VOV4.Xơ Đăng –  Pêi pro Pơkâ kơxô̆ 26 hâi lơ 14/02/2025 dêi Khu xiâm kal kí, Khu pơkuâ hnê ngăn cheăng Đảng ‘na tơdroăng mơhnhôk, hnê mơhno, séa ngăn mâu tơdroăng pêi cheăng tung hơnăm 2025, hâi lơ 20/2, a Ƀơrô Chin phuh tơkŭm po Hneăng hôp tơbleăng pơkâ mơjiâng Khu râ kăn séa ngăn dêi Khu xiâm kal kí, Khu pơkuâ hnê ngăn cheăng Đảng hơnăm 2025 ƀă Đảng ŭy, Chin phuh, Đảng ŭy Kuô̆k hô̆i.

VOV4.Xơ Đăng - Kơxê hâi lơ 20/2, a tíu pêi cheăng Khu xiâm pơkuâ ngăn lêng, pôa Lương Cường, Kăn xiâm hnê ngăn tơnêi têa, Ngế pơkuâ ngăn lêng tơplâ dêi kuăn pơlê, Kăn hnê ngăn Hô̆i đong Lêng ƀă ‘na Kring tơniăn pêi cheăng ƀă Khu xiâm pơkuâ ngăn lêng ‘na tơdroăng pêi pro klêi pơkâ 05-NQ/TW dêi khu xiâm kal kí ‘na tơkŭm mâu lêng kuăn pơlê Việt Nam pơla hơnăm 2021-2030 ƀă mâu hơnăm pơtối.

VOV4.Xơ Đăng - Kong pơlê Dak Lak hiăng pro rế lĕm, rah lối 40 kơ koan, tíu pêi cheăng tung khu kăn xiâm kal kí dêi tơring, kong pơlê.

VOV4.Xơ Đăng - Kơxê hâi lơ 20/2, pôa Nguyễn Trọng Nghiã, Ngế pơkuâ hnê cheăng kal kí ƀă Hnê mơhnhôk xiâm tơnêi têa, hiăng lăm pôu, rơkâu Hngêi pơkeăng Thống Nhất Pơlê kong kân Hồ Chí Minh drêng troh tơbâ 70 hơnăm Hâi Thái pơkeăng Việt Nam lơ 27/2.

VOV4.Xơ Đăng - Hô̆i đong kong pơlê Kon Tum nếo têk kŏng môi tuăn tơbleăng ‘’Pơkâ ‘na tơdroăng mơjiâng mâu kơ koan cheăng ối tung Vi ƀan kong pơlê Kon Tum’’.

VOV4.Xơ Đăng - Kơxo hâi lơ 20/2, Vi ƀan xiâm Măt trâ̆n tơnêi têa Việt Nam tơkŭm po hneăng hôp rôh má pái (hneăng 10).

VOV4.Xơ Đăng - Kơxo hâi lơ 20/2, Tíu xiâm Đoân Droh rơtăm Hồ Chí Minh, Khu rak liăn kum Mơngế rơkê hơnăm ối nếo Việt Nam tơkŭm po hôp tơbleăng inâi chêh 10 inâi pâ mơhá pri kơhnâ rơkê ki châ rah xo tung rôh rah xo mơ’no tơdrêng tiô troăng hyôh măng inâi Pri pâ mơhá “Mâu ngế hơnăm ối nếo Việt Nam kơhnâ rơkê” hơnăm 2024.

VOV4.Xơ Đăng - Kơxo hâi lơ 20/2, Khu kăn pơkuâ hnê ngăn Đảng kong pơlê Dak Lak tơkŭm po hôp tơbleăng mâu pơkâ ‘na tơdroăng cheăng tơkŭm pro rế lĕm rah iâ tê mơngế pêi cheăng tiô pơkâ 18 dêi khu kăn pơkuâ hnê ngăn Đảng.

VOV4.XơĐăng - Hên khế hơnăm rêh tung tơdroăng ki tơchĕng tơmiât ôh tá ai khât ƀă hía troăng tơmiât pêi tung la ngiâ, mâu ngế ki hdrối nah hmâng tiô mâu rơkong pơlông djâ dêi mâu khu tơrŭm tơtrâ tơnêi têa hiăng tơkâ luâ mâu tơdroăng ki trâm tơxâng ƀă tơdroăng vâi pro. Laga, klêi kơ’nâi hluăn ing tơdroăng pêi pro ôh tá tro mê, mâu ngế ki mê vêh pơrá châ rơpŏng hngêi ƀă kuăn pơlê tung pơlê cheăm tơdah xo tung tơdroăng ki hâk nhuô̆m. Khế hơnăm pơhlêh kố ối châ xo tơdroăng tŏng gum ing mâu troăng hơlâ pơkâ tŏng gum dêi Đảng ƀă Tơnêi têa. Túa “vêh ‘na tơdroăng loi, rak vế tơniăn lĕm ăm pơlê cheăm” tơbleăng a kong pơlê Gia Lai dế gum mâu ngế prôk hyông troăng vêh tơrŭm ƀă pơlê pơla tíu ki vâ rêh ối, pêi pro tơdroăng loi tĭng, tiô khôp lĕm tro.

VOV4.Xơ Đăng -  Châ tơƀrê hên tung mơnhông cheăng kâ ƀă pro krá tơniăn cheăng lêng – gâk kring a kơpong tơkăng kong Peăng kơnhŏng Tây Nguyên, Ƀinh đoân 15 hiăng hâk tơngăm châ diâp Me dái Gâk kring Tơnêi têa Ối má môi.