VOV4.M’nông - Năm bah năp, n’gor Dak Lak lĕ rgŏ jă âk tơm prăk, tâm ndôp ăp nău kơl ntuh kơl, bah Đảng, Ngih dak tât nkual rnoi mpôl đêt, nkual jru ngai. Tâm nĕ, âk ndơ ƀư ntung trong mpeh tâm bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt lĕ rgop n’hao uĕh nău rêh bah nuĭh ƀon lan.

VOV4.M’nông - Âk năm aơ, Rmôt tahen ơm nkual têh Ayun Pa, n’gor Gia Lai ƀư tĭng geh săk rnglăy ntrong leo “Tahen ơm ntrong leo” ta nău kan ndâk njêng n’hanh hun hao weăng sa. Đah nuih n’hâm mô klach ji ŏk njê, âk tahen ơm lĕ jêng âk nău uĕh ang tâm pah kan jan sa, hun hao wăng sa rnăk wâl, rêng hvi nău rŏng pah kan tâm ntŭk ƀon lan gŭ rêh ta ntŭk.

VOV4.M’nông - Tâm 2 pơh ƀư pah kan khay rlu ta Dak Lak, ăp rmôt druh ndăm kơl kan lĕ ndrel đah n’gâng kan ta ntŭk lôch jêh âk ndơ ƀư, gưl nău kan ngăn. Nău ngăch prăl, dŭt n’hâm n’hanh nuih n’hâm hăn lor, mô klach jêr, klach njê, ăp tahen kơl kan lĕ n’glơi an nău uĕh tâm nuih n’hâm nuĭh ƀon lan nkual thôn ƀon Dak Lak.

VOV4.M’nông - Ƀư tĭng trong kan njêng oh nô đah ăp ƀon rnoi mpôl đêt, ăp ngih pah kan, ntŭk kan ta n’gor Dak Lak lĕ geh âk trong ƀư uĕh, tâm di đah nău kan way kan n’hanh nău dơi bah ntŭk kan, ngăn đah nu nău n’hêl na nê̆ bah ăp ƀon. Hang rhiăng ngih pah kan, rmôt kan, doanh nghiệp njêng lĕ rgop tơm prăk ntop kơl nuĭh ƀon lan hao, n’hao uĕh nău rêh. Nău tâm rnglăp ngăn ngên n’hanh lĕ nău kan rgop nâp nâl tâm rnglăp lam ƀon lan.

VOV4.M’nông - Bah ăp ndơ jăng lơi, âk bu ur ta Dak Lak lĕ dŏng gay ƀư jêng ăp ndơ tăch, ntop tay nău geh. Nău ƀư aơ hôm rgop tâm nău mât uănh ntŭk ntô gŭ âm, rƀŏng tât dŏng uĕh nđĭr.

VOV4.M'NÔNG - Tâm ăp năm aơ, ăp trong leo tâm rlong rŏng dak n’hanh ăp rơh rgŏ jă bah Mặt trận tổ quốc ăp gưl ta nkuâl Châu Thành, n’gor Sóc Trăng n’hanh ăp mpôl kan nsum rgŏ jă, an ƀư  way ntik n’hao nău tam kan n’hanh  ring lam jru hvi tâm  nsum mpôl lam ƀon lan.  Lơn lah, nău ntrôl dăng tĭng ƀư rơh rgŏ jă “Lam ƀon  lan tâm rnglăp rdâk njêng ƀon lan mhe, nkual ƀon têh rsang rnglăy” đah trong rƀŏng “Sŏk suan nuĭh ƀon lan mât nău rêh an nuĭh ƀon lan” hŏ rgop ƀư jêng “rgâl săk, lhut ntô” muh măt ƀon lan n’hanh nkual gŭ rgum ta ntŭk; nău rêh drăp ndơ n’hanh nuih n’hâm, săk geh nău rêh bah nuĭh ƀon lan geh nău rgâl kloh.

VOV4.M'NÔNG - Ôi (3/6), ta Đồng Nai, Groi Thủ tướng Trần Lưu Quang râng Lễ mbơh nkuâl Xuân Lộc di rnoh ƀon lan mhe ntop n’hao năm 2023.

VOV4.M’nông - “Yô̆ nuĭh kơt yô̆ săk nơm”, âk nuĭh, rmôt kan lŏng bôk tôr ta Nkual ƀon têh Pleiku, n’gor Gia Lai lĕ ƀư ăp nar sông piăng ân dơm gay ntop kơl nuĭh ji n’hanh rnăk wâl nuĭh ji geh nău rêh jêr jŏt. Nău ƀư têh uĕh nĕ lĕ kơl ăp nuĭh ach o bah oi jêr jŏt, nkre rêng hvi nău ƀư kơl nuĭh tâm ntŭk gŭ rêh ƀon lan ta nkual ƀon têh yôk Pleiku.

VOV4.M’nông - Ta Gia Lai, bơi du năm rlău, măng măng, rmôt kơl kan “Trong hăn đăp mpăn” ndrel ty nkra, mbuh dăp âk lvang trong djơh, rgop rêng hvi ăp nău ƀư ngăn ngên tâm ntŭk gŭ rêh.

VOV4.M’nông - Nkual xă Măng Bút, nkuăl Kon Plông, n’gor Kon Tum lah ntŭk n’ăp Pháp n’hanh Mỹ ndâk ƀư ntŭk tahen uănh nđôi ăp ƀon lan rnoi mpôl đêt, nking n’gang tahen rklaih đăp mpăn n’hanh lơh jŭr nkual dâng rđŭng n’gor Quảng Nam, Quảng Ngãi. Tâm rơh tâm lơh Bah lơ Tây Nguyên 1954 tâm pă n’hâm soan đah ntŭk tâm lơh Điện Biên Phủ, rmôt vũ trang Liên khu 5 n’hanh tahen ƀon lan Kon Tum lĕ ƀư jêng lơh dơi Măng Bút ndrel đah lơh dơi Măng, Kon Braih lơh chai rgum mpông mât njrăng bah rlăng Pháp ta Bah lơ Tây Nguyên. Lah ntŭk nkual jru ngai, ntŭknkah êng, rlet rlău âk jêr jŏt, njê aƀaơ Măng Bút dôl nâp nâl hao ntrôl rŭch ach o, rluk mâl.