VOV.Êđê- Hruê mbruê 22/7, Ti anôk bruă knơ̆ng gĭt gai lĭng kahan čar Dak Lak mkŏ mjing klei kƀĭn kluôm bruă Đảng gưl tal 1, wưng thŭn 2025 – 2030, hŏng hdră êlan: “Ngă phŭn mĭl pô – bi mguôp – thâo mĭn – kdlưn hĭn – đĭ kyar”.

VOV.Êđê- Ƀri wưng bi hdơr 78 thŭn hruê kahan êka – djiê êngiă, hruê mbruê 22/7, k’iăng khua Bruă Kƀĭn Ala Trần Quang Phương nao čuă, đru kơ Gŏ sang lĭng kahan djiê êngiă Việt Nam

VOV.Êđê- Hruê mbruê, Khua knŭk kna Phạm Minh Chính drông leh Chan Chun Sing, k’iăng khua gĭt gai Đảng ngă bruă yang ƀuôn (PAP), Khua phun bruă kiă kriê bruă knŭk kna, Khua Phŭn bruă lĭng kahan Singapore hriê čhưn ti Việt Nam.

VOV.Êđê- Leh êbeh 20 hruê klă sĭt ngă bruă knŭk kna dua gưl, čar Lâm Đồng dôk gĭr ruh mgaih klei dlleh dlan gun kpăk, lŏ dơ̆ng mđĭ pral bruă bi leh dŭm bruă duh kơ mnuih ƀuôn sang jăk hĭn.

VOV.Êđê- Hruê mbruê (22/7, hlue si mmông alŭ wăl), Khua bruă kƀĭn ala Trần Thanh Mẫn leh anăn mô̆ ñu hŏng Êpul bi ala gưl dlông ala čar drei nao leh ti Ƀuôn prŏng phŭn Dakar, Senegal, mphŭn gưl nao čhưn klă sĭt ti Senegal hlue si asăp jak iêô mơ̆ng Khua bruă kƀĭn ala Cộng hòa Senegal El Malick Ndiaye.

VOV.Êđê- Hlăm gưl nao mă bruă ti dŭm čar nah Dhŭng, mrâo êgao Khua knŭk kna Phạm Minh Chính ksiêm dlăng gru hmô bruă sang čư̆ êa dua gưl ti ƀuôn hgŭm Thới Sơn (An Giang) leh anăn să Mỹ Hiệp (Đồng Tháp).

VOV.Êđê- Aguah mbruê 22/7, Êpul gơ̆ng bruă ƀuôn sang čar Gia Lai gưl 12 mkŏ mjing klei kƀĭn tal 2 čiăng bi trông kơ lu mta phŭn yuôm bhăn djŏ tuôm hŏng ngăn prăk, duh bi liê bruă knŭk kna leh anăn mkŏ mjing klei ngă bruă leh bi mŭt mbĭt.

VOV.Êđê- Kahan ksiêm čar Gia Lai mrâo trŭn kơ bruă ksŭng ngă, mkhư̆ phung ngă soh, răng mgang klei êđăp ênang mđing truh bi hdơr 80 thŭn hruê krŭ kdơ̆ng mlan 8 leh anăn hruê mkŏ mjing lăn čar 2/9. Nao hlăm knăm mâo khua gĭt gai bruă Đảng čar, bruă sang čư̆ êa čar, bi ala đa đa anôk bruă Phŭn bruă kahan ksiêm leh anăn êbeh 1.500 čô knuă druh, lĭng kahan mơ̆ng dŭm anôk bruă hlăm kahan ksiêm čar Gia Lai

VOV.Êđê- Aguah mbruê 22/7, ti Hà Nội, Đại tướng Phan Văn Giang, khua Phŭn bruă lĭng kahan Việt Nam gĭt gai knăm tŭ drông leh anăn blŭ hrăm hŏng Khua phŭn bruă lĭng kahan Singapore Chan Chun Sing.

VOV.Êđê- Aguah hruê 22/7, Khua anôk bruă kƀĭn ala Trần Thanh Mẫn mbĭt hŏng Mô̆ lehanăn Êpul bi ala gưl dlông Việt Nam đuê̆ mơ̆ng Hà Nội, nao ti Klei bi kƀĭn phung khua Anôk bruă kƀĭn ala tar rŏng lăn tal 6 ti Thụy Sĩ lehanăn nao čhưn ti Senegal.