VOV4.Xơ Đăng - Drêng troh Têt Lo hơnăm nếo Giáp Thìn 2024, Kăn xiâm hnê ngăn Kuô̆k hô̆i Vương Đình Huệ ƀă khu kăn Vi ƀan pơkuâ Kuô̆k hô̆i, mâu kơ koan dêi Kuô̆k hô̆i hiăng chôu nhang tơbâ Kăn xiâm hnê ngăn tơnêi têa Hồ Chí Minh a Hngêi 67, Kơpong Tíu tơbâ Kăn xiâm hnê ngăn tơnêi têa Hồ Chí Minh a Tíu pêi cheăng kăn xiâm hnê ngăn tơnêi têa.

VOV4.Xơ Đăng - A Tíu pêi cheăng Khu xiâm tơpui kâ, Ngế xiâm phŏ tơpui kâ ƀă kong têa ê Lê Thị Thu Hằng hiăng tơdah Ƀok xối kân Marek Zalewski, Kăn teăng mâ apoăng dêi Hngêi khôp xiâm Vatican a Việt Nam.

VOV4.Xơ Đăng - Drêng rôh Têt Giáp Thàn 2024, kơxo lơ 6/2, Kăn xiâm phŏ hnê ngăn Kuô̆k hô̆i Nguyễn Đức Hải rơtế ƀă Khu kăn ki pêi dêi hnoăng cheăng hiăng chôu nhăng a Kơpong tơbâ kăn xiâm hnê ngăn Hô̆i đong Tơnêi têa Võ Chí Công; pôu kơ-êng, rơkâu Têt ƀă hbru tơmeăm ăm mâu rơpŏng ki châ tơnêi têa kum a kong pơlê Quảng Nam.

VOV4.Xơ Đăng - Tung 2 hâi lơ 6 – 7/2 (cho hâi má 27 – 28 Têt), Kơ koan xiâm ‘măn tơmeăm Tơnêi têa kơpong peăng hdroh Tây Nguyên tơrŭm ƀă Khu pơkuâ cheăng pêi Mô đô̆i rong râ ƀă Rêh ối pơlê pơla kong pơlê Dak Lak pêi pro xing xoăng phái ăm mâu rơpŏng pá puât a kong pơlê kố vâ tŏng kum tơmeăm kâ tŏng kơdroh kơklêa roh Têt lo hơnăm nếo 2024.

VOV4.Xơ Đăng - Kơxê hâi lơ 5/2, Ngế pro xiâm hnê ngăn tơnêi têa Phạm Minh Chính lăm pôu ƀă rơkâu Têt ăm mâu lêng kăn sát gak troăng prôk, Khu xiâm kŏng an ƀă rơkâu Têt, hơlêm mâu kăn ƀô̆, mâu lêng Kăn sát gak troăng prôk tung lâp tơnêi têa.

VOV4.Xơ Đăng - Hên kih sư, kŏng nhân pêi cheăng dế pêi cheăng a Tơdroăng tơkêa pro troăng kân Khánh Hòa - Ƀuôn Ma Thuột kô pêi cheăng tung rôh Têt a tíu pro troăng vâ rĕng pro klêi tơdroăng tơkêa.

VOV4.Xơ Đăng - Khu pơkuâ ngăn Đoân droh rơtăm Dak Lak tơrŭm ƀă tíu pêi cheăng tŏng kum hrĭng kơxu tơmeăm ăm mâu ngế kơtiê a Buôn Ma Thuột.

VOV4.Xơ Đăng - Cheăm Phước Bình, tơring Bác Ái, kong pơlê Ninh Thuận cho cheăm ai hên tơmeăm vâ mơnhông ôm hyô ngăn ‘na loăng pơlái kong kế, tơdjêp ƀă khôi túa lĕm tro pơlê pơla. Laga, tơdroăng po rơdâ pêi pro ối hên tơdroăng ki tá hâi tơtêk, ki má lối cho tơdroăng mơgrúa kong prâi, mơ’no liăn pêt mơjiâng tơmeăm ƀă hía hé. Vâ tah lôi mâu tơdroăng ki tơvâ tơvân mê, pơla kố nah, mâu đảng viên mơngế Raglai a cheăm Phước Bình hiăng mơdêk hnoăng cheăng dêi tơná tung mơhnhôk kuăn pơlê pơhlêh troăng tơmiât, troăng pêi, rơtế ƀă cheăm veăng mơjiâng troăng pêi “Ôm hyô ngăn loăng pơlái kong kế ƀă khôi túa lĕm tro pơlê pơla”.

VOV4.Xơ Đăng - Rơnó Hơngui a Trường Sa mơni ga phá tơviah luâ tâ mâu tíu ki ê a tơnêi têa Việt Nam. Têt cho roh ki vêh tơkŭm, cho on veăng, rơpŏng hngêi ối tâ tá dêi pó… la ƀă mâu lêng Tuk, Têt cho chôu phut ki chôu vế dêi on veăng, rơpŏng hngêi tá troh lo têa mâ dêi vâi rơtăm lêng ki nếo, cho ngiâ méa ki mơjo pâ dêi ngế kăn lêng drêng ngăn dêi um on veăng chôu ‘măn a ko xoăng koi. Ƀă luâ tâ ki mê, Têt ƀă mơngế lêng tíu ki ối chuăn hơngế cho tơdroăng ki hâk ro, tơdroăng ki hâk tơngăm drêng râng pháu hơnêa vâ kring vế, gak ngăn tơniăn ăm kơpng têa kơxĭ, kơpong tíu dêi Tơnêi têa, ăm tơdroăng ki hơniâp ro dêi rơnó Hơngui tíu a pơlê. Ƀai chêh dêi Lan Anh – Ngế chêh hlá tơbeăng cheăng tung Rơ’jíu

VOV4.Xơw Đăng - Kơxo lơ 5/2, Ngế pro xiâm hnê ngăn tơnêi têa Phạm Minh Chính pơkuâ Hneăng hôp pêi cheăng ƀă Vi ƀan pơkuâ kơxô̆ liăn Tơnêi têa a khu tê mơdró ƀă 19 grup, kŏng ti xiâm ối tung khu ‘na pêi pro mơjiâng tơmeăm khoăng, tê mơdró hơnăm 2024 ƀă mơdêk mơ’no liăn mơnhông cheăng kâ – rêh ối pơlê pơla.