VOV.Xơ Đăng - Ing idrâp chêng koăng ki chuât pu hung pu hung tung dế kơphô̆ kong ngo Pleiku, kong pơlê Gia Lai, mâu vâi droh kơ’nhon xuăng rơmuăn lĕm, vó drôu hiăng tâ ki xú pơ-ou ƀă mâu túa rơkâu xối tiô khôi hmâ dêi mơngế Jarai hiăng tơmot dêi pó khâp chiâng môi um méa mơhno tối ‘na túa lĕm tro dêi Tây Nguyên ki kro mơdrŏng hên mơngiơk, hên túa tơlá. Tơdroăng “Chêng koăng mơ’nui măng tĭng-Châ hlo ngăn ƀă Hlê plĕng” ôh tá xê to pơtroh ăm pin mâu mơngiơk dêi leh mơdĭng ki hơniâp ro, lĕm tro mê ối chiâng tíu ki tơdjêp vâ khu tơmối châ lăm troh ngăn, ‘nâi nhên ƀă rơtế rak vế túa tôu chêng tôu koăng a Tây Nguyên.

VOV.Xơ Đăng - Kơxê hâi lơ 28/5, khu lăm séa ngăn kơ xô̆ 31 dêi Khu xiâm Kal kí xua pôa Nguyễn Văn Quảng, Kăn hnê ngăn Tíu xiâm Đảng, Kăn tơleăng xiâm Kuăn pơlê pơkuâ djâ hiăng pêi cheăng ƀă Khu kăn Đảng kong pơlê Lâm Đồng ‘na tơdroăng cheăng ka kí a kong pơlê.

VOV.Xơ Đăng -  Kăn xiâm hnê ngăn Kuô̆k hô̆i pơkâ thế Hô̆i đong Hdrông Kuăn ngo mơdêk ki rơkê hriăn plĕng, tối hdrối troăng hơlâ; tơniăn mơnhông ƀă tơdâng tơ’mô, rak khôi túa lĕm tro ƀă pro krá khu tơrŭm môi tuăn tâi tâng hdrông kuăn ngo.

VOV.Xơ Đăng - Tơdroăng ki ôh tá vâ kĭ tơkêa tơrŭm tê mơdró, ‘nhiê tah lôi tơrŭm cheăng dế pro tơ’nhiê lôi tŭm tơdroăng ki vâ rôe xo kế tơmeăm pêi lo ing chiâk deăng. Tuăn tơmiât ki pêi cheăng bu pơtân hâi kố hâi tá, ôh tá xê to pro pơloăng kân ăm khu mơdró, khu ngăn pêi cheăng tơrŭm, mê ối tah lôi ki tơ’lêi hlâu dêi kuăn pơlê pêi chiâk pêi deăng ahdrối vâ mot tung tơdroăng ki tê mơ’no kế tơmeăm ki ai hlá mơ-eá mơnhên ki păng ‘nâng, ing mê pơkal athế ai túa cheăng ki tơdrăng, tơtro, ƀă tơdrăng khât.

VOV.Xơ Đăng - Xĭng khăng tơkóu kơxêng rŏng, a kơnếo cho môi tung túa châi ‘na kơxêng kóu hên má môi nôkố, hmâ tro hên a mâu ngế ki hiăng chía hên hơnăm ƀă ngế ki hiăng hên krâ. Ai hên xiâm kối pro châi môi tiah: Xĭng khăng tơkóu kơxêng xua hơnăm hiăng hên, pêi cheăng hngăm, ‘nâi ôh tá tro túa, tro rong, ‘na tơdroăng cheăng ƀă hên ki ê. A Dak Lak, mâu ngế ki tro xĭng khăng tơkóu kơxêng rŏng, kơnếo xua pêi cheăng hngăm hlo chía hên xua kơpong pêt hên hdrê loăng ton hơnăm, kuăn pơlê hmâ pêi cheăng hngăm lơ tâng, ‘nân ôh tá tro. Tơdroăng châi kố chiâng tơdjâk kân troh ki tơniăn lĕm dêi rêh kâ ối, pêi cheăng, ai ngế ki ‘nâ kơxái hveăn chiâng hriâ, ah chiâng chó.

VOV.Xơ Đăng – Kơ’nâi môi hơnăm mơhnhôk túa pêi cheăng mâu kăn kong pơlê 2 râ, bêng Ea Kao, kong pơlê Dak Lak hiăng hlo hên ki pơ‘lêh ing ‘mâi hơ’lêh túa pro hlá mơ-éa, pơla rak tơniăn troh mơhnhôk kuăn pơlê veăng pro tơmeăm khoăng. Tơdroăng kuăn mơngế hlo nhên má môi cho mâu kăn achê kuăn pơlê tâ, hnê pêi tơdroăng cheăng rĕng tâ há, ƀă ‘nâi hbrâ rơnáu tung tơdroăng hnê pêi mâu tơdroăng sap ing pơlê cheăm.

VOV.Xơ Đăng - Ngoh Đinh Hdot, hdrông Bơhnéa ối a pơlê Đăk Pơkao, cheăm Tơ Tung, kong pơlê Gia Lai hiăng hên hơnăm hâk git vâ mơjiâng ƀă pơtối rak vế khu tôu chêng tôu koăng, rơngê ting ting. Ƀă i hiâm mơno trâu rơdâ ƀă dêi khôi túa, vêa vong hdrông kuăn ngo, ngoh hiăng veăng rak vế idrâp chêng, rơkong rơngê, ting ting ƀă pro lân lĕng rơdâ i hiâm mơno ki hâk tơngăm ‘na khôi túa, vêa vong hdrông Bơhnéa pơla tung tơdroăng rêh ối chal nếo nôkố.

VOV.Xơ Đăng

VOV.Xơ Đăng

VOV.Xơ Đăng

VOV.Xơ Đăng - Tơdroăng hơ’muăn dêi kuăn ngo Bơhnéa “Xiâm kối kôa hât” ôh ti xê to tối ‘na xiâm rêi dêi môi tơmeăm xúa ki hmâ ƀă ối pơ-eăng ki tơrŭm, hiâm mơno lĕm ƀă tơdroăng rêh ối tung pơlê dêi mơngế Bơhnéa a Tây Nguyên. Ing um méa kơnoh on a kuât, idrâp chêng koăng ƀă kôa pơtroh ăm dêi rơpó, tơdroăng hơ’muăn mơhno ƀai mơhriâm ‘na tuăn pâ dêi kuăn mơngế, ki tơdrăng khât ƀă ki lĕm tro tung rêh ối dêi mơngế Bơhnéa.

VOV.Xơ Đăng - Hơnăm ối nếo đi đo kal châ hơ-ui pâ, châ rak ngăn vâi ‘nĕng krâu khât. La tung tơdroăng rêh ối nôkố, hên mâu nôu pâ xua tơvâ hên tơdroăng cheăng, ai drêng ‘nâ piu hiât, mơdoh hên chôu pêi pro cheăng ki ê, iâ vâ tơmâng dêi kuăn ‘nĕng. Môi tơmeăm ki lĕm má môi ăm vâi hdrêng ôh tá xê hmân ếo nếo lơ kơƀăn kĕo, mê ối cho hmâ achê, tơpui ƀă vâi, hnê mơhno tơdroăng lĕm hlôi mơhnhôk tơdrăng, hnê tối tá tuăn tá mơno khât ing nôu pâ, nhŏng o tung pơlê pơla ƀă vâi kuăn ‘nĕng. Pro pơro a kơ’nâi kố, ngin ai tối ‘na tơdroăng mê.