VOV.Jarai- - Khua ping gah, Khua mir sir ơi Tô Lâm nao pơ Canberra, pơtrut tui tơlơi rô nao rai Việt Nam - Australia. - Khua mua ƀôn prong Hồ Chí Minh nao jôk Khua git gai pơ ala mơnuih ƀôn sang dêh čar Lao. - Dak Lăk pơplih mơ̆ng wai lăng mrô gơnam pơkra rai hơdai wai lăng anŏ yom nua gơnam mơ̆ng hmua. - Gia Lai rơkâo brơi kơ 182.000 čô čơđai mưn mă hơdrôm hră či hrăm. - Ba gru grua jing tơlơi pơtrut đĭ kyar, pơkra rai gơnam hăng bơwih bơwang hơmâo nua yom jing bruă hơmâo khua mua tơring čar Dak Lăk ba tơbiă amăng mông jơnum Khul git gai bruă đĭ kyar gru grua. Anai jing tơlơi hơmâo lăi nao amăng “Ră ruai kơ tơlơi pơhing glăk hơmâo” hrơi anai.

VOV.Jarai - Mơguah kơnôl 10/8, Khul khua mơ̆ng Kơnuk kơna Việt Nam yua Khua dêh čar ơi Lê Minh Hưng ba jơlan nao dưm guang bơnga, mơyut jôk rơgŏm ơi Saysomphone Phomvihane, Ding kơna Ding jum kơđi čar, Khua pơ ala mơnuih ƀôn sang dêh čar Lao, ƀơi Sang bruă khua anih jưh pơ ala dêh čar Lao ƀơi Việt Nam.

VOV.Jarai-Ping gah sang bruă Jơnum min mơnuih ƀôn sang tơring čar Gia Lai hơmâo ngă hră mơ-it đĭ kơ Khul apăn bruă phun ping gah tơring čar, kơ jơlan hơdră djru brơi soh hơdrôm hră hrăm kơ 182.000 čô čơđai sang hră kơnuk kơna djru ba, rơnoh prăk abih tih him lăng năng ai 42 klai prăk, mă prăk ngăn drăp kơnuk kơna tơring čar thun 2026.

VOV.Jarai - Tlam kơnôl 10/8, ƀơi sang bruă Kơnuk kơna, Kơ-iăng khua dêh čar ơi Hồ Quốc Dũng hơmâo ngă bruă hăng hơdôm Ding jum, anom bruă kơ bruă pơkra, blơi s, ba sĭ sâu riêng pơ tač rơngiao laih anun ngă tui Hră pơtrun 36 pơkă bruă hră pơ-ar amuñ ƀiă kơ mrô anih pla, mrô anih anung gơnam.

VOV.Jarai - Mơ̆ng akŏ thun 2026 truh kơ ră anai, Dak Lăk čih pioh hơmâo giăm 2.500 čô mơnuih duam đung drah ƀơi 102 boh să, phường, đĭ năng ai 10% pơhmu hăng tơđar thun hlâo. Lơ̆m anun mrô mơnuih ruă jai hrơi lu, lu mơnuih ăt ƀu răng kơđiăng, mơai ta pô, anun yơh lơ̆m nao pơ sang ia jrao lĕ ruă kơtang yơh. Hrŏm hăng tơnap yua ƀu hơmâo mơnuih mă bruă, măi mok ia jrao, wơ̆t hăng prăk pơgang klin amăng ƀon lan, anun jing ngă klin amuñ hơđuh kơtang hloh.

VOV.Jarai - Prăp rơmet kơ thun hrăm phrâo 2026-2027, hrŏm hăng bruă man pơgiong hĭ tañ, tơring čar Quảng Ngãi glăk pơƀut ruah čơđai hrăm, nai pơtô hăng gơnam yua či ba 4 boh sang hră kơnuk kơna čem rông pơƀut gưl sa hăng gưl dua ƀơi hơdôm boh să pơ guai dưi mă bruă djơ̆ bruă jao.

VOV.Jarai - Ba gru grua jing tơlơi gêh găl pơtrut đĭ kyar, pơjing rai gơnam hăng bơwih bơwang hơmâo anŏ yom hơmâo prăk kăk jing tơlơi hơmâo khua mua tơring čar Dak lăk ba tơbiă ƀơi mông jơnum lok 2 mơ̆ng Khul git gai bruă đĭ kyar gru grua tơring čar phrâo pơphun jơnum. Anai jing bruă kiăng ngă na nao mơtăm či pơtŏng glăi boh than hơmâo ngă tui hăng Hră pơtrun mrô 80 mơ̆ng Ding jum Kơđi čar kơ đĭ kyar gru grua Việt Nam ƀơi tơring čar.

VOV.Jarai

VOV.Jarai

VOV.Jarai

VOV.Jarai

VOV.Jarai