VOV.Xơ Đăng - Mâu tơdroăng nếo ai tung tơnêi têa pin kô ai tơdroăng kal xiâm tiah kô: -Pôa Trần Thanh Mẫn, Kăn xiâm hnê ngăn Kuô̆k hô̆i hôp tơpui ƀă Kăn xiâm hnê ngăn Kuô̆k hô̆i tơnêi têa Kŏng hoa Bờ Biển Ngà. -Mơgêi hôp tiah hmâ rôh má môi, Kuô̆k hô̆i hneăng 16. -Pơkâ hdró tơdjuôm kơphô̆ Khánh Hòa troh hơnăm 2050, mâ ngăn pêi pro troh hơnăm 2075. -Pêi pro hên tơdroăng phiu ro troh Leh tơbleăng sầu riêng a Dak Lak.

VOV.Xơ Đăng - Hâi kố, lơ 24/8, Kuô̆k hô̆i kô mơgêi rôh Hôp ôh tá xê tiah hmâ rôh má môi, Kuô̆k hô̆i hneăng 16.

VOV.Xơ Đăng - Hdrối vâ mot hơnăm hriâm 2026 - 2027, Kơvâ ngăn Hnê hriâm ƀă Hnê mơjiâng tuăn ngoâ rơkê kong pơlê Lâm Đồng dế tơkŭm vâ pro klêi mâu kế tơmeăm xúa, hlá mơ-éa hriâm ƀă mâu thái cô ki hnê, malối cho mâu mâu cheăm ki kơtiê xơpá, vâ rak tơniăn ăm tơdroăng hnê ƀă hriâm sap ing apoăng hơnăm hriâm nếo.

VOV.Xơ Đăng –  Kơ koan xiâm xo hnoăng mơhá kong têa Sinuâ nếo vâ môi tuăn ăm tơ’nôm 140 mah kơpong pêt ƀă kĭ tơ’nôm 31 tíu tâ tung kơthung plâi sầu riêng ăm kong pơlê Dak Lak.

VOV.Xơ Đăng - Klêi kơ’nâi 8 rôh livestream tê tơmeăm a Leh tơbleăng Sầu riêng Dak Lak hơnăm 2026, ngế ki pêt sầu riêng hiăng tê châ lối 28 tâ̆n plâi, ƀă vâ chê 6.000 đơn kok roê, tâi tâng kơxô̆ liăn châ xo vâ chê 3 rơtal.

VOV.Xơ Đăng - Hlo tơdroăng ki pá ‘na pro hlá mơ-éa tơnêi tâk hên, tung pơla mê, mơngế pêi cheăng a râ cheăm ối iâ ngế, kong pơlê Gia Lai hiăng tăng troăng ki tơ’lêi cheăng ƀă kong ngê̆. Sap ing hồ sơ khât, tơdroăng chêh pro ƀă túa chêh ‘mot tung kơmăi, kăn ƀô̆ Tíu xiâm pơkuâ ngăn ‘na pro hlá mơ-éa ƀă Ƀơrô Chêh inâi ‘na tơnêi dêi kong pơlê Gia Lai hiăng rơtế  mơnhông, “hriâm tâp” xúa tuăn ngôa rơkê kuăn mơngế pro - AI tơnêi ing hên khế hdrối vâ chêh ‘mot xúa a 135 to cheăm, bêng. Tơdroăng pêi pro AI tơnêi krê dêi Gia Lai ăm hlo hbrâ rơnáu trâu rơdâ tâ tung mơdêk xúa khoa hok kŏng ngê̆ ƀă pơ’lêh kơxô̆, ing mê, pê klêi tơbrê mâu tơdroăng ki kal a pơlê cheăm.

VOV.Xơ Đăng - Dế nôkố, pákĭng mơnhông túa lĕm tro gok gâ tâ, mê kơchơ châ po rơdâ tâ, khu rơxông nếo mơngế Chăm a pơlê mĕn bro tơmeăm ƀă tơnêi hneăn Bình Đức, thôn Phan Hiệp, cheăm Bắc Bình, kong pơlê Lâm Đồng dế tŭm ƀă tơdroăng kal roh ton nah ƀă chal nếo nôkố ƀă kơpeăng kŏng ki hiăng hbo dêi mâu vâi krâ ngê̆ nhân ki rơkê hiăng hên hơnăm rơtế tơdjuôm ƀă mâu túa cheăng ki chat bro um méa dêi khu rơxông nếo chiâng tơmeăm ki lĕm mơnâ.

VOV.Xơ Đăng

VOV.Xơ Đăng

VOV.Xơ Đăng

VOV.Xơ Đăng - Tơdroăng xôi kiâ kuăn ngo Bơhnéa “Tăm Giông xo Apía To” cho tơdroăng hơ’muăn tối ‘na tơdroăng xo dêi rơpó ki hil tơviah pơla ngế rơtăm châ ‘nhông kân lĕm ƀă mơngế droh châ cho kuăn To. Tơdroăng hơ’muăn mê cho hnê ăm rêm ngế hlê ƀai hriâm ‘na tơdroăng vâ dêi rơpó ƀă hiâm mơno tơdrăng lĕm, têm rơpiât, khíu pâ, vâ mơjo dêi rơpó khât, hlối mơhno ki púi vâ dêi mơngế pêi cheăng ai môi tơdroăng rêh ối tơdâng tơ’mô, ôh tá ai ngế ki lâi ó rơdêi luâ tâ ngế ki lâi, tơdroăng lĕm tơdrăng đi đo kâi ƀlêi tơdroăng ki ‘mêi.

VOV.Xơ Đăng - A Việt Nam, rêm hơnăm, ai lối 100.000 ngế hlâ xua tro mâu pơreăng tơdjâk troh ôu hât. Ôh tá xê to ti mê, rêm pơ’leăng hât ki hrik ngôi gá mê xuân môi tiah môi pâ ‘na liăn ngân dêi rơpŏng hngêi, tro mơhrê tê kơtê ôh tá ai pơxúa. Ôu hât ton hâi, ton khế, ton hơnăm kô chiâng hmâ, chiâng chik, pá vâ kâi lôi. Hên ngế hiăng ‘nâi ôu hât kô pro ‘mêi ivá la xuân ối ôu, thăm nếo bú ôu tung rơpŏng hngêi, pro mơngế tung rơpŏng hngêi malối vâi hdrêng ối kŭn xuân tơdjâk ‘mêi xua ing ngôi hât. Lôi ôu hât ôh ti xê to gum rak vế ivá mê ối kơdĭng liăn ƀă kô pro ăm hyôh kong prâi lěm tâ ăm rơpŏng hngêi.