VOV.Xơ Đăng -  Kơxê lơ 20/4, a Pơlê kong kân Hồ Chí Minh, pôa Nguyễn Trọng Nghiã, Kăn xiâm pơkuâ Pơtâng tối tơdroăng kal ƀă Mơhnhôk kuăn pơlê Tơnêi têa hiăng lăm pôu, diâp kơxuô tơmeăm ăm mâu khu lêng ki veăng prôk mơđah pơtăng lơ 30/4.

VOV.Xơ Đăng - Kơmăng hâi lơ 20/4, pôa Tô Lâm, Kăn xiâm pơkuâ hnê ngăn Đảng, Kăn pơkuâ hnê ngăn Đảng khu lêng tơnêi têa hiăng veăng tơdroăng ngê̆ thuât ‘’Tơnêi tŭm tơdroăng phiu ro’’ – môi tung mâu tơdroăng leh tơbâ 50 hơnăm Hâi tơleăng lĕm peăng Hdroh tơnêi têa, tơnêi têa chiâng môi.

VOV.Xơ Đăng - Kơxo hâi lơ 20/4, a Hngêi trung Đăi hok Sư phăm Kih thuât pơlê kong kân Hồ Chí Minh, pôa Phạm Minh Chính, Ngế pro xiâm hnê ngăn tơnêi têa veăng hôp Hâi pơxiâm pêi cheăng dêi Tơnêi têa rôh má 7.

VOV.Xơ Đăng – Drêng ai tơdroăng pơkâ dêi Khu xiâm ngăn ‘na cheăng kal kí ‘na tơdroăng hôp má péa kong pơlê Dak Lak prế Phú Yên chiâng môi kong pơlê, ai khu pơkuâ cheăng nếo, dó inâi Dak Lak, hên kăn ƀô̆ hơnăm hiăng krâ, ai hnoăng kăch măng, mơngế ki hloh hlê rơkê plĕng dêi péa kong pơlê hiăng mơhno tối tơdroăng ki vâ môi tuăn ƀă pói tơngah tung tơdroăng la ngiâ châ mơnhông tơtro, tơdâng, krá ton, kơnôm injg xiâm rêi dêi tơdroăng roh ton nah, hiăng ối achê dêi pó, ƀă kơnôm ing tơdroăng tŏng veăng dêi pó ing chal tơplâ nah.

VOV.Xơ Đăng - Kơxê hâi lơ 18/4, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu kăn Kuô̆k hô̆i kong pơlê Hậu Giang hiăng trâm mâ, tơpui tơno ƀă kuăn pơlê a pơlê kong kơdrâm Vị Thanh.

VOV.Xơ Đăng - Hâi lơ 18/4, pôa Phan Đình Trạc, Ngế cheăng tung khu xiâm kal kí, Kăn pơkuâ hnê ngăn Đảng, Kăn pơkuâ ngăn kăn ƀô̆ dêi tơnêi têa rơtế ƀă khu kăn Kuô̆k hô̆i kong pơlê Lâm Đồng hiăng trâm mâ kuăn pơlê a bêng 4, pơlê kong kơdrâm Đà Lạt.

VOV.Xơ Đăng - Hâi lơ 18/4, Khu kăn pơkuâ hnê ngăn Đảng kong pơlê Gia Lai tơkŭm po hôp roh má 19 Khu kăn pơkuâ hnê ngăn Đảng ƀô̆ kong pơlê hneăng 16.

VOV.Xơ Đăng - Kơxêi hâi lơ 18/6, Khu pơkuâ hnê ngăn Đảng 2 kong pơlê Dak Lak prế Phú Yên tơkŭm po Roh hôp ‘na tơdroăng tơmot tơdjuôm 1 kong pơlê.

VOV.Xơ Đăng - Pêi pro túa pơkâ dêi Tơnêi têa, kong pơlê Dak Nông hiăng chêh pro túa pơkâ klâ xoăng, tơrŭm ‘mot tơkŭm mâu tíu pêi cheăng râ cheăm, kô kơdroh sap ing 71 tíu pêi cheăng môi tiah nôkố chu ối 28 tíu pêi cheăng.

VOV.Xơ Đăng - Kơxo lơ 18/4, Vi ƀan tiô tuăn kuăn pơlê vâ ƀă séa ngăn dêi Kuô̆k hô̆i po rôh hôp tâi tâng séa ngăn kơxop hlá mơ-éa Luât ‘mâi pơhlêh, ‘mot tơ’nôm mâu tơdroăng dêi Luât pôk kăn Kuô̆k hô̆i ƀă kăn Hô̆i đong hnê ngăn kuăn pơlê.