VOV.Êđê - Aguah 18/3 ti Anôk bruă Đảng gưl dlông, Anôk bruă gĭt gai gưl dlông kơ klei gang mkhư̆ ƀơ̆ng ngăn, luč liê mang mkŏ mjing klei bi kƀĭn ti gŭ klei gĭt gai mơ̆ng Khua gĭt gai Đảng Tô Lâm, Khua Anôk bruă gĭt gai čiăng bi trông, brei klei blŭ kơ boh tŭ hlue ngă hdră mă bruă mơ̆ng akŏ thŭn truh ară anei leh anăn bruă klam phŭn 6 mlan akŏ thŭn 2026.

VOV.Êđê- Tlam mbrue 17-3, Khua bruă kƀĭn ala Trần Thanh Mẫn kiă kriê leh klei bi kƀĭn ksiêm wĭt klei bi hgŭm plah wah dhar bruă gĭt gai bruă kƀĭn ala hŏng Êpul khua kiă kriê bruă Mặt trận čar kwar gưl dlông Việt Nam.

VOV.Êđê- Tlam mbruê 17/3, ti anôk bruă Knŭk kna, Khua Knŭk kna Phạm Minh Chính mă bruă hŏng êpul bruă kơ êa pui êwa čuh kơ dŭm hdră êlan rơ̆ng bi mâo djăp êa pui êwa čuh ti anăp dŭm klei hmăi mơ̆ng klei bi mblah ti krĭng Msăt boh lăn truh hŏng klei mkăp brei êa pui tar rŏng lăn.

VOV.Êđê- Tlam mbrue 17/3, Tô Lâm, Khua gĭt gai Đảng Cộng sản Việt Nam mă leh bruă hŏng Phŭn bruă tuh tia mnia mblei lehanăn dŭm phŭn dhar bruă djŏ tuôm hlăm klei bi mnia blei hŏng tač êngao, čiăng mkŏ klei hgŭm yuôm bhăn êjai klei rŭng răng ară anei tar rŏng lăn.

VOV.Êđê- “Sang hră ksiêm hriăm hdră kdrăp bruă lĭng kahan brei mtrŭt mđĭ hdră jak iêu, mjuăt bi hriăm, hrŏng ruah mnuih thâo, mkŏ mjing êpul knuă druh djŏ guôp hŏng bruă klam mrâo” Anei jing klei bi mklă mơ̆ng Khua gĭt gai Đảng Tô Lâm hlăk nao čuă, mă bruă hŏng Sang hră hruê 17/3.

VOV.Êđê- Ti anôk bi kƀĭn grăp gưl mlan 2/2026, phung khua čar Dak Lak brei thâo, lu ênoh mrô bruă duh mkra krơ̆ng kjăp hnơ̆ng đĭ, mjing tur knơ̆ng čiăng kơ čar gĭr mâo mta kñăm mđĭ kyar dua mrô hlăm thŭn anei.

VOV.Êđê- Yang hrue dơ̆ng mbrue (17/03) ti Anôk bruă knŭk kna, Khua knŭk kna Phạm Minh Chính drông čhưn leh khua bi ala knŭk kna Qatar, (Khalid Ali Abdullah Abel).

VOV.Êđê- Hruê 17/3, Dhar bruă ruah khua čar Dak Lak mkŏ mjing Klei kƀĭn hưn mthâo boh tŭ hdră ruah phung bi ala bruă kƀĭn ala gưl XVI lehanăn hưn mthâo anăn phung djŏ ruah hlăm Êpul gơ̆ng bruă ƀuôn sang čar wưng thŭn 2026–2031.

VOV.Êđê- Tlam mbruê 16/3, knơ̆ng gĭt gai lĭng kahan čar Dak Lak mkŏ mjing klei kƀĭn trông hâo hưn, hlăk mblang boh tŭ klei kƀĭn Prŏng tal 14 mơ̆ng Đảng Cộng sản Việt Nam; mbĭt anăn hyuă kjăp mta phŭn dŭm hdră mtrŭn mrô 79 leh anăn mrô 80 mơ̆ng Phŭn bruă kđi čar, mbĭt hŏng đa đa hră mơar mrâo djŏ tuôm hŏng bruă klam lĭng kahan dŭm gưl hlăm wưng mrâo.

VOV.Êđê- Knhal jih tlam 16/3, Khua knŭk kna Phạm Minh Chính gĭt gai klei klei bi tuôm hŏng Knŭk kna čiăng lŏ dơ̆ng brei klei blŭ kơ hdră msir rơ̆ng klei mkăp leh anăn hơĭt ênoh êa săng, êa pui.