VOV4.M'NÔNG - Đah rlău 95% rnăk ƀon lan rnoi Ba Na gŭ rêh bah âk năm aơ, ƀon Đăk Mông, xã Đăk Rong, nkuâl Đăk Đoa, n’gor Gia lah ngoăy tâm ăp ƀon ntoh lư tâm trong ƀư bôk nău kan rdâk njêng  ƀon lan mhe gưl neh dak. Ndrel đah n’gâng kan ta ntŭk, nuĭh ƀon lan tâm ƀon hŏ nsrôih tâm pah kan jan sa, njêng luh nău dơi bah suan rhal pah kan ngăn ngăn nkre đah mât ndray âk rup uĕh ntĭt êng văn hóa gay kơl muh măt ƀon lan nar lơn ma săk ntơr, rƀŏng tât du ƀon lan mhe ntĭt leo lor.

VOV4.M’nông - Thôn ƀon mhe, wăng sa, rêh jêng hun hao, bôk nău kan ndâk njêng thôn ƀon mhe dôl nsĭt tay âk săk rnglăy uĕh ta n’gor Dak Nông. Rhơn da dê đah kônh wa rnoi mpôl đêt Dak Nông lah bôk nău kan aơ lĕ uănh khlay nău tâm rgop mât ndrăy, ƀư uĕh ăp nău khlay văn hóa way ơm.

VOV4.M’nông - Xă n’har bri Thuận An (nkuăl Dak Mil) lah ngoăy tâm âk xă geh nău hun hao ngăch n’hanh nâp nâl bah n’gor Dak Nông. Năm 2018, xă Thuận An dơi kơp dơn tâm di thôn ƀon mhe n’hanh aơ lah xă n’har bri bôk năp bah n’gor Dak Nông mbơh ƀư bôk nău kan ndâk njêng thôn ƀon mhe n’hao prêh. Nchrăp, tâm năm 2024, xă Thuận An mbra ƀư dơi n’gâng tơm dơi nkah gĭt aơ gay hun hao du trong nâp nâl. Tâm nău hun hao bah xă Thuận An, geh nău rgop mô jêt bah druh ndăm, ăp băl đoàn viên druh ndăm janh mĭn, janh ƀư, janh ntuh kơl hun hao nkra njêng.

VOV4.M’nông: Ntrong leo nti nsơm nău kơt dŏng công nghệ thông tin jêh nĕ mbơh ƀư tât cán bộ, đảng viên n’hanh nuĭh ƀon lan nti, ƀư tĭng. Nĕ lah trong ma ăp bí thư chi bộ, đảng bộ nkual dŭt jêr jŏt ta Sơn La tĭng đah nău cách mạng khoa học công nghệ 4.0. Tă bah nĕ rgop ndơ̆ ăp nghị quyết bah Đảng lăp nău rêh, tâm nĕ geh nghị quyết mpeh ndâk njêng thôn ƀon mhe. Ntrong ƀư aơ ta n’gor Sơn La dŭt dơi nti, pơk hvi.

VOV4.M’nông - Nkual n’har bri xă Ia Nan, nkuăl Đức Cơ, n’gor Gia Lai lah ntŭk jêr jŏt, 100% lah nkual rnoi mpôl đêt gŭ rêh. Yor nău wăng sa hôm e ach o, nău wât bah nuĭh ƀon lan đêt jêng trong tăn tât ngih sam ƀŭt bah oh kon hŏk mâp njêng. Năm bah năp, ăp gưl n’gâng kan, ăp nsum mpôl, rmôt kan, ngăn lah rmôt tahen n’hả bri lĕ tâm rgop đah ngih sam ƀŭt, ndơ̆ an âk trong mkra ntop kơl an kon hŏk ach o nkual n’har bri tât ngih sam ƀŭt.

VOV4.M’nông: Gĭt tât khoa học kỹ thuật, âk nuĭh ƀon lan nuĭh Dao ta xă Cư Suê, nkuăl Cư M’gar, n’gor Dak Lak lĕ mbrơi mbrơi rgâl nău mĭn tuch tăm, tâm rgop nkra njêng, gĭt ntŭk tăch, rgâl an nkra njêng jru ăp ndơ gay n’hao khlay, nsĭt tay nău geh wăng sa.

VOV4.M’nông - Ta rơh rƀun ndal rơh tal 5 (Quốc hội khóa 15), ngoăy tâm 4 nkô̆ nău khlay dơi ăp đại biểu rgum tâm nchră dự thảo Nghị quyết mpeh du đêt trong ƀư, nău kơl an êng ƀư tĭng ăp bôk nău kan rƀŏng tĭng lam dak. Ăp đại biểu Quốc hội tâm ban ŭch âk đah trong ƀư rlong lor pă gưl an gưl nkuăl mât uănh n’hanh ƀư tĭng ăp bôk nău kan rƀŏng tĭng lam dak; nkre dăn đă n’ho dơi dŏng prăk an cán bộ, lơn lah ta gưl nkuăl gay ƀư ăp nău nchrăp ƀư jêt bah bôk nău kan.

VOV4.M’nông - Đah trong way ƀư “Ntŭk ŭch geh druh ndăm, moh nău jêr geh druh ndăm”, tâm năm 2023, đoàn viên, druh ndăm n’gor Gia lai lĕ ƀư âk bôk nău kan ƀư, nău kan na nê̆ tâm ntrong leo “Druh ndăm ndrel ty ndâk njêng thôn ƀon”. Tă bah nĕ, ƀư uĕh tay rup ndah ao pŭt kơl kan, hăn lor, geh nău kan đah nău hun hao bah rêh jêng.

VOV4.M’nông - Lah nuĭh rnoi Tày, deh n’hanh têh ta ƀon tơm Đông Khê n’gor Cao Bằng-ntŭk ma đơn tính tẩu, nău mprơ then lĕ lăp jru tâm bôk rngok, jêng bôl trơn gŭ tât nkual neh mhe, wa Nông Văn Hưu (75 năm deh) hôm e ŭch đah nău mprơ bah rnoi nơm n’hanh rvê đah nău m’hâm ƀư mât ndrăy, trêng ntĭm môn aơ an nsum mpôl ƀon lan ta ntŭk wa gŭ rêh.

VOV4.M’nông - Cà phê khlay aƀaơ âk nklăp rlău n’gul yan năm bah năp, lĕ nsĭt hao âk gay ăp n’gor Tây Nguyên rgâl nu nău wăng sa rêh jêng, n’hao nău geh bah nuĭh ƀon lan. Yơn lah, đah nuĭh tăch rgâl cà phê, aơ lah năm âk ntŭl rlong, yor rnoh rwăt-tăch cà phê rgâl jêr njrăng, mâp nău mô lap na nao. Tŏng ăp nău kan tăch rgâl yan năm aơ dŭt jêr. Du đêt doanh nghiệp jêt knŭng janh tăch rgâl nkrem, hôm nuĭh ƀon lan rvê. Tăch dâl ri rvê rnoh hao tay, hôm mât lŏ rvê rnoh mbra hŭch âk.