VOV4.Xơ Đăng - Kơxo hâi lơ 10/11, pôa Phạm Minh Chính, Ngế pro xiâm hnê ngăn tơnêi têa  pơkuâ hneăng hôp rôh má môi Khu hnê mơhno Xiâm tơnêi têa tơbleăng xut tah tâi hngêi pơtân, hngêi xi kơchoh tung lâp tơnêi têa (Khu hnê mơhno cheăng).

VOV4.Xơ Đăng - A hneăng hôp mâu hdroâng kuăn ngo tung kong pơlê rôh má 4 hơnăm 2024 nêó tơkŭm po a pơlê kong kơdrâm Pleiku, tối mâu tơdroăng hiăng pêi tơƀrê tơdroăng cheăng kuăn ngo a kong pơlê Gia Lai; hlối khĕn kơdeăn, pơ-eăng mâu hnoăng veăng ‘no kân kĭn dêi kuăn pơlê hdroâng kuăn ngo tung kong pơlê.

VOV4.Xơ Đăng - Kơmăng lơ 8/11, pôa Phạm Minh Chính, Ngế pro xiâm hnê ngăn Chin phuh hiăng troh Việt Nam mơgêi lĕm tro roh lăm pôu pêi cheăng veăng Hneăng hôp Khu râ kăn xiâm Tơdroăng tơrŭm cheăng Tiêuh vùng Mekong po rơdâ roh má 8, Hneăng hôp Khu râ kăn xiâm Troăng pêi cheăng ton xŏn tơrŭm cheăng kâ Ayeyawady - Chao Phraya – Mekong roh má 10 ƀă Hneăng hôp Khu râ kăn xiâm kong têa Kul – Lếo – Myanmar – Việt Nam ƀă pêi cheăng a kong têa Sinuâ.

VOV4.Xơ Đăng - Kơmăng lơ 8/11, pôa Lương Cường, Kăn xiâm hnê ngăn tơnêi têa pơkuâ djâ Khu râ kăn teăng mâ râ xiâm Việt Nam lo ing pơlê kong xiâm Hà Nội lăm pôu pêi cheăng kong têa Kŏng hoa Chile tiô rơkong krếo thế dêi pôa Gabriel Boric Font, Kăn xiâm pơkuâ kong têa Chile sap ing hâi lơ 9 troh lơ 12/11; lăm pôu păng ‘nâng kong têa Kŏng hoa Peru ƀă veăng Măng tĭng leh Khu râ kăn xiâm Hneăng hôp tơpui tơno Tơrŭm cheăng kâ châu Á – Thái Bình Dương APEC 2024 a Lima, Peru tiô rơkong krếo thế dêi Kăn xiâm pơkuâ kong têa Dina Ercilia Boluarte Zegarra sap ing hâi lơ 12 – 16/11.

VOV4.Xơ Đăng - Kơxê lơ 8/11, pôa Lương Cường, Kăn xiâm hnê ngăn tơnêi têa prế pôa Thongloun Sisoulith, kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng ai rôh Hôp tơpui tơno tơdrêng ing troăng hyôh internet vâ tơpui ‘na tơdroăng ki péa tơnêi têa ƀă séa ngăn tơrŭm cheăng Việt Nam – Lếo.

VOV4. Xơ Đăng - Kơxê hâi lơ 8/11, mâu khu râ pơkuâ cheăng kong pơlê Dak Lak hiăng ‘nâi tíu tơƀai YAK-130 tơklêh achê Xá kơxô̆ 428 (pơla Đông Gak ngăn loăng pơlái - kuăn kiâ kong Drăng Bhôk ƀă Đông gak ngăn loăng pơlái-kuăn kiâ kong kơxô̆ 9) dêi Kơdrum kong ilâng Yok Đôn, kong pơlê Dak Lak.

VOV4.Xơ Đăng - Kơxo lơ 8/11, a pơlê kong kơdrâm Trùng Khánh, pôa Phạm Minh Chính, Ngế pro xiâm hnê ngăn tơnêi têa pin hiăng veăng hôp tơpui tơno khu mơdró kâ Việt Nam – Sinuâ.

VOV4.Xơ Đăng - Kơxê lơ 7/11, pôa Phạm Minh Chính, Ngế pro xiâm hnê ngăn tơnêi têa veăng Hneăng hôp Khu râ kăn xiâm Khu tơrŭm cheăng Kul - Lếo – Myanmar  - Việt Nam roh má 11, tơkŭm po a pơlê kong kơdrâm Côn Minh, kong pơlê Vân Nam (Sinuâ).

VOV4.Xơ Đăng - Kơxê hâi lơ 7/11, a Tíu pêi cheăng xiâm Đảng, pôa Tô Lâm - Kăn xiâm pơkuâ hnê ngăn Đảng hiăng tơdah pôa Orlando Nicolas Hernandez Guilellen Kăn teăng mâ Cuba a Việt Nam drêng Kăn teăng mâ mơgêi hneăng pêi cheăng.

VOV4.Xơ Đăng - Hô̆i đong kong pơlê Dak Lak nếo tơbleăng ăm pêi pro Pơkâ troăng hơlâ mơ’no liăn cheăng tơdroăng tơkêa bro kơdroh trếo ‘mêi mơ’no lo pa kong, kơlo mơ’no lối 468 rơtal liăn, ƀă pói vâ kô kum kơdroh mơ’no trếo ‘mêi lo pakong xua hía kong ƀă kơdroh kong ing tơleăng mâu tơdroăng tung kơvâ pêi chiâk deăng, pêt kong ƀă hbrâ ví lĕm tro tâ ƀă kong prâi hơ’lêh.