VOV4.Xơ Đăng - Hâi lơ 24/7/2024, a Ƀơrô cheăng Chin Phuh, pôa Phạm Minh Chính, Ngế pro xiâm hnê ngăn Chin phuh hiăng tơdah khu kăn xiâm Đảng, Tơnêi têa Cuba xua pôa Esteban Lazo Hernandez - Kăn xiâm hnê ngăn Kuô̆k hô̆i pơkuâ djâ khu kăn kố lăm troh veăng sĭng khéa a leh po mơdâm pôa Nguyễn Phú Trọng - Kăn xiâm pơkuâ hnê ngăn Đảng.

VOV4.Xơ Đăng - 80 hơnăm rêh, 57 hơnăm cheăng Đảng, 18 hơnăm pro Kăn xiâm pơkuâ hnê ngăn Đảng, Tơnêi têa, pôa Nguyễn Phú Trọng - Kăn xiâm pơkuâ hnê ngăn Đảng hiăng ai hnoăng  kân kĕng ƀă tơdroăng cheăng Đảng, dêi kuăn pơlê pin. Châ hriâm tung tơdroăng rêh ối Kăch măng, mâ ngăn tuăn  tơmiât tơdroăng vâ pêi, ngôa rơkê ƀeăn, tơrŭm krá xân, pôa Nguyễn Phú Trọng pơtối pêi hnoăng cheăng, tuăn ngôa  rơkê, hiâm mơno lĕm tro  pêi cheăng tiô  troăng  kăch măng Hồ Chí Minh - Kăn xiâm hnê ngăn tơnêi têa ki apoăng, mơjiâng tơnêi têa pin “Hâi la lâi ai hnoăng cheăng kân kĕng - krá kâk, mơngế - tơmeăm khoăng kro mơdrŏng, tíu rêh ối hlâu niân ƀă châ loi nhuô̆m rơdâ tung lâp plâi tơnêi trối hâi kố”.

VOV4.Xơ Đăng - “Tơrŭm tơpui kâ kơlá” cho tơdroăng ki vâ tơbâ tối troh hên tơdroăng tung mâu hơnăm achê pơla kố rêm xôh drêng pin tơbâ troh troăng hơlâ tơrŭm tơpui kâ dêi Việt Nam. Tơdroăng pơkâ kố ôh ta xê to túa ki tơrŭm tơpui kâ ki nếo mê cho tơdroăng ki hiăng tơbroăng, ki tơdjâk troh ihiâm mơno tơrŭm tơpui kâ Hồ Chí Minh, troăng prôk ki tơrŭm tơpui kâ ki Đảng pin hiăng pêi pro tung hên chât hơnăm hdrối mê hía nah. Tung mê, pôa Nguyễn Phú Trọng - Kăn xiâm pơkuâ hnê ngăn hiăng mơ’no hên tối tơdroăng “tơrŭm tơpui kâ Việt Nam athế rơkê, tơtro, hlê plĕng ƀă mơjiâng troăng prôk ki tơ’lêi hlâu vâ mơnhông pêi cheăng kâ ƀă thăm mơdêk ivá cheăng dêi tơnêi têa”.

VOV4.Xơ Đăng - Mâu hâi ki kố,kuăn pơlê mâu hdroâng kuăn ngo tung lâp tơnêi têa tơmiât troh Pơlê kong xiâm Hà Nội, châi heăng, sĭng khéa ƀă mâu tơdroăng hía lôi kân kĭn dêi tơnêi têa, dêi hdroâng mơngế, ‘na tơdroăng prôk lêk dêi pôa Nguyễn Phú Trọng, Kăn xiâm hnê ngăn Đảng.

VOV4.Xơ Đăng - Kơxo hâi lơ 24/7, pôa Phạm Minh Chính, Ngế pro xiâm hnê ngăn Chin phuh pơkuâ po rôh hôp Chin phuh ‘na tơdroăng mơjiâng luât khế 7/2024 .

VOV4.Xơ Đăng - Mâu hâi ki kố, kuăn pơlê tung lâp tơnêi têa pơrá mơhno hiâm mơno pâ mơjo ó khât ‘na tơdroăng prôk lêk dêi pôa Nguyễn Phú Trọng, Kăn xiâm hnê ngăn Đảng.

VOV4.Xơ Đăng - Kơxê lơ 23/7, a tíu pêi cheăng Kăn xiâm hnê ngăn tơnêi têa, pôa Tô Lâm, Kăn xiâm hnê ngăn tơnêi têa trâm mâ Khu tơpui tơbleăng Khu mố đô̆i Đăi đoân 305 Tơdúa paraxut-Đăk Kŏng.

VOV4.Xơ Đăng - Klêi kơ’nâi tâng tối pôa Nguyễn Phú Trọng - Kăn xiâm pơkuâ hnê ngăn hlâ, hiăng châ pơtâng tối, tung măng Zalo, Facebook, kuăn pơlê tung lâp luô Tơnêi têa ƀă kuăn pơlê ki rếh ối a kong têa ê hiăng mơhno tối tơdroăng ki koh nhuô̆m ƀă tơdroăng ki khíu mơjo lối lĕng, drêng athế koh pơ’lâng môi ngế ki kơnía git kân dêi hdroâng mơngế, môi ngế kăn xiâm hiăng pleăng plâ rơxông tơná ăm hnoăng cheăng Kăch măng dêi Đảng ƀă hdroâng mơngế pin

VOV4.Xơ Đăng - Bản Lầu cho cheăm ki ai Chi ƀô̆ Đảng ki apoăng dêi tơring kơpong tíu tơkăng kong tơring Mường Khương, kong pơlê Lào Cai cho tíu ki hâk mơnê châ tơdah pôa Nguyễn Phú Trọng - Kăn xiâm pơkuâ hnê ngăn lăm pôu a hơnăm 2013. Mâu tơdroăng chôu vế ‘na môi ngế Kăn xiâm pơkuâ hnê ngăn rêh ối xuân tiah kuăn pơlê, ai hiâm mơno tơdrăng lĕm, ‘nâi hơ-ui pâ trâu rơdâ hâi kố xuân ối rak vế um méa, hnoăng pêi pro mê a tơnêi tíu ki ối peăng kơnhŏng dêi Tơnêi têa roh mê nah.

VOV4.Xơ Đăng - Hiăng châ 80 hơnăm rêh ối, 57 hơnăm Đảng, 7 hneăng Ngế cheăng tung Khu xiâm pơkuâ hnê ngăn Đảng, 6 hneăng Ngế cheăng tung Khu xiâm kal kí, 5 hneăng cho Kăn Kuô̆k hô̆i, pôa Nguyễn Phú Trọng-Kăn xiâm pơkuâ hnê ngăn hiăng pêi pro hên hnoăng cheăng kăn ki kal kân xua Đảng, Tơnêi têa ƀă Kuăn pơlê pơcháu, ki malối ƀă 2 hneăng pro Kăn xiâm hnê ngăn Kuô̆k hô̆i, pôa Nguyễn Phú Trọng, drêng mê nah Kăn xiâm hnê ngăn Kuô̆k hô̆i hiăng ai hên hnoăng pleăng kân kĕng, kal kân ăm tơdroăng pơkâ djâ, mơdêk châ tơƀrê hnoăng cheăng dêi Kuô̆k hô̆i, veăng gum mơjiaâng, pêi pro klêi tơniăn, tŭm têk Tơnêi têa ki ai Luât xiâ xah hô̆i chuh ngiah Việt Nam.