VOV4.Xơw Đăng - Kơxo hâi lơ 5/2, a Hà Nội, Kăn xiâm hnê ngăn tơnêi têa Võ Văn Thưởng lăm pôu, séa ngăn tơdroăng gak ngăn, hbrâ tơplâ ƀă hlối rơkâu Têt ăm mâu kăn ƀô̆, mâu lêng Kăn sát Cơ động drêng troh Têt rơnó hơngui Gíap Thìn 2024.

  VOV4.Xơ Đăng – Ƀă tơdroăng ki tơ’lêi hlâu ‘na tơnêi tíu, hyôh kong prâi, khôi túa lĕm tro, Dak Lak dế ai hên troăng prôk ki tơ’lêi hlâu vâ mơnhông mơdêk ivá mơno, tơ’mot mơngế ‘no liăn pêi cheăng, chôa ‘lâng mơnhông krá tơniăn ton. Ki rơhêng vâ tối, ƀă Tơdroăng pơkâ mơnhông kong pơlê Dak Lak hneăng hơnăm 2021-2030, hnoăng cheăng vâ pêi pro troh a hơnăm 2050 nếo châ Ngế pro xiâm hnê ngăn Chin phuh kĭ ăm phep Tơdroăng pơkâ kơxô̆ 1747/2023

VOV4.Xơ Đăng - Kơxê lơ 4/2, Ngế pro xiâm hnê ngăn Chin phuh Phạm Minh Chính hiăng lăm pôu, rơkâu Têt, diâp kơxuô tơmeăm mơhnhôk mâu khu gak pêi hnoăng cheăng roh Têt Lo hơnăm nếo a pơlê kong kân Cần Thơ.

VOV4.Xơ Đăng - Sap hâi lơ 2/2 (hâi má 23 khế môi chât péa), mâu kăn sát gak troăng prôk kong pơlê Dak Nông hiăng tơbleăng tơdroăng “Rơtế ƀă mâu ngế prôk drô troăng drêng troh Têt’’, xoăng ăm vâi têa ôu, kế kâ, truâ muâk râk ko ki lĕm kum mơngế to rơxế hon đa lo ing mâu kong pơlê peăng Hdroh vêh kâ Têt ki tơkâ luâ kong pơlê Dak Nông.

VOV4.Xơ Đăng - Drêng troh Têt hơnăm nếo Giáp Thìn 2024, tiô hmâ dêi hdroâng mơngế, Kăn xiâm hnê ngăn tơnêi têa chôu nhang tơbâ mâu Kăn xiâm Đảng, Tơnêi têa hiăng hlâ ƀă pôu mâu Kăn xiâm Đảng hnê ngăn tơnêi têa hneăng hdrối tung Pơlê kong kân Hà Nội.

VOV4.Xơ Đăng - Kơmăng lơ 2/2, A Hngêi hôp kân Thống Nhất, Pơlê kong kân Hồ Chí Minh hiăng po roh trâm mâ ngê̆ thuât ki ro a Rơnó Hơngui Pơlê pơla 2024, cho môi tơdroăng ki rơkê lĕm dêi túa lĕm tro ƀă ngê̆ thuât tung hiâm mơno dêi kuăn pơlê ki rêh ối a kong têa ê ƀă kuăn pơlê dêi Pơlê kong kân Hồ Chí Minh.

VOV4.Xơ Đăng - Drêng troh tơbâ 94 hơnăm Hâi mơjiâng Đảng Kŏng sản Việt Nam (3/2/1930 - 3/2/2024), kơxo hâi lơ (02/02), a pơlê kong xiâm Phnôm Pênh, Đảng ƀô̆ a Kul hiăng po kân krip tơkŭm po Leh chôu nhang tơbâ Kăn xiâm hnê ngăn tơnêi têa Hồ Chí Minh ƀă veăng dêi krâm kuăn pơlê, mâu kăn ƀô̆, đảng viên.

VOV4.Xơ Đăng - Peăng xê hâi lơ 2/2, a pơlê kong kơdrâm Kon Tum, Khu xiâm pơkuâ hnê ngăn Đảng kong pơlê Kon Tum tơkŭm trâm mâ 155 ngế ki rơkê, văn ngê̆ sih, chêh hlá tơbeăng ki rơkê apoăng rơnó Hơngui Giáp Thìn 2024.

VOV4.Xơ Đăng - Hâi lơ 2/2, hdrối vâ troh Têt Giáp Thìn 2024, Kăn xiâm hnê ngăn tơnêi têa Võ Văn Thưởng hiăng lăm pôu, séa ngăn tơdroăng cheăng hbrâ vâ tơplâ dêi Kŏng an Pơlê kong kân Hồ Chí Minh, lăm pôu, rơkâu Têt ăm mâu ngê̆ sih, mâu ngế rơkê tung pơlê kong kân.

VOV4.Xơ Đăng - Drêng rôh Têt Lo hơnăm nếo Giáp Thìn, Tơbâ 94 hơnăm hâi mơjiâng Đảng, a hâi lơ 2/2, Kăn xiâm hnê ngăn Kuô̆k hô̆i Vương Đình Huệ hiăng pôu ƀă rơkâu Têt kăn ƀô̆, lêng Mố đô̆i gâk tơkăng kong.