VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: - Tổng Bí thư, Kơdră teh đak bơ̆n Tô Lâm pơma đam hăm Kơdră Jơnŭm Châu Âu păng Kơdră Hơnih jang Châu Âu. - Kuô̆k hô̆i pơma đam gah dôm trong jang vă hơnhăk teh đak jang hơtŏk hloh lơ̆m sơnăm truh ... - Đăk Lăk pơtơm tơdrong jang 30 năr hơmet 'lơ̆ng tơdrong jang sâu riêng VietGAP. - Kơdră Hơnih vei lăng kon pơlei dêh char Lâm Đồng pơma đam hăm hơdruh tơdăm, vă pơklaih tơnap tap lơ̆m tơdrong iung pơm jang, pơjing tơdrong jang tơ̆ tơring. - Tơdrong kơtơ̆ng ang kăl tơroi gah tơdrong Đăk Lăk chă trong jang vă iŏk yua tơnăp kơsô̆ pơkăp tơring pơtăm, pơm tơlĕch tơmam drăm tĕch ăn teh đak đe.

VOV.Bahnar - Hơnơ̆ng bơ̆ jang lơ̆m Hop akŏm mă 2, Quốc hội jăl 16, năr ‘nâu (23/10), dôm bơngai tang măt pơma nuh lơ̆m Grŭp găh 5 khôi luơ̆t păng tơdrong tơlĕch jang kiơ̆ tơdrong Tơchơ̆t kơsô̆ 206 Quốc hội jăl 15 găh trong jang gĭt kăl sek tơlang tơdrong pơmat tat, tơhlăk tăk vă chơng hơnhăk teh đak jang tŏk pran.

VOV.Bahnar - Rim Tơdrong jang tơm Teh đak hlôi jing kon jên tơmơ̆t jang kăl vă tơmơ̆t pơm trong nơăm, atok tơ iung choh jang sa, hơmet pơ ‘lơ̆ng tơdrong hơrih sa kơ kon pơlei oei tơ̆ tơring hơtăih yăih, tơring kon kông dêh char Lâm Đồng. Tơdrong tơlĕch jang rim Tơdrong jang hlôi tơgop pơm dă ƀiơ̆ pleh ploh dih băl kơtang tơdrong atŏk tơ iung kơ rim tơring, pơjing hơyak pran vă kon pơlei hơdrin yak hloh dơnh hin, roi năr roi tơ iung pơjing tơdrong hơrih sa sơđơ̆ng, dơ̆ng kơjăp.

VOV.Bahnar – ‘Năr 22/10, dêh char Đăk Lăk pơm lêh tơlĕch tơdrong jang 30 măng năr pơtho ki thuơ̆t pơtăm 'long sâu riêng kiơ̆ tơdrong hơgăt VietGAP, năm truh tơdrong hơmet pơ ‘lơ̆ng trong jang păng pơm lăp hăm nơ̆r athei roi đunh roi kơhret đơ̆ng anih răt iŏk tơmam tơ̆ teh đak đe.

VOV.Bahnar - Tơmơ̆t yua khoa hŏk, kơmăy kơmŏk păng tơplih kơsô̆ tŏk bŏk pơih ăn tơdrong hiôk hơtŏk ‘lơ̆ng khăm, hơmet jĭ tơ̆ Đắk Lắk. Đơ̆ng răih hơmet truh jang kiơ̆ kơmăy kơsô̆ lơ̆m khăm jĭ, dôm anih jang pơgang ƀrư̆ ƀrư̆ jang hăm kơmăy kơmŏk ‘nao bơ̆jang tơdrong joăt jang, tơgŭm kon pơlei gơh yua ki thuơ̆t hơgei kơtă hloi tơ̆ tơring. ‘Nâu kŭm jing trong năm hơdăh ‘lơ̆ng Tơdrong tơchơ̆t 57 đơ̆ng Anih tơm Chĭnh trĭ lơ̆m tơdrong jang pơgang.

VOV.Bahnar - Plt Đà Nẵng dang ei đei loi 50.000 ‘nu bơngai chŏh jang xa rơgei, lơ̆m nŏh, đei lơ bơngai jang xa rơgei jĭ bơngai Cơ Tu hlôi tơplĭh ming đon tơchĕng, trong choh jang xa, yak hlŏh pơmat tat, jang pơm pơdrŏng. Khul kơdră pơgơ̆r tơring vang tơgŭm tơđăh 'long, asong tŏk iŏk jên hăm jên kon tŏ sĕt, tơgŭm ăn kon pơlei pơih xă tơdrong jang xa, pơm hơtŏk tơdrong arih.

VOV.Bahnar - Festival Đak dơsĭ Khánh Hòa sơnăm 2027 tơchĕng hơdrol vă tơplih ‘nao trong pơgơ̆r, pơdui đunh prăt puăn pơyan, tơplih kơ akŏm lơ̆m 2,3 năr pơyan he nhen hơdrol ki.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - Lơ̆m rim unh hnam, tơdrong hiôk chơt ưh khan lăp đei đơ̆ng dôm tơdrong tih mă oei đei pơm hơtŏk hăm tơdrong bơngơ̆t truh, vang tơgŭm băl lơ̆m dôm tơdrong jang rim năr. Mă lei, tơ̆ yơ 'noh oei đei đon tơchĕng tơdrong lơ̆m hnam 'noh jĭ đơ̆ng bơngai drŏ kăn, oei drŏ nglo lăp kăl kơ bơngơ̆t tơdrong tih đĕch. Lei mưh klo kăn vang tơgŭm băl, unh hnam gô tơplih lơ liơ mưh bơngai hơkăn vang jang tơdrong jang tơpôl? Hơvơn kơ mih ma duch nă păng bôl buăl vang mơ̆ng pơm tông "Mĭnh jơhngâm vang pơjing hnam tơnŏ".