VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: - 'Măng hop akŏm mă 10 Kuô̆k hô̆i jăl 15, hlôi pơtôch, hăm lơ luơ̆t, tơchơ̆t đei hơlen pơkăp tih hloh đơ̆ng sơ̆ truh dang ei. - Đăk Lăk akŏm kơjung hloh vă jang tơnăp tơdrong pôk rơih bơngai tang măt ăn Kuô̆k hô̆i jăl 16 păng bơngai jang tang măt Hô̆i đŏng kon pơlei dôm jăl jang ou kơnh. - Khánh Hòa tŏk bŏk oei akŏm jơhngơ̆m hơmet ming dôm jăl trong hơlih đơ̆ng rŏng kơ 'mi kial đak hơbông - Anih tơm jang tơbôl tơroi hăm kon pơlei Việt Nam dah lĕch jăk đơ̆ng tơring tơblah tơblŭng tơ̆ tơring sơlam Thái Lan păng Campuchia. - Lêh pơtơm tơdrong 'Meh jang kơdih 'măng mă 4 kơ Tơdrong jang vei Sơđơ̆ng rơngei ƀơ̆t tơbăt 30 sơnăm jang tơbôl Việt Nam - Mi.

VOV4.Bahnar - Bơ̆ jang kiơ̆ Tơdrong jang Quang Trung hăm jơhngơ̆m đon jang hrĕnh, hloh 1 giĕng âu ki, rim anih jang găh Quân khu 5 păng Anih tơm vei lăng Khŭl lĭnh hlôi păng tŏk bŏk hăt hot jang pơkeh dôm tơdrong jang man, pơm hơmet ming hnam oei tơgŭm kon pơlei tơring ‘mi kial đak lơ̆p kiơ̆ blep trong tơlĕch ăn.

VOV.Bahnar - Hăm trong tơlĕch ăn hrôih ba kon pơlei vih hơlơ̆k hơrih sa sơđơ̆ng hơdrol kơ Têt Nguyên đán, Quân đoàn 34 (Hơnih tơm Ƀô̆ đô̆i vei lăng sơlam teh đak) hlôi hrơ̆p mĭnh ‘măng tơlĕch jang ming man 100 pơbŭng hnam ăn rim ŭnh hnam ‘nao hiong hnam oei lơ̆m ‘măng ‘mi kial hơbut hơbông pơrăm kơtang tơ̆ Gia Lai păng Dak Lăk. “Iung jang Quang Trung” ming man hnam oei tơgŭm djru kon pơlei sơkơ̆t hơdăh jơhngơưm đon “Ƀô̆ đô̆i-kon pơlei nhen ka hăm đak” ƀô̆ đô̆i ling lang ƀôh kang bang kơl tơtom mưh kon pơlei vă.

VOV.Bahnar - Dôm đon tơchĕng rơgoh tôch kơ hơgei ăn anih jang cheh phe Việt Nam hlôi đei pôk pơ ư tơ̆ ‘Măng pơlong pơtôch păng Lêh pơjao tơmam hơpăh ‘Măng pơlong “Trong jang Tơplih ‘nao pơcheh hơgei pơm lăp hăm tơplih tŏ ‘mi kial ăn tơdrong jang cheh phe” pơgơ̆r ‘năr (10/12), tơ̆ Hnam trưng Đại học Tây Nguyên, dêh char Đắk Lắk.

VOV.Bahnar - ‘Măng ‘mi tih đak lơ̆p pơdui đunh âu ki pơm ăn lơ tơring tơ̆ dêh char Đắk Lắk, mă loi ‘noh jĭ dôm xăh phường păih Hơlĕch, pŭ hiong răm tôch kơ dêh hăm kơ hrĕng pơlei păng dôm jĭt rơbâu tŏ hnam kon pơlei đei đak lơ̆p. Truh dang ei, hơdai hăm tơdrong hơmet pơ ‘lơ̆ng hiong răm găh tơmam drăm ‘noh tơdrong jang vei lăng jơhngơ̆m pran, tang găn jĭ jăn kŭm đei akŏm bơ̆jang. Hơnăp jang âu đei Anih jang pơgang hăt hot tơlĕch jang hloi đơ̆ng rŏng kơ đak hrŏ, vei sơđơ̆ng jơhngơ̆m pran păng cham char ăn kon pơlei.

VOV.Bahnar - Lơ̆m tơdrong arih xa tơ̆ tơring kon kông kơ dêh char Đắk Lắk, kŭm hăm anih jang chinh trĭ tơ̆ tơring, khul bơngai đei kon pơlei lui yom đei hơnăp jang tôch gĭt kăl lơ̆m tơdrong hơmet kơjăp tơdrong tơguăt đĭ đăng hơdrĕch hơdrung, vei kơjăp tơdrong sơđơ̆ng păng tưk tơiung tơdrong jang mŭk drăm, tơpôl. Đe sư đei pơtih jĭ dôm bơngai đei kon pơlei “Gơnang yoa” vă vei kơjăp đon lui đơ̆ng kon pơlei, pơm gơng tơƀưh tôch kơjăp ăn anih chĕp kơ̆l đảng, khul kơdră tơring hăm kon pơlei tơ̆ tơring.

VOV.Bahnar - Tơ̆ pơlei tơm Pleiku, dêh char Gia Lai, rim pơlei pơla Jarai sơđơ̆ng 'lơ̆ng tŏk bŏk oei tơplih pran kơtang. Hơdah nhen pơlei Ơp, pơlei Ia Nueng, ưh hơdrô̆ akŏm tôm tơdrong joh ayŏ Tây Nguyên, mă oei jing anih ang hơdah lơ̆m tơdrong hơtŏk jang tơmang pơhiơ̆ tơpôl tơguăt hăm vei răk tơƀăk mong joh ayŏ kon kông, pơjing trong jang sơđơ̆ng 'lơ̆ng ăn kon pơlei.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - ‘Măng ‘mi tih đak lơ̆p âu ki tơ̆ tơring găh Pơbăh kơ tơring Tŏk bŏk păng Tây Nguyên hlôi pơm ăn lơ bơngai lôch răm, đak jroh hoch mŭk tơmam, pơm ăn lơ ŭnh hnam hiong pơgoh, hơioh hơrih hơdrô̆, ưh kơ đei bơngai oei hơdai, pơlei pơla hiong răm đĭ. Hăm tơdrong pơgơ̆r hăt hot đơ̆ng Đảng, Khŭl kơdră teh đak, tơdrong mơ̆t jang đơ̆ng khŭl lĭnh kơpal, Mặt trận Tổ quốc păng dôm khŭl grŭp, kŭm hăm kon pơlei lơ̆m teh đak hlôi tơtom tơgop, tơgŭm kon pơlei tơring đak lơ̆p jăh tơiung ming tơdrong hơrih sa.