VOV.Êđê- Ti krah krĭng čư̆ dliê prŏng liă lia, anôk đang kphê čăt jing mtah mda hluê êlan ping čư̆, mâo sa čô mniê djuê ana K’ho dôk bi sĭt klei čang hmăng mkra kdrăp čŭt hơô phung mniê mơ̆ng dŭm blah pơ̆k mñam mơ̆ng djuê ana pô. Anăn jing amai Ka Thuân Minz, ti alŭ 5B, să Hoà Ninh, čar Lâm Đồng. Mniê mă bruă pơ̆k mñam anei hlăk lehanăn dôk đru mguôp ngă bi mrâo kdrăp čŭt hơô djuê ana K’ho hŏng ai êwa ênuk mrâo ară anei.

VOV.Êđê – Tlam mbruê (19/03) ti Anôk bruă Knŭk kna, Khua knŭk kna Phạm Minh Chính drông leh Êpul ksiêm dlăng mơ̆ng Dhar bruă Ơrôp (EC) mâo Fernando Andresen Guimaraes, Khua knơ̆ng ksiêm dlăng bruă mnơ̆ng hlăm êa tar rŏng lăn lehanăn bruă mă kan hơĭt kjăp, ngă khua êpul bri gưl hriê čhưn, mă bruă ti Việt Nam.

VOV.Êđê – Bi mklă mkra mlih klei ngă hră mơar jing bruă klam phŭn, mơ̆ng akŏ thŭn truh kơ ară anei, čar Lâm Đồng lŏ dơ̆ng pŏk ngă lu hdră msir, mđing truh kơ bruă mkŏ mjing anôk ngă hră mơar mrâo mrang, tŭ dưn.

VOV.Êđê – Kuôl kă giăm 1.300 hră ƀuăn rơ̆ng, êbeh 5.000 čô khua hô̆ mran trah mă kan ti čar Daklak mâo mjuăt hriăm kơ bruă bi kdơ̆ng hŏng klei ngă soh trah mă kan, klei amâo mâo hâo hưn, lehanăn amâo hlue ngă djŏ hŏng klei čoh čuăn (IUU).

VOV.Êđê – Tlam mbrue 19/3, lŏ dơ̆ng hlăm klei mă bruă ti čar Daklak, k’iăng khua knŭk kna Hồ Quốc Dũng nao ksiêm dlăng bruă mkra êlan dơ̆ng pral Khánh Hòa - Buôn Ma Thuột, kdrêč hlăm čar.

VOV.Êđê – Tlam mbrue (19/03), ti Anôk bruă kiă kriê klei hâo hưn, lehanăn đru čung ba mnuih ƀuôn sang gưl dlông, Trịnh Văn Quyết, Khua kiă kriê anôk bruă hâo hưn, lehanăn đru čung ba mnuih ƀuôn sang gưl dlông mâo leh mmông mă bruă hŏng Rogelio Polanco Fuente, Khua bi ala knŭk kna Cuba ti Việt Nam.

VOV.Êđê – Aguah mbrue 19/3, ti kdrŭn êdeh treng Đồng Đăng, čar Lạng Sơn, Khua gĭt gai Đảng Tô Lâm mă leh bruă hŏng dŭm anôk bruă djŏ tuôm kơ bruă mkŏ êlan êdeh treng Việt Nam – China.

VOV.Êđê - Ti krah kdrăn čuah kô̆ ktuê hang ksĭ Cam Lâm, čar Khánh Hòa, wăl bi hdơr phung lĭng kahan Gạc Ma hruê anei bŏ hŏng yuôm bhăn. Tinei bi hdơr kơ phung lĭng kahan êa ksĭ jhŏng ktang săn asei leh hlăm klei bi blah răng mgang klei dưi čar kwar ti plao ksĭ Trường Sa sui hŏng anei 38 thŭn.

VOV.Êđê - Ƀuôn Canh Tiến, să Canh Vinh, anôk mâo lu mnuih ƀuôn sang djuê ana Bahnar hdĭp mda, tuôm jing sa hlăm dŭm krĭng dleh dlan hĭn ti kdriêk Vân Canh, čar Bình Định hđăp, ară anei jing čar Gia Lai. Anôk anăn êlâo dih jing kriêp ñăt, êlan klông mŭt čư̆ čhiăng, pui kmlă, êlan klông ba mâo, êlan klei đĭng blŭ ăt kăn đei jăk mơh. Khădah snăn hruê anei êlan mrâo truh ti ƀuôn sang, sang hră adŭ hriăm mâo pui kmlă, mâo dhiăr pưh êđăp, phung hđeh nao sang hră hơ̆k mơak hĭn. Mâo Knŭk kna mđing uêñ, bi liê mjing leh boh kdrŭt kơ phung nai hơĭt ai tiê mă bruă, mtô hră mơar ti krĭng dleh dlan anei.

VOV.Êđê - Dhar bruă ruah khua čar Lâm Đồng ba mdah Hdră mtrŭn ưn mthâo boh tŭ klei ruah khua lehanăn anăn phung djŏ ruah pô bi ala Êpul gơ̆ng bruă ƀuôn sang čar Lâm Đồng gưl XI, wưng thŭn2026 - 2031.