VOV4.M’nông - Năm aơ, nuĭh ƀon lan ta xă Kon Gang, nkuăl Đak Đoa, n’gor Gia Lai wơt Tết way ơm Ất Tỵ tâm rnôk răm m’ak. Yor năm bah năp, sầu riêng, cà phê săk play, tăch peh, âk rnăk geh prăk rmen. Bah meng nĕ, ăp rnăk dơi kơl, ăp rnăk jêr jŏt, dơi gưl ủy, n’gâng kan ƀon lan uănh tât, jao an ndơ Tết dŭt uĕh.

VOV4.M'NÔNG- Puăn năm rlău aơ n’gor Kon Tum hŏ tăm mhe bơi 18.000 ha bri, rlău bơi 3000ha ma Nghị quyết Đại hội Đảng bộ n’gor tâl XVI, năm kan 2020- 2025 n’gluh. Mô dơn tât ơm, rnôk an tĭng ƀư Nghị quyết mpeh tăm bri nkre đah Rơh rgŏ jă “Ƀư rgâl nău mĭn, nău kan bah ƀon lan rnoi mpôl đê̆, ƀư an ƀon lan rnoi mpôl đê̆ nsan hao ƀư geh ndrŏng jŏ jong” hŏ kơl nuĭh ƀon  lan rgâl êng nău mĭn bah bri rgâl jêng tăm bri, mât njrăng n’hanh hun hao bri. Rhơn lơn đŏng lah mâp dơi nđĭr uĕh bah bri nuĭh ƀon  lan geh ndơ ma hun hao wăng sa bah bri nsĭt tay nău geh wăng sa jŏ jong.

VOV4.M’nông - Năm aơ, hang rbăn rnăk ach o ta Tây Nguyên lĕ geh du ndơ Tết dŭt uĕh, hơm răm lơn, knơm nău tâm kơl bah nsum mpôl n’hanh nău uănh tât bah n’gâng kan ƀon lan ta ntŭk. Ăp jay mhe têh uĕh, ăp nklâm ndơ Tết geh âk nkô̆ mô knŭng kơl khân pơng dơi wơt du ndơ Tết hơm răm, ma hôm nsĭt tay nău mpŏng ŭch đah du nău rêh rgŏ năp uĕh ang lơn.

VOV4.M'nông: Nau jut ach o tâm 2 xã Mường Hong, Ngọc Linh-ach o ngăn bah n’gor Kon Tum ân saơ nau ngăn tâm nau ntrŭnh bah Đảng, nau rđau bah Trung ương na nau n’huch ach o. Nau lăp kan bah ăp gưl uỷ, n’gâng kan, kơl an rgâl nau mĭn, nau kan bah ƀon lan, ndrel nê lah nau tât, nau ueh kơl ƀư jut jăng ach o ta aơ geh nau dơi.

VOV4.M'nông: Bôk nau kan neh dak hun hao văng sa, rêh jêng nkuăl rnoi mpôl đê̆ ndrel gôl yôk (bôk nau kan 1719) geh ntrŭnh tâm Gia Lai tĭng nuih n’hâm rđau mrô 29 bah N’gor uỷ, đah nkô̆ nau tơm lah rklaih ăp nau kan ndal bah rnoi mpôl đê̆. Đah nau rđau đă, rƀŏng trong tă bah ăp gưl uỷ, đảng, bôk nau kan mô knŭng leo tât nau ueh ma hôm ƀư rjăp nau rđau kan khlay bah gưl uỷ đảng tâm nau rgâl mhe ndrel hun hao.

VOV4.M'nông: Nkuăl rnoi mpôl đê̆ Bình Thuận geh âk ntil ndơ OCOP 3 sao. Tết năm mhe Ất Tỵ 2025 dôl tât lah rnôk ma ăp ntil ndơ geh rgum nkra rhŏ ân rnôk tết, tâm nê geh ndơ mon uk Chăm Sơn Hòa tâm xã Phan Hiệp ndrel puăch ndrôk tâm xã Phan Hòa tâm xã Phan Hiệp, nkuăl Bắc Bình, n’gor Bình Thuận.

VOV4.M’nông - Lĕ tă “luh du” ƀon tơm đah nău kan dak si, yơn bu ndăm nuĭh Êđê, Y Pốt Niê ta Dak Lak mô dơi chuêl nkah gĭt cà phê ta ƀon lan. Nkah gĭt ƀô kah cà phê nglăp ndrel ƀô nsoăy ŭnh, ŭch đah ăp grăp cà phê khlay yơn mô dơi kơl me, bơ̆ bah ach o, Y Pốt Niê lĕ sĭt đah ƀon Kla, xă Dray Sáp nkuăl Krông Ana, n’gor Dak Lak gay tĭng đah cà phê tĭng du trong hăn mhe. Jêh 4 năm ntơm ndâk njêng nău kan đah cà phê bên tă bah kon se, ÊĐê Café bah Y Pốt lĕ dơi geh ntŭk tăch tâm n’hanh bah dih dak, nkoch mro nău văn hóa cà phê kah bah ƀon Kla.

VOV4.M'nông: Nau ntrŭnh Đại hội ntoh măt lam dak tal XII bah Đảng ndŏ luh nkô̆ nau huch ach o bah lam dak tâm rnoh 1-1,5% ndrel nsôih tât năm 2030 mô hôm nkuăl jêr jŏt, xã ach o. Leo nau ntrŭnh bah Đảng lăp tâm nau ngăn, tâm n’gor Kon Tum, nau kan jut jăng ach o geh ƀư rjăp ntơm bôk năm, sŏk 2 xã Mường Hoong ndrel Ngọc Linh, nkuăl Đăk Glei lah 2 xã ach o ngăn ƀư lor. Ntơm bah ntrŭnh tâm di, cán bộ lăp kan đah nuih n’hâm bah đảng viên, 2 xã ach o bah n’gor Kon Tum ntơm rnoh rnăk ach o rlau 70% mô knŭng rklaih ach o hŏ jêng ndrŏng.

VOV4.M’nông - Đah nău ƀư na nê̆ ntrong ƀư “3 kloh” lah kloh ngih wâl, kloh gung trong, kloh ŭnh năk jêng ăp nău ƀư na nê̆, bu ur Dak Lak dôl nsrôih rgop ƀư tĭng ăp rnoh ndơ mpeh ntŭk ntô gŭ âm n’hanh đăp mpăn ndơ sông sa, ndrel ty đah n’gâng kan ƀon lan ndâk njêng thôn ƀon mhe.

VOV4.M’nông - Ăp năm bah năp, Rmôt tahen ơn nkuăl Đăk Đoa, n’gor Gia Lai lĕ mbơh ƀư âk ntrong kan nkra njêng, ntrong leo tâm rlong ngăn ngên, kơt: “Tahen ơm ntrong leo”, “Tahen ơm tâm kơl n’hŭch ach o, ƀư sa blău”... Tă bah nĕ, ntoh âk nuĭh ang leo lor tâm ntŭk gŭ rêh, mô knŭng rgop hun hao wăng sa rêh jêng ta ntŭk ma hôm ntĭm nti nău way ơm cách mạng an rơh druh ndăm kơt tĭng.