VOV4.Xơ Đăng - Hâi lơ 14/2, a pơlê kong kơdrâm Vũng Tàu, kong pơlê Bà Rịa Vũng Tàu, Khu xiâm pơkuâ lêng Kơpong 2 Khu lêng gâk kring têa kơxĭ rơtế mâu kơ koan, tíu cheăng tung lâp tíu cheăng Long Sơn hiăng tơkŭm po Leh mơhnhôk pêi pro tơdroăng ‘’Têt pêt loăng troh tá ah pâ Pôa Hồ’’ păng ‘nâng koh phiu ro, mơhnhôk pêi pro 65 hơnăm Hâi Kăn xiâm hnê ngăn tơnêi têa Hồ Chí Minh mơhnhôk pêi pro tơdroăng ‘’Têt pêt loăng’’ (1959 – 2024), pêi pro tơdroăng pêt môi rơtal xiâm loăng ngiât ‘’Xua môi Việt Nam ngiât lĕm’’ dêi Ngế pro xiâm hnê ngăn Chin phuh mơhnhôk pêi pro.

VOV4.Xơ Đăng - Hâi lơ 14/2 (hâi má 5 Têt Giáp Thìn), tíu tê mơdró tơkăng kong Tân Thanh ƀă tíu tê mơdró lâp plâi tơnêi Hữu Nghị (kong pơlê Lạng Sơn) po nếo kơ’nâi 4 hâi pơtê Têt. A Tân Thanh, sap kơxo má hâi lơ 14/2 khu râ pơkuâ cheăng hiăng hbrâ a troăng, vâ xing xoăng ăm mơngế rơxế prôk lăm chơ tơmeăm drô troăng a troăng kân hmâ prôk.

 VOV4.Xơ Đăng - Tây Nguyên cho kơpong rêh ối dêi kuăn pơlê mâu hdroâng kuăn ngo ki iâ mơngế ai khôi túa lĕm tro hên hĭn, tơviah krê. Kố cho kơpong tơnêi ki ai hyôh kong prâi rơngiâp lĕm, hên kong kế nhâ loăng, túa lĕm tro, lĕm tơviah krê, hên tíu xối tơbâ kơnía. Mâu tơdroăng kố bro ai hlâu kân, krê xêh, chiâng vâ mơnhông mâu túa ôm hyô, pơlê pơla, kong kế nhâ loăng.

VOV4.Xơ Đăng - Tây Nguyên ƀă hnoăng cheăng hmâ ki khên tơnôu, tơrŭm môi hiâm môi mơno, mâu hdroâng kuăn ngo môi hiâm tuăn ƀă Đảng, ƀă Pôa Hồ mơjo pâ.

VOV4.Xơ Đăng - Rơnó Hơngui Giáp Thìn hiăng troh ngăn ngiât lĕm mâu loăng plâi, rơpâu xiâm reăng tơ’noăng tơpo xú lĕm a kơpong tơbăng ngo. Tơnêi, kuăn mơngế tơkŭm ƀă tâ môi tiah hiâ phuâng tung hiâm mơno hlo hên tơdroăng ki hiăng pơ’lêh a pơlê. Hơnăm Prếo djâ tơdroăng púi vâ mơ-eăm pêi cheăng tơƀrê nếo, tơkâ luâ mâu tơdroăng pá puât, pơloăng mơnúa, mơjiâng pơlê kro mơdrŏng.

VOV4.Xơ Đăng - Tơkâ luâ hơnăm 2023, ki trâm hên xơpá, pơloăng mơnúa, mâu kong pơlê Tây Nguyên hiăng pêi châ tơƀrê hên tung mơnhông cheăng kâ rêh ối. Mê cho tơdroăng ki châ tơƀrê ‘na pêi chiâk deăng ƀă djâ pêt mâu hdrê loăng plâi ki dâi, kơnâ liăn môi tiah kơphế, tiu, sầu riêng ƀă hên mâu hdrê loăng ki ê, kum kuăn pơlê pêi châ liăn hên; cho tơdroăng ‘mâi mơnhông kơvâ ôm hyô ƀă mâu tơdroăng cheăng ki tơƀrê ing hên tơdroăng po mơdĭng mơhno túa lĕm tro mâu hdroâng kuăn ngo a Tây Nguyên. Mot tung hơnăm nếo 2024, mâu kong pơlê tung kơpong hiăng pơkâ hên tơdroăng vâ pêi troh hơnăm 2030 ƀă mâu tơdroăng vâ pêi troh hơnăm 2050 châ Ngế pro xiâm hnê ngăn Chin phuh kĭ, cho xiâm ki mơ-eăm xông rơdêi.

VOV4.Xơ Đăng - Rơkong rơkâu Têt Giáp Thìn 2024 dêi Kăn xiâm hnê ngăn tơnêi têa Võ Văn Thưởng

VOV4.Xơ Đăng – Ƀă rêm ivá mơ-eăm dêi mâu khu râ pơkuâ, mâu kơvâ cheăng, mâu tơdroăng tơkêa ‘no liăn pro kế tơmeăm a kơpong Tây Nguyên hiăng hlo hơ’lêh rơdêi ing mơ’nui hơnăm 2023, malối cho mâu kơvâ ‘na troăng prôk. Tá mâu tơdroăng tơkêa ki trâm hên xơpá má môi, xuân hiăng hlo hơ’lêh khât, vâ mâu cheăm tơring ing kơphô̆ troh thôn pơlê, ai tơ’nôm mâu troăng prôk ki nếo, tơdjêp troh mâu tíu xiâm ‘na cheăng kâ, mơnhông ăm tơdroăng ki ai hlâu vâ tơtêk tung hơnăm 2024 ƀă mâu hơnăm ki pơtối.

VOV4.Xơ Đăng - Ƀă pói vâ ‘’Rêm toăng hngêi pơrá ai Têt, rêm ngế pơrá ai Têt’’, mâu khu râ pơkuâ cheăng ƀă khu râ kăn pơkuâ mâu kong pơlê Tây Nguyên hiăng mơdoh hên tơdroăng tơmâng rak ngăn, tŏng kum Têt ăm mâu rơpŏng ai hnoăng tơnêi têa, mơngế ai hnoăng ƀă kăch măng, mơngế hơnăm hiăng krâ, rơpŏng kơtiê, rơpŏng vâ chê kơtiê, mơngế pêi cheăng ai tơdroăng rêh ối pá puât, hdroâng kuăn ngo kơpong hơngế hơngo, kơpong tơkăng kong, kum kuăn pơlê châ kâ Têt Giáp Thìn 2024 phâi hơtô, ai tŭm tơmeăm tâ’’.

VOV4.Xơ Đăng - Têt hơnăm nếo Giáp Thìn hiăng vâ chê troh. Hâi kố hâi má 29 Têt, rêm ngế, rêm hngêi hbrâ tơdah Têt tơkŭm, Têt tơrŭm. Hên ngế drêng tơmiât troh Têt, chôu má môi tơdroăng ki hbrâ rơnáu Têt, vâ mâu tơdroăng ki ƀriê tung hiâm mơno, hbrâ rơnáu hâk vâ mâu hâi chê Têt. Ngế ki krâ tơkôm mâu kuăn muăn, cháu chái, mâu ngế kuăn pêi cheăng a tíu hngế ing pơlê xiâm vêh pơlê; vâi hdrêng tơkôm a hdro pế kơƀăn tơxông, tơkôm châ xâp mâu hmân ếo nếo; bô bố xuân mơgrúa dêi hngêi trăng, plông troăng , ngăn dêi mâu kơdrum loăng, rơhêng vâ mâu tơdroăng pơrá tơniăn lĕm ƀă Têt. Mâu tơdroăng ki ƀriê mê pro chiâng ai hâi má 29 Têt gá phá tơ-ê tâ ƀă rêm ngế krê.