VOV4.M'NÔNG - Tâm ăp năm aơ, ăp trong leo tâm rlong rŏng dak n’hanh ăp rơh rgŏ jă bah Mặt trận tổ quốc ăp gưl ta nkuâl Châu Thành, n’gor Sóc Trăng n’hanh ăp mpôl kan nsum rgŏ jă, an ƀư  way ntik n’hao nău tam kan n’hanh  ring lam jru hvi tâm  nsum mpôl lam ƀon lan.  Lơn lah, nău ntrôl dăng tĭng ƀư rơh rgŏ jă “Lam ƀon  lan tâm rnglăp rdâk njêng ƀon lan mhe, nkual ƀon têh rsang rnglăy” đah trong rƀŏng “Sŏk suan nuĭh ƀon lan mât nău rêh an nuĭh ƀon lan” hŏ rgop ƀư jêng “rgâl săk, lhut ntô” muh măt ƀon lan n’hanh nkual gŭ rgum ta ntŭk; nău rêh drăp ndơ n’hanh nuih n’hâm, săk geh nău rêh bah nuĭh ƀon lan geh nău rgâl kloh.

VOV4.M'NÔNG - Ôi (3/6), ta Đồng Nai, Groi Thủ tướng Trần Lưu Quang râng Lễ mbơh nkuâl Xuân Lộc di rnoh ƀon lan mhe ntop n’hao năm 2023.

VOV4.M’nông - “Yô̆ nuĭh kơt yô̆ săk nơm”, âk nuĭh, rmôt kan lŏng bôk tôr ta Nkual ƀon têh Pleiku, n’gor Gia Lai lĕ ƀư ăp nar sông piăng ân dơm gay ntop kơl nuĭh ji n’hanh rnăk wâl nuĭh ji geh nău rêh jêr jŏt. Nău ƀư têh uĕh nĕ lĕ kơl ăp nuĭh ach o bah oi jêr jŏt, nkre rêng hvi nău ƀư kơl nuĭh tâm ntŭk gŭ rêh ƀon lan ta nkual ƀon têh yôk Pleiku.

VOV4.M’nông - Ta Gia Lai, bơi du năm rlău, măng măng, rmôt kơl kan “Trong hăn đăp mpăn” ndrel ty nkra, mbuh dăp âk lvang trong djơh, rgop rêng hvi ăp nău ƀư ngăn ngên tâm ntŭk gŭ rêh.

VOV4.M’nông - Nkual xă Măng Bút, nkuăl Kon Plông, n’gor Kon Tum lah ntŭk n’ăp Pháp n’hanh Mỹ ndâk ƀư ntŭk tahen uănh nđôi ăp ƀon lan rnoi mpôl đêt, nking n’gang tahen rklaih đăp mpăn n’hanh lơh jŭr nkual dâng rđŭng n’gor Quảng Nam, Quảng Ngãi. Tâm rơh tâm lơh Bah lơ Tây Nguyên 1954 tâm pă n’hâm soan đah ntŭk tâm lơh Điện Biên Phủ, rmôt vũ trang Liên khu 5 n’hanh tahen ƀon lan Kon Tum lĕ ƀư jêng lơh dơi Măng Bút ndrel đah lơh dơi Măng, Kon Braih lơh chai rgum mpông mât njrăng bah rlăng Pháp ta Bah lơ Tây Nguyên. Lah ntŭk nkual jru ngai, ntŭknkah êng, rlet rlău âk jêr jŏt, njê aƀaơ Măng Bút dôl nâp nâl hao ntrôl rŭch ach o, rluk mâl.

VOV4.M’nông - Nteh chĭng gông n’gŭr răn, njroh xoang hăr lăp ndrel đah bâr mprơ bah bri nor, ăp ndơ sa kah... lah ăp nău uĕh dô̆t jâng bu năch rnôk tât đah Dak Lak tâm rơh rlu 40/4 n’hanh 1/5 năm aư. Ăp nău ƀư văn hóa âk nău uĕh aơ nchih tay lôch uĕh bah nău nsrôih hun hao pâl nđaih hăn ndrel đah văn hóa nsum mpôl, jêng nău uĕh ta ăp nkual ƀon tơm Tây Nguyên.

VOV4.M’nông - Jao an ndrôm sam ƀŭt, ndơ̆ ndrôm sam ƀŭt tât ăp ƀon lan lah trong ƀư âk ntŭk kan ƀư văn hóa kơt ăp rmôt kan lŏng bôk tôr dôl ƀư ta Dak Lak gay kơl kon se ta nkual jru ngai dơi gĭt n’hanh răk ndrôm sam ƀŭt. Tă bah nĕ rgop rêng hvi nău uĕh răk tât ăp ƀon lan, ntop kơl an kon se uănh mĭn tay, ŭch nău răk ndrôm sam ƀŭt.

VOV4.M’nông - Bơi 6 năm ƀư tĭng bôk nău kan “Du xă du ndơ” kuăl lah bôk nău kan OCOP, ăp ndơ ntĭt mpơl êng nkual neh bah n’gor Dak Lak lĕ mbrơi mbrơi ndâk njêng dơi moh êng n’hanh geh ntŭk dâk ta ntŭk tăch. Âk ndơ OCOP tăch n’gluh jêng “đại sứ” djôt nău mbơh “Ndơ lŏ mir uĕh kah” bah dak Lak tât đah nuĭh dŏng lam ntŭr neh.

VOV4.M’nông - Tâm rơh tâm lơh tâm su mprơh Mỹ rŭn in, nkual neh Đăk Hà, n’gor Kon Tum lah ngoăy tâm âk ntŭk tâm lơh hô ngăn ta Tây Nguyên. Mât uĕh nău way ơm cách mạng, 49 năm tă rklaih đăp mpăn n’hanh 30 năm ndâk njêng nkuăl, Đăk Hà jêng ngoăy tâm âk nkuăl hun hao ta nkual Tây Nguyên.

VOV4.M'nông: Xã Ia Tôr, nkuăl Chư Prông, n’gor Gia Lai lah xã jêr ngăn, geh âk nŭih rnoi mpôl đê̆ gŭ rêh. Rơh rlau aơ, đảng uỷ, n’gâng kan ndrel ƀon lan tâm xã hŏ tâm rnglăp, ntrŭnh ƀư ueh nau kan ndâk njêng ƀon lan mhe, tă bah nê njêng geh nau rgâl tâm nau mĭn, njêng ntŭk nsing gay ƀon lan hun hao văng sa, n’hao nau rêh.