VOV4.Jarai – Tơlơi pơhing čơtlăm hrơi 3, lơ 11/06/2025 hmâo hơdôm mơta tơlơi pơhing phun tui anai. -Khua git gai Ping gah dêh čar ta ơi Tô Lâm tŭ jum Khua gơgrong bruă wai lăng grŭp Qualcomm đơ đam rŏng lŏn tơnah. -Khua dêh čar ta ơi Phạm Minh Chính bưp mơnuih Việt ƀơi dêh čar Prang. -Kơ-iăng Khua dêh čar ơi Nguyễn Hòa Bình mă bruă hăng tơring čar Dak Lak. -Kông ang tơring čar Gia Lai bơwih brơi “ană rông”, “ană lăng ba” hmâo tơlơi hơdip tơnap. -Dêh čar Việt Nam pơtŏng sit pơkôl pơgang ia rơsĭ ƀơi mông Jơnum Sang gum hơbit djop dêh čar. -Dêh čar Mi hăng Khač bơkơtuai dong bruă sĭ mơdrô ƀơi Luân Đôn.

VOV4.Jarai-Khua dêh čar ơi Phạm Minh Chính phrâo hơmâo kông điê̆n mơit kơ Khua ding jum hơdôm ding jum: Kông an, Man pơdong, Ngă hmua hăng Ayuh hyiăng, tuh tia pơkra gơnam hăng sĭ mơdrô; Khua Jơnum min mơnuih ƀôn sang djŏp tơring čar,ƀôn prong kơ bruă wai lăng, ngă hơđong nua gơnam pioh man pơdong anih anom sang dŏ.

VOV4.Jarai - Anăp nao Blan mă bruă yua kơ čơđai muai thun 2025, čơtlăm kơ 10/6, Kông ang tơring čar Gia Lai hmâo pơphun jơlan hơdră bưp ƀô̆ mơta 28 čô čơđai “ană rông”, “ană lăng ba” mơ̆ng khul ling tơhan.

VOV4.Jarai- Anai lĕ tơlơi pơgôp hiăp dưi hơmâo lu khua mua pơdah thâo amăng mông jơnum bơkơtuai nao rai online lơ 10/6 ƀơi Hà Nộ, hơmâo lu khua mua pơ ala mơ̆ng ding jum, anom bruă gơnong dlông, Khul sĭ mơdrô añăm pơtam boh čroh Việt Nam, ƀing mơnuih rơgơi kơhnâo gah bruă ngă hmua, sang bruă sĭ mơdrô hăng ƀing ngă hmua blôk prong pla boh durian ƀơi anih pơtruh nao rai či Cần Thơ, Dak Lak hăng Tiền Giang.

VOV4.Jarai-Ƀơi anăp kơ bruă hơđuh đĭ klin Covid-19, gơnong bruă ia jrao hơdôm boh tơring čar kual Dap kơdư glăk khut khăt pok pơhai hơdôm hơdră bruă kiăng pơgang klin Covid-19, amăng hrơi blan hơmâo lu mơnuih kiăng nao rai, hyu čuă ngui amăng bơyan pơdơi prong thun anai.

VOV4.Jarai - Hrăm hăng ngă tui gru hiam pran jua Wa Hồ, grŭp ping gah hmâo abih bang mơnuih ping gah lĕ djuai ania Thái ƀơi plơi Co Phung, să Hua La, plơi prong Sơn La, tơring čar Sơn La hmâo pơđĭ kyar lu hơdră bơwih ƀong ba glăi bôh tơhnal, djru pơdŏng plơi pla kual čư̆ siăng pơdrŏng asah, klă hiam, thâo rơgơi.

VOV4.Jarai-Ƀu djơ̆ kơnong lĕ rup hơngah amăng eng ao djuai ania buh amăng hơdôm hrơi ngui ngor, eng ao djuai ania kual Dap kơdư ră anai juăt ƀuh amăng hơdôm anih ngui buh eng ao, jing bơnal juăt mă yua kiăng kơ čoh eng ao pơplih tui ră anai ƀudah hơdôm blah eng ao yua rĭm hrơi. Mơng anun, eng ao djuai ania dưi yua phrâo, čoh mơñam pơplih kiăng kơ dưi mut hrŏm tơlơi hơdip phrâo.

VOV4.Jarai

VOV4.Jarai

VOV4.Jarai

VOV4.Jarai - Tơlơi akhan “Tơdăm K’Hăp” mơ̆ng djuai ania K’Ho ră ruai kơ tơdăm rơkeng amăng sang anŏ pơdrong. Truh prong ñu dŏ hơbia tơlŭi, dŏ pơ sang bơnai ñu hăng adai adih. Mah dŏ hơbia mơyang samơ̆ ñu ăt brơi ană bơnai ñu glăi čuă amĭ ama hăng plơi pla pơ yŭ mơn...Samơ̆ yua amĭ ama tơdăm K’Hăp ƀu hmư̆ tui ană tơdăm ñu pơtă, anun yơh gơñu ƀu thâo ƀuh dong tah ană ñu hăng drơi ană mơnuih hơmâo tơlang hơmâo asar...

VOV4.Jarai - Kiăng wai lăng ƀing čơđai huăi ia ƀlung, rơdêh jrŏm, apui akĕ hăng mă yua lu đơi măi telephôn amăng bơyan pơdơi prong, ƀrô lơ 1/6, khul hlăk ai să hơmâo gum hrŏm hăng hơdôm anom bruă pơphun pơtô pơblang tơl plơi pla, črâo brơi boh thâo pơhlôm rơnuk rơnua brơi ƀing čơđai, pơgôp ba glăi bơyan pơdơi prong mơ-ak, rơnuk rơnua hăng yôm phăn. Rơkâo kơ ơi pang, yă dôn hăng ƀing gơyut hmư̆ tơlơi ngă sen hăng anăn “Bơyan pơdơi prong rơnuk rơnua, ƀing čơđai yâo mơ-ak”.