VOV4.Xơ Đăng - Kơxo lơ 17/2, Khu pơtâng tối tơdroăng kal ƀă Khu hnê mơhnhôk cheăng Tơnêi têa tơkŭm po Rôh hôp tơbleăng pơkâ dêi Khu xiâm pơkuâ tơdroăng kal kí ‘na pơtroh pôa Huỳnh Thành Đạt (Ngế xiâm ngăn ‘na Khoa hok ƀă Kong ngê̆) pro phŏ ngế xiâm khu pơtâng tối tơdroăng kal ƀă Hnê mơhnhôk cheăng Tơnêi têa.

VOV4.Xơ Đăng - Hneăng hôp Đảng ƀô̆ rêm râ hneăng hơnăm sap hơnăm 2025 – 2030 hbrâ vâ chê troh Hneăng hôp kân lâp tơnêi têa roh má XIV dêi Đảng cho tơdroăng kal kí kal khât mơnhên hneăng mơnhông nếo dêi tơnêi têa. Ôh tá ôh tá xê to roh vâ tâi tâng Đảng, tâi tâng kuăn pơlê ƀă tâi tâng khu lêng hvái ngăn tơdroăng prôk hiăng hluâ mơnhên tơdroăng châ tơƀrê ƀă mâu tơdroăng ối tơvâ tơvân mê ối cho roh vâ pro xiâm kối ăm troăng pêi ton xŏn mơnhên troăng mơnhông tơnêi têa tung hneăng nếo. Xua mê, tơdroăng hbrâ ƀă tơkŭm po hneăng hôp Đảng rêm râ kal châ pêi pro ƀă hiâm mơno pôu râng kân má môi.

VOV4.Xơ Đăng – Khu xiâm ngăn ‘na pêi pêt Kơphế Ƀuôn Ma Thuột  dế mơhnhôk pêi pro Hneăng tơ’noăng Kơ-óu kơphế Việt Nam hơnăm 2025. Klêi kơ’nâi 2 khế mơhnhôk pêi pro, roh tơ’noăng hiăng ƀă châ tối tơbleăng dêi 36 ngế lo ing 13 kong pơlê ƀă pơlê kong kơdrâm hiăng chêh dêi inâi, tung mê, ai kong pơlê Dak Lak ƀă Pơlê kong kân Hồ Chí Minh ai kơdrâm vâi ki chêh dêi inâi má môi. Kố cho roh po hneăng má 2, pói tơngah “plông xah hêi” kố ga vâ ăm mâu ngế ki hâk khât cheăng kơ-óu kơphế, veăng gum thăm mơdêk ki dâi lĕm dêi tơdroăng kơ-óu kơphế Việt Nam.um

VOV4.Xơ Đăng - Hâi lơ 17/2, pơtối  po rôh hôp dêi rôh hop oh tá xê tiah hmâ rôh má 9, Kuô̆k hô̆i hneăng 15, Kuô̆k hô̆i tơpui tơno tah xơpá tung tơdroăng cheăng khoa hok, kơmăi kơmok.

VOV4.Xơ Đăng - Khu tơkŭm po Tĭnh ŭy Dak Lak nếo pơtroh mơ-éa pơkâ mâu kơ koan, tíu cheăng kêi đeăng hô sơ pơkâ thế pơtê hdrối hơnăm ăm 39 ngế kăn ƀô̆, kŏng chưk, viên chưk ối tung mâu kơ koan, tíu cheăng khô̆i Đảng dêi kong pơlê chiâng vâ pơtê cheăng tiô pơkâ a Pơkâ kơxô̆ 178/NĐ-CP.

VOV4.Xơ Đăng - Kơxê hnah, lơ 14/2, a Tíu pêi cheăng Ƀơrô Xiâm Đảng, pôa Tô Lâm, Kăn xiâm pơkuâ hnê ngăn Đảng hiăng tơdah Kăn hnê ngăn Grup pơkuâ SK hlối pro Kăn hnê ngăn Ƀơrô Kơmăi kơmok ƀă Tê mơdró (KCCI), Hàn Quốc Chey Tae-won (Chuê Thê Uôn).

VOV4.Xơ Đăng - Tơdroăng ki pơkâ troăng hơlâ xiâm vâ mơjiâng pro troăng rơxế lơ treng a Hà Nội, Pơlê kong kân Hồ Chí Minh gum mơhnhôk tơlo hên kơxô̆ liăn, pro tơ’lêi hlâu ăm péa pơlê kong kân pêi pro ƀlêi chiâng mâu tơdroăng pơkâ pro troăng rơxế lơ treng kơphô̆ rak vế tơniăn rơkê plĕng, krá tơniăn.

VOV4.Xơ Đăng - Kơxo hâi lơ 14/2, khu kăn pơkuâ hnê ngăn Đảng kong pơlê Lâm Đồng tơkŭm po Hôp tơbleăng mâu pơkâ mơgêi tơdroăng cheăng mâu  đảng đoân, mâu kăn Đảng râ kong pơlê, pakĭng mê mơjiâng Đảng bô̆ rêm kơ koan Đảng tung kong pơlê ƀă Đảng ƀô̆ Vi ƀan kuăn pơlê dêi kong pơlê.

VOV4.Xơ Đăng - Pơtối dêi Hneăng hôp ôh tá xê tiah hmâ rôh má 9, Kuô̆k hô̆i hneăng 15, kơxo lơ 14/2, Kuô̆k hô̆i tơmâng Chin phuh pơchuât tơbleăng Hlá mơ-éa ‘na mâu troăng tŏng gum ‘no liăn pro hngêi kơmăi on tơhrik trếo tik nik Ninh Thuận.

VOV4.Xơ Đăng - Kơxê lơ 13/2, pôa Lương Cường, Kăn xiâm hnê ngăn tơnêi têa hiăng tơdah pôa Thongsavanh Phomvihane, Ngế xiâm tơpui kâ Lếo.