VOV4.Xơ Đăng - ­Tơdroăng 15 kăn ƀô̆ ối tung Khu pơkuâ tơdroăng cheăng Đảng kong pơlê Kon Tum pâ pơtê hdrối hơnăm pro tơ’lêi hlâu ăm pơkâ troăng pêi pro dêi Tơnêi têa pơhlêh nếo, rah xo bro lế lĕm khu pêi cheăng tơnêi têa dêi khu cheăng kal kí.

VOV4.Xơ Đăng - Tiô rơkong krếo thế dêi pôa Ưng Dũng (Ying Yong) Kăn pơkuâ Kơ koan xiâm séa ngăn kuăn pơlê râ xiâm kong têa Sinuâ, Khu râ kăn teăng mâ Kơ koan xiâm séa ngăn kuăn pơlê râ xiâm Việt Nam xua pôa Nguyễn Huy Tiến, Kăn pơkuâ Kơ koan xiâm séa ngăn kuăn pơlê pơkuâ djâ khu hiăng ai roh lăm pôu ƀă pêi cheăng a Bắc Kinh, Sinuâ sap hâi lơ 17 – 18/2/2025.

VOV4.Xơ Đăng - Kơxo lơ 18/2, Hô̆i đong hnê ngăn kong pơlê Lâm Đồng hneăng 10, pơla hơnăm 2021 – 2026 tơkŭm po hneăng hôp má 22 ‘na tơdroăng cheăng kăn ƀô̆, tơbleăng mâu tơdroăng pơkâ mơjiâng 6 to tíu, kơvâ cheăng ki nếo.

VOV4.Xơ Đăng - Kơxo lơ 17/2, a Pơlê kong kân Hồ Chí Minh, Đảng ủy, Khu pơkuâ ngăn Kuân khu 7 tơkŭm po trâm mâ mâu khu kăn xiâm khu lêng ki hiăng pơtê cheăng xua hiăng troh hơnăm pơtê cheăng tiô tơdroăng púi vâ a Kuân khu apoăng hơnăm 2025.

VOV4.Xơ Đăng - Kơxê hâi lơ 17/2, pôa Phạm Minh Chính, Ngế pro xiâm hnê ngăn tơnêi têa tơdah pôa Nagao Yutaka, Kăn xiâm hnê ngăn grup Yamato Holdings, dêi Nhuk dế lăm pôu pêi cheăng a Việt Nam.

VOV4.Xơ Đăng - Tung mâu tơdroăng tơrŭm cheăng lâp plâi tơnêi hơnăm 2025, kơxê hâi lơ 17/2, a Hà Nội, Hok viê̆n Kal kí tơnêi têa Hồ Chí Minh tơkŭm po tơdah hlối pêi cheăng ƀă kăn teăng mâ Cuba a Việt Nam.

VOV4.Xơ Đăng. Mâu hơnăm achê pơla kố, tơdroăng cheăng ki tăng rah mơngế rơkê kơhnâ mot Đảng tung hok tro, sinh viên a Dak Lak ai hên tơdroăng ki pơhlêh nếo. Hên đoân viên ki rơkê kơhnâ hiăng châ rah xo vâ ‘mot Đảng drêng dế ối hriâm a hngêi trung, mơhno tối tơdroăng ki hiăng xông kân hdrah ‘na tuăn mơno, tung hiâm mơno hlê plĕng nhên ‘na cheăng kal kí ƀă pói rơhêng vâ pleăng dêi hnoăng cheăng ăm pơlê pơla, tơnêi têa. Tơdroăng kố xuân ăm hlo ki tŏng gum ngăn khât dêi rêm râ pơkuâ hnê ngăn Đảng, hngêi trung ƀă Khu pơkuâ ngăn Đoân Droh rơtăm tung hnoăng cheăng hnê tối ăm khu rơxông nếo.

VOV4.Xơ Đăng - Mâu khế apoăng, tơdroăng ki tê tơmeăm ngi kong têa ê dêi mâu khu mơdró kâ tê roê tơmeăm pêi lo ing chiâk a Dak Lak hiăng hlo tơniăn, tơhrâ pơtối djâ troh mâu tơdroăng ki tơniăn lĕm.

VOV4.Xơ Đăng - Kơxo lơ 17/2, pôa Trần Hồng Hà, phŏ Ngế pro xiâm hnê ngăn tơnêi têa tơdah pôa Reha Denemec, phŏ kăn hnê ngăn Grup Kơmăi kơmok ƀă Tê Mơdró Mơjiâng pro tơmeăm IC ICTAS (Thổ Nhĩ Kỳ), Ngế ki xo pro tơmeăm ƀă krâ ‘măn tơmeăm pro Hngêi tơdah tơmối tơrai tơƀai Long Thành.

VOV4.Xơ Đăng - Kơxo lơ 17/2, Khu pơtâng tối tơdroăng kal ƀă Khu hnê mơhnhôk cheăng Tơnêi têa tơkŭm po Rôh hôp tơbleăng pơkâ dêi Khu xiâm pơkuâ tơdroăng kal kí ‘na pơtroh pôa Huỳnh Thành Đạt (Ngế xiâm ngăn ‘na Khoa hok ƀă Kong ngê̆) pro phŏ ngế xiâm khu pơtâng tối tơdroăng kal ƀă Hnê mơhnhôk cheăng Tơnêi têa.