VOV4.M'nông: Ƀư tĭng nau ntrŭnh mrô 07-NQ/TU lơ 03/3/2003 bah Rnâng kan n’gor ủy Dak Lak mpeh nau “N’hao nau rđau kan bah Đảng tâm thôn, ƀon, tổ dân phố”, 20 năm ma aơ n’gor hŏ geh 1.780 ntŭk kan, rmôt kan tâm rnglăp ma 556 ƀon nŭih rnoi mpôl đê̆. Ntơm bah aơ, âk rbăn nau kan geh cán bộ, công nhân, nŭih pah kan, tahen tâm ăp rmôt tâm njêng ndrel ƀư, rgop nau ƀư nâp nau tâm rnglăp lam ƀon lan, kơl an kônh wa hun hao, n’hao prêh nau rêh jêng.

VOV4.M'NÔNG - Tĭng ƀư bôk nău kan “Me wơt bôk” tă bah Trung ương Hội Liên hiệp bu ur Việt Nam rgŏ jă, ăp gưl hội bu ur ta Lâm Đồng hŏ geh ăp nău kan na nê̆, ngăn ngăn, jêng “ntŭk nsing” bah kon se kon đơi. Bah nê, kơl ăp kon se năl dơi nău rŏng răm mƀak, geh tay nuih n’hâm nđơr nsan hao.

VOV4.M’nông - Tâm năm 2020, nkual ƀon têh Gia Nghĩa lah ntŭk kan gưl nkuăl bôk năp bah n’gor Dak Nông tât lor bôk nău kan rƀŏng tĭng lam dak ndâk njêng thôn ƀon mhe đah 2/2 xă tâm di. Tâm lvang mhe, Gia Nghiã ăp nău rƀŏng nsrôih âk lơn đah nău nsrôih ndâk njêng ăp nkual thôn ƀon nâp wăng sa, geh âk nău uĕh n’hanh geh nău tâm rnglăp. Ăp rơh rgŏ jă, ăp bôk nău kan dơi dŭt n’hâm mbơh ƀư đah trong ây ƀư “Ƀon lan gĭt, ƀon lan tâm nchră, ƀư lan ƀư, ƀon lan uănh nđôi” lĕ nsĭt tay âk săk rnglăy ngăn ngên.

VOV4.M’nông - Ta nkuăl n’har bri Đức Cơ, n’gor Gia Lai geh du jrô nti khay rlu nti lĕ nsĭt tay âk nău răm, nău gĭt rplay sam ƀŭt uĕh an ăp oh jêt nuĭh rnoi mpôl đêt geh nău rêh jêr jŏt. Jrô nti an dơm aơ dơi ăp đoàn viên, druh ndăm bah nkuăl têh Chư Ty, nkuăl Đức Cơ tât ntĭm.

VOV4.M'NÔNG - Lôch rlău 2 năm an tĭng ƀư nău n’glêh an 749 năm 2020 bah Thủ tướng Chính phủ mpeh rgâl mbrô gưl neh dak, n’gor Kon Tum geh du đêt nău dơi ngăn, lơn lah tâm trong kan tuch tăm – thôn ƀon. N’gor dôl nsrôih droh rklaih ăp mpêr n’gar nking kol gay rgâl mbrô ngăch lơn, rƀŏng tât rdâk njêng tuch tăm pet lât, ƀon lan têh uĕh mhe.

VOV4.M’nông - Năm bah năp, n’gor Dak Lak lĕ rgŏ jă âk tơm prăk, tâm ndôp ăp nău kơl ntuh kơl, bah Đảng, Ngih dak tât nkual rnoi mpôl đêt, nkual jru ngai. Tâm nĕ, âk ndơ ƀư ntung trong mpeh tâm bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt lĕ rgop n’hao uĕh nău rêh bah nuĭh ƀon lan.

VOV4.M’nông - Âk năm aơ, Rmôt tahen ơm nkual têh Ayun Pa, n’gor Gia Lai ƀư tĭng geh săk rnglăy ntrong leo “Tahen ơm ntrong leo” ta nău kan ndâk njêng n’hanh hun hao weăng sa. Đah nuih n’hâm mô klach ji ŏk njê, âk tahen ơm lĕ jêng âk nău uĕh ang tâm pah kan jan sa, hun hao wăng sa rnăk wâl, rêng hvi nău rŏng pah kan tâm ntŭk ƀon lan gŭ rêh ta ntŭk.

VOV4.M’nông - Tâm 2 pơh ƀư pah kan khay rlu ta Dak Lak, ăp rmôt druh ndăm kơl kan lĕ ndrel đah n’gâng kan ta ntŭk lôch jêh âk ndơ ƀư, gưl nău kan ngăn. Nău ngăch prăl, dŭt n’hâm n’hanh nuih n’hâm hăn lor, mô klach jêr, klach njê, ăp tahen kơl kan lĕ n’glơi an nău uĕh tâm nuih n’hâm nuĭh ƀon lan nkual thôn ƀon Dak Lak.

VOV4.M’nông - Ƀư tĭng trong kan njêng oh nô đah ăp ƀon rnoi mpôl đêt, ăp ngih pah kan, ntŭk kan ta n’gor Dak Lak lĕ geh âk trong ƀư uĕh, tâm di đah nău kan way kan n’hanh nău dơi bah ntŭk kan, ngăn đah nu nău n’hêl na nê̆ bah ăp ƀon. Hang rhiăng ngih pah kan, rmôt kan, doanh nghiệp njêng lĕ rgop tơm prăk ntop kơl nuĭh ƀon lan hao, n’hao uĕh nău rêh. Nău tâm rnglăp ngăn ngên n’hanh lĕ nău kan rgop nâp nâl tâm rnglăp lam ƀon lan.

VOV4.M’nông - Bah ăp ndơ jăng lơi, âk bu ur ta Dak Lak lĕ dŏng gay ƀư jêng ăp ndơ tăch, ntop tay nău geh. Nău ƀư aơ hôm rgop tâm nău mât uănh ntŭk ntô gŭ âm, rƀŏng tât dŏng uĕh nđĭr.