VOV4.Jarai – Tơlơi pơhing čơtlăm hrơi 2, lơ 14/01/2025 hmâo hơdôm mơta tơlơi pơhing phun tui anai. - Khua git gai Ping gah ơi Tô Lâm ngă bruă hăng bơni hơ-ơč Tê̆t ƀơi tơring čar Bắc Ninh - Khua dêh čar ơi Phạm Minh Chính tŭ jum Khua phun grup pơkra apui ayuh dêh čar Nga - Hơdôm boh dêh čar amăng dêh čar wơ̆t hăng amăng kual Dap Kơdư lăng ba hrơi Tê̆t kơ sang anŏ ƀun rin - Hră pơkôl pơdơi blah ƀơi Gaza dưi hơmâo amăng rơwang hrơi tơjuh anai - Dêh čar Iran hăng Nga gir ngă hrŏm sui thun laih anun amra pơtrut tơlơi gêh gal hrŏm

VOV4.Jarai-Tlam lơ 13/1, Khua dêh čar ơi Phạm Minh Chính hơmâo tŭ jum ơi Alexey Likhachev, Khua group anom bruă apui ayuh gas dêh čar Nga (Rosatom) hlăk rai čuă jơmư hăng mă bruă ƀơi Việt Nam.

VOV4.Jarai-Lơ̆m sa boh sang anŏ rin ƀơi Kon Tum dưi djru 600.000 prăk hăng sa boh sang anŏ giăm rin ƀun lĕ 300.000 prăk pioh ƀong têt Ất Tỵ. Abih tih rơnoh prăk djru tal anai 6 klai.

VOV4.Jarai-Hăng lu anŏ gêh găl, gơnam sĭ mơdrô boh troh mơ̆ng đang hmua tơring čar Dak Lak jai hrơi hơmâo pơsit laih anŏ hiam klă hăng anăn păn hmư̆ hing amăng anih sĭ mơdrô prong lơ̆m dêh čar hăng truh pơ jar kmar, thun hlâo prăk sĭ mơdrô pơhrui glăi truh 1,6 klai đolar Mi. Djop gưl anom bruă, sang bruă sĭ mơdrô hăng mơnuih ngă hmua amăng tơring čar ăt hlăk pơtrut kơtang lu hơdră pơđĭ tui rơnoh sĭ mơdrô, ba gơnam mơ̆ng đang hmua hrưn đĭ anăp nao pơ “Kual ia rơsĭ prong”.

VOV4.Jarai-Amăng rơnuk tơlơi pơhing ia rơgơi tơlơi kơhnâo pơđĭ kyar kơtang, hơdră mă bruă ba yua tơlơi pơhing, tơlơi ngui ngor mơak ƀu kơƀah dơ̆ng tah amăng tơlơi hơdip mơda rim hrơi ră anai; samơ̆ hơmâo tom anun lĕ tơlơi ƀu hơđong amăng tơlơi pơhing internet ăt ƀu ƀiă ôh. Tơlơi či hơmâo anun lĕ ngă kơ ƀing čơđai muai yua kơƀah tơlơi thâo hluh, tơlơi kơđiăng hŭi ba truh tơlơi hŭi rơhyưt kơ ƀing gơñu. Yua anun, kiăng hơmâo hơdră pơsir brơi kơ čơđai tŭ mă tơlơi pơhing ba yua măi telephon hăng internet djơ̆ lăp.

VOV4.Jarai-Jơlan hơdră tơhnal pơkă mơ̆ng dêh čar pơtrut bơwih ƀong huă mơnuih mơnam kual djuai ƀiă hăng čư̆ siăng iâu klah čun hơdră mrô 1719, dưi pok pơhai ƀơi Gia Lai tui hăng tơlơi git gai mơ̆ng jơlan hơdră mrô 29 mơ̆ng anom bruă ping gah tơring čar, hăng tơhnal pơkă phun lĕ pơsir hơdôm tơlơi či kiăng ječ ameč hloh amăng kual plơi pla mơnuih djuai ƀiă. Hơmâo tơlơi git gai, anăp ngă bruă mơ̆ng djop anom bruă ping gah, jơlan hơdră anai ƀu kơnong ba glăi tơlơi pơblih phrâo hiam klă đôč ôh, dŏ pơdah thâo tơlơi gơgrong ba yom mơ̆ng djop sang bruă, khul grup ping gah pơtrut pơblih phrâo hăng pơđĭ kyar.

VOV4.Jarai - Amăng thun 2024, tơring čar Dak Lăk hơmâo lăi pơthâo lu anih tuai hyu ngui amăng plơi pla ƀơi plơi prong Buôn Ma Thuột hăng lu boh tơring dơ̆ng, pơđĭ tui mrô plơi bơwih brơi tuai čuă ngui hơmâo kơnuk kơna tŭ yap lĕ 5 boh plơi. Ƀơi rim boh plơi pla, gong gai hăng mơnuih ƀôn sang glăk gir pơkra gơnam phara hơjăn djă gru plơi pla ƀơi hơdôm anih čuă ngui amăng tơring čar.

VOV4.Jarai

VOV4.Jarai

VOV4.Jarai

VOV4.Jarai - Tơlơi akhan đưm Đao ơi Tŭ gah djuai ania Bahnar akhan kơ pô sông kơtang djuai ania Bahnar. Ñu lăng ƀuh tơlơi djai brŭ păp drăp mơ̆ng plơi pla anun ñu pơsit pran pô hyu ĕp mơnuih rơgơi mơbruă gum hrŏm blah pơdjai ayăt, pran jua ñu hmâo ngă laih lŏn adai pơpư̆ pran jua, kơnang kơ hmâo đao yang brơi, ñu hmâo blah prai laih ayăt ba glăi tơlơi rơnuk rơnua kơ plơi pla.

VOV4.Jarai - Tơlơi hơdip rơnuk anai ba truh kơ ƀing ta lu tơlơi gal, biă ñu hơdôm bruă blơi sĭ gơnam tui jơlan internet. Kơnong kơ hmâo prăk, dô̆ pơ̆ sang ƀing ta dưi blơi mơn djop mơta gơnam. Khă hnun hai “tơlơi gal ăt bưp tơlơi ƀu gal mơn”, hmâo ƀu ƀiă mơnuih arăng plư mă tui bruă blơi gơnam online, ƀing ta khom kơđiăng. Biă ñu amăng tal rơnuč thun, giăm Tết, ƀing ngă soh hyu leč pơdar juăt yua tŭ kiăng gô̆ mă prăk.