal 2 Êpul gơ̆ng bi lông ktưn - pah mni gưl dlông.