VOV.Êđê- Hrue mbrue 17/11, Êpul hgŭm bruă mniê car Daklak mkŏ mjing leh bruă ksiêm wĭt lehanăn mđup brei klei pah mni kơ klei bi lông “Mniê krĭgn ƀuôn sang rŭ mjing bruă knuă hŏng klei mlih mrâo knhêč” thŭn 2025.

VOV.Êđê- Hlăm klei nao čhưn truh kơ lăn čar Kuwait, hrue mbrue 17/11/2025, Khua knŭk kna Phạm Minh Chính mâo leh klei bi tuôm hŏng anak mtao lăn čar Kuwait Sheikh Sabah Khaled Al-Hamad Al-Sabah; nao čuă khua knŭk kna Kuwait êlâo dih Sheikh Nasser Al-Mohammed Al-Jaber Al-Sabah.

VOV.Êđê- Hlăm klei hiu čhưn truh kơ ala čar Kuwait, Khua knŭk kna Phạm Minh Chính mbĭt hŏng êpul khua prŏng Việt Nam bi tuôm leh hŏng mnuih Việt Nam ti Kuwait.

VOV.Êđê- Aguah 17/11, adiê hjan prŏng mbĭt hŏng êa mơ̆ng krĭng čư̆ čhiăng nah dlông ngă leh lu klei luič liê kơ mnuih lehanăn anôk bruă êlan klông ti dŭm čar Lâm Đồng - Khánh Hoà lehanăn Dak Lak.

VOV.Êđê- Aguah 17/11, ti Sang hră gưl prŏng bruă mtô bi hriăm Hà Nội, Khua lăn čar Lương Cường nao leh ti Knăm bi hdơr Hruê phung nai mtô Việt Nam, 20/11 lehanăn Klei kƀĭn bi ktưn khăp kơ ala čar bruă mtô bi hriăm gưl VII.

VOV.Êđê- Bi hdơr 95 thŭn Hruê knhuah gru mặt trận čar kwar Việt Nam mrâo êgao, Khua knŭk kna Phạm Minh Chính nao leh hlăm Knăm mơak bi hgŭm jih jang djuê ana hŏng mnuih ƀuôn sang wăl ƀuôn sang Thắng Kiên, să Đề Gi, čar Gia Lai. Ăt ƀri gưl anei, K’iăng Khua knŭk kna Mai Văn Chính nao leh hlăm Knăm mơak jih jang mnuih ƀuôn sang bi hgŭm ti wăl mlir alŭ Suối Cau - Suối Sâu - Bến Khế, să Bắc Khánh Vĩnh, čar Khánh Hòa.

VOV.Êđê- Dŭm hruê anei, klei čiăng ƀlei mnơ̆ng dhơ̆ng rŭ mdơ̆ng mơ̆ng mnuih ƀuôn sang ti Gia Lai đĭ čiăng mkra mđĭ sang dôk leh gưl angĭn êbŭ mrô 13. Ti anăp klei anăn, êpul bruă djŏ tuôm mđĭ klei ksiêm dlăng, ktuê dlăng kñăm bi hơĭt ênoh hlăm anôk ba čhĭ čiăng kơ mnuih ƀuôn sang msir boh jhat klei yan adiê ngă.

VOV.Êđê- Aguah mbrue 17/11, ti Hà Nội, Bruă kăp ksiêm mơ̆ng Knŭk kna mkŏ mjing leh knăm bi hdơr 80 thŭn hrue knhuah gru bruă kăp ksiêm mơ̆gn knŭk kna Việt Nam (23/11/1945- 23/11/2025).

VOV.Êđê- Ƀri wưng bi hdơr 95 thŭn hruê Mkŏ mjing mặt trận čar kwar djuê ana hluh hlir Việt Nam, hruê mbruê 16/11, ti ƀuôn hgŭm Ba Đình, ƀuôn prŏng Hà Nội, Khua Bruă Kbĭn ala Trần Thanh Mẫn nao hgŭm hlăm hruê knăm bi mguôp jih djuê ana hŏng mnuih ƀuôn sang alŭ 1, ƀuôn hgŭm Ba Đình leh anăn phung nai leh anăn hđeh sang hră ti sang hră gưl 3 Phan Đình Phùng.

VOV.Êđê-Hlăm klei bi kƀĭn tal 5 Êpul gơ̆ng mnuih ƀuôn sang čar Lâm Đồng gưl X wưng 2021-2026 ruah leh Lưu Văn Trung, K’iăng Khua dlăng bruă Đảng čar Lâm Đồng ngă Khua Êpul gơ̆ng mnuih ƀuôn sang čar wưng 2021-2026.