VOV4.Bahnar

VOV4.Bahnar - Tơ̆ tơring sơlam Đắk Lắk, đei đak krong Ea Hleo, pơtruh mơ̆r đơ̆ng teh dơ̆k păng đak tơruih ăn tơdrong choh jang xa. Mĭnh năr ‘noh, đe kăn ƀô̆ sir đei tơmam tôch kăp gĭt tơ̆ âu, anih đei tơmam âu tôch lơ, hlôi đei kơlơ̆p lê̆ lơ̆m teh truh rơbâu sơnăm. ‘Nŏh jĭ Anih sir chă tơmam kră sơ̆ Thác Hai, 1 anih pơm ‘long khoan hăm tơmo đunh kơ âu đơ̆ng 4.000 sơnăm adrol sơ̆.

VOV4.Bahnar - Tơring kon kông păng groi kông kơ teh đak bơ̆n hơnơ̆ng jĭ tơring oei tơjră hăm lơ tơdrong nol găh đon tơchĕng ưh hơtŏ băl kơplăh drŏ kăn hăm drŏ nglo, tơdrong iŏk unh om hrôih, oei băl hơgăm, teh dong lơ̆m hnam tơnŏ păng ưh đei lơ jên, tơmam vă jang tŏk. Kơplăh ‘nŏh, Tơdrong jang 8 – "Pơm hơtŏ băl kơplăh drŏ kăn hăm drŏ nglo păng sek tơlang ‘lơ̆ng dôm tơdrong kăl hăm drŏ kăn păng đe hơioh" găh tơdrong jang tơm kơ teh đak atŏk tơiung mŭk drăm, tơpôl tơ̆ tơring kon kông păng groi kông đơ̆ng 2021-2030, tơƀôh hơdăh tơdrong gĭt kăl vă jang tŏk. Hăm dôm tơdrong đei yoa hlôi iŏk đei, tơdrong hơtŏk ‘lơ̆ng păng pơih xă tơring hlôi jing 1 tơdrong jang gĭt kăl vă pơm tơplih ‘lơ̆ng rim tơdrong.

VOV4.Bahnar - Dêh char Gia Lai vă tơmât dang 17.000 ti hlak jên vă hơmet pơ ‘lơ̆ng dơnâu, hơbong tơruih đak pơm lăp hăm tơdrong ‘mĕh vă atŏk tơiung tơdrong choh jang xa hăm kơmăy kơmŏk ‘nao păng pơjing tơring pơtăm tơmam xă ‘lơ̆ng.

VOV4.Bahnar - Hrei ‘nâu, jĭ jơ̆ng ti ƀơ̆r oei tơpŏh roi dêh tơ̆ 1,2 tơring lơ̆m dêh char Đắk Lắk. ‘Nâu jĭ tơdrong jĭ tơpŏh hơnơ̆ng đa đei tơ̆ đe hơioh, mă lơ ‘nŏh đe đa hơmet tơ̆ hnam, mă lei tơdăh ưh đei vei lăng trŏ trong, ƀât lăp jĭ ‘nâu pơm tơlĕch lơ tơdrong krê nhen jĭ pơ ‘ngeh lơ̆m ‘ngok, jĭ lơ̆m plei nuih, pơ ‘ngeh tơsŏh, ƀât lăp pơm ăn bơngai jĭ lôch hloi. Yoa thoi noh, đe mĕ ƀă athei kơchăng hăm dôm tơdrong krê đơ̆ng jĭ vă jăh chơ ba hơiŏh năm tơ̆ hnam pơgang, khăm hơmet tơtom, veh ver tơdrong răm kơnê̆ tê̆.

VOV4.Bahnar - Đơ̆ng rŏng mĭnh giĕng iung jang đơ̆ng rŏng proh hơmet, bơ̆ jang pơm hla bơar kơ rim tơring, phương lơ̆m dêh char Lâm Đồng hlôi iung jang ‘lơ̆ng, trŏ hăm hăm tơdrong pơ koel pơvih pơvăn ăn kon pơlei.

VOV4.Bahnar – Đe kơdră dêh char Đăk Lăk 'nao pơm jang hăm Anih jang Joh ayŏ, Tơplŏng kơdou păng Tơmang pơhiơ̆ gah minh ƀar tơdrong tơgŭm jang, pơgơ̆r vei lăng.

VOV4.Bahnar

VOV4.Bahnar

VOV4.Bahnar

VOV4.Bahnar - Lơ̆m tơdrong hơrih sa kră sơ̆ kơ bơngai Xdang, kiĕk đei lăng nhen lĕ xem bri gĭt kăl hlŏh păng yom hloh. Ưh khan lăp tơpăt jơhngơ̆m pran kơ cham char, kiĕk oei jing yang vei lăng năng tông groi teh. Tơdrong yom hăm sem bri brăh ou ‘moi kiơ̆ nơ̆r krao, "Ƀok kiĕk”.

VOV4.Bahnar - Mât lơ̆m pơyan ‘mi, pơmâu bri chăt tôch lơ, lơ̆m noh đei hloi pơmâu chrih, ưh gơ̆h xa, mưh buch pai xa sư pơm ăn bơngai xa soai hăk, ƀât lăp pơm tơlĕch tơdrong lôch răm hloi. Pơm tông “Mât lơ̆m pơyan ‘mi – Athei kơchăng hăm pơmâu hlĭch, xa lôch” jĭ nơ̆r tơtă ăn mih ma duch nă: Lê̆ kơ buch, lê̆ kơ pai xa dôm kơloăi pơmâu hlĭch chrih, ưh băt pơmâu kiơ.