VOV.Xơ Đăng - Kơxê lơ 21/4, a Cần Thơ, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp ‘na tơbleăng pro mâu tơdroăng tơkêa troăng prôk ki kal a kơpong peăng Hdroh.

VOV.Xơ Đăng - Hâi lơ 21/4, Khu hnê mơhno hbrâ mơdât mâu ngế pro xôi ƀă mơjiâng tơdroăng tâi tâng kuăn pơlê rak vế gâk kring Tơnêi têa (khĕn cho Khu hnê mơhno) pơlê kong kơdrâm Gia Nghĩa, kong pơlê Dak Nông hiăng tơrŭm ƀă Hngêi trung râ má pái hdroâng kuăn ngo ai tíu kâ koi ối pơtê N’Trang Lơng tơkŭm po Hâi leh râ kong pơlê hơnăm 2025.

VOV.Xơ Đăng - A pơlê kong kơdrâm Ƀuôn Ma Thuột, kong pơlê Dak Lak dế po rôh tơ’noăng Kơphế lĕm Việt Nam 2025 – Vietnam Amazing Cup 2025 xua Khu ngăn Kơphế Ƀuôn Ma Thuột.

VOV.Xơ Đăng - Kơxê hâi lơ 21/4, a Hngêi Kuô̆k hô̆i, pôa Trần Thanh Mẫn Kăn xiâm hnê ngăn Kuô̆k hô̆i tơdah pôa Suvon Luongbunmi, Kăn xiâm hnê ngăn Kuô̆k hô̆i Lếo lăm pôu pêi cheăng a Việt Nam.

VOV.Xơ Đăng - Tiô tối hdrối klêi xing xoăng pro rế lĕm sap 102 to cheăm, bêng, pơlê kân nôkố ối 40 to cheăm, bêng (ai 37 to cheăm, 3 to bêng) kơdroh 62 to cheăm, bêng, pơlê kân, tơniăn tiô Pơkâ.

VOV.Xơ Đăng - Tiô tơdroăng Pơkâ dêi Khu xiâm pơkuâ hnê ngăn Đảng roh má 11 hneăng 13, ing hâi lơ 1/7/2025, lâp tơnêi têa kô tơkŭm po mơjiâng khu pơkuâ cheăng bu ai 2 râ mê cho râ kong pơlê (cho kong pơlê, pơlê kong kân ối tung Tíu xiâm dêi Tơnêi têa), râ cheăm (cho cheăm, bêng, kơpong ki ối tung kong pơlê, pơlê kong kân). Kố châ ngăn cho hvêa hêng ki pơhlêh nếo, kân hơngế, phá tơ-ê tung ‘mâi rơnêu hnoăng khu kăn pơkuâ cheăng, ing mê, vâ rah xo iâ mơngế pro pơkuâ, cheăng lế lĕm, la tơdroăng cheăng pêi athế tơƀrê, dâi khât, tơtro ƀă tơdroăng mơnhông pêi cheăng tung hneăng ki nếo.

VOV.Xơ Đăng - Kong pơlê Dak Lak nếo pêi pro tơdroăng xo rơkong kuăn pơlê ‘na tơdroăng rah xo bro lế lĕm tro, tơmot chiâng môi mâu kơ koan xiâm râ cheăm, râ kong pơlê.

VOV.Xơ Đăng - Pôa Phạm Minh Chính, Ngế pro xiâm hnê ngăn tơnêi têa nếo séa ngăn troăng kân ăm phêp rơxế kơtâu têi Cần Thơ – Cà Mau, pơkâ thế mâu tíu cheăng thâ, khŏm mơ-eăm pêi kêi đeăng troăng kân hluâ tơdroăng pơkâ vâ kêi đeăng, xúa a roh lơ 19/12/2025.

VOV.Xơ Đăng -  Vi ƀan kong pơlê Dak Nông nếo kĭ ‘no kơxô̆ liăn 600 rơtal liăn vâ rơnêu, pro lĕm troăng kân kong pơlê 1.

VOV.Xơ Đăng -  Tung péa hâi lơ 20 ƀă 21/4, tâi tâng 218 cheăm, bêng, pơlê kân a kong pơlê Gia Lai rơtế tơkŭm po tơmâng xo rơkong kuăn pơlê ‘na Tơdroăng tơkêa bro rah xo bro lế lĕm tro mâu kơ koan tơnêi têa râ cheăm.