VOV.Jarai. Khua dêh čar ơi Lê Minh Hưng nao pel ĕp hơdôm ring bruă pơđoh đuăi ia hăng pơhlôm hlâo ia dăo ƀơi ƀôn prong Hồ Chí Minh. Khua git gai pơ ala mơnuih ƀôn sang dêh čar ơi Trần Thanh Mẫn tŭ jum Khua git gai Ping gah tơring čar Thiểm Tây, dêh čar Khač. Ding jum kông ang pok man pơdong sang dŏ mơnuih mơnam brơi tơhan kông ang ƀơi Gia Lai. Khua anom hơdră bruă, bruă yôm phun gơnong glông Nguyễn Thanh Nghị bưp mơnuih ƀôn sang ruah khua ƀơi tơring čar Dak Lak. Bơră ruai tơlơi pơhing glăk hơmâo ƀơi rơnuč tơlơi pơhing lăi pơthâo mơnuih ba gru ơi Lê Tùng Linh dŏ ƀơi să Trường Xuân, tơring čar Lâm Đồng sa amăng 96 mơnuih hơmâo pơpŭ jing mơnuih ngă hmua Việt Nam thâo rơgơi 40 thun pơplih phrâo.

VOV.Jarai - Tom brơi (kơnôl 13/10), ƀơi plơi prong Tây An, tơring čar Thiểm Tây, dêh čar Khač, Khua pơ ala mơnuih ƀôn sang dêh čar ơi Trần Thanh Mẫn tŭ jum ơi Triệu Nhất Đức, Ding kơna git gai ping gah, Khua ping gah tơring čar Thiểm Tây.

VOV.Jarai - Kơnôl 13/10, ƀơi phường Quy Nhơn, tơring čar Gia Lai, Ding jum kông an ngă yang lŏn man pơdong sang dŏ kơ tơhan kông an mơnuih ƀôn sang. Sang dŏ anai hơmâo man ƀơi kual lŏn prong năng ai 5.700 m2, yua Kông ti TNHH sa ding kơna Lŏn sang đang hmua Phú Tài ngă pô tuh pơ alin.

VOV.Jarai - Pơklaih brơi anŏ tơnap amăng bruă ba sĭ boh sâu riêng pơ tač rơngiao jing tơlơi akŏ phun hơmâo lăi nao amăng Jơlan hơdră “Kơphê mơnuih ngă bruă mơdrô” tal 7, yua tơring čar Dak Lăk pơphun. Hơdôm tơlơi pơgôp hiăp pơƀut kơ bruă wai lăng gru mrô anih pla, pơtruh nao rai ba sĭ gơnam laih anun tuh pơ alin blơi măi mok pơkra gơnam tam, đah mơ̆ng pơđĭ nua boh sâu riêng.

VOV.Jarai - Duam pơgrun jing tơlơi ruă ƀă hyu yua mač, kman Plasmodium ngă, ƀă mơ̆ng kač Anopheles. Mah duam pơgrun pơ tơring čar Dak Lăk hơdôm thun giăm anai hơmâo pơgang klă laih, samơ̆ amuñ ruă mơn ƀơi hơdôm boh plơi pla, biă ñu anih hơmâo mơnuih ƀôn sang juăt nao pơ glai rưng, đih pơ hmua, glăi mơ̆ng anih hơmâo klin duam pơgrun. Yua hnun, bruă pơgang hlâo tơlơi ruă, tañ thâo, pơjrao tañ ăt jing hơdră yom pơgang ba tơlơi suaih pral kơ mơnuih ƀôn sang, anăp nao pơđut hlao kman ngă duam pơgrun.

VOV.Jarai-Tơdơi kơ sa blan yak nao amăng thun hrăm phrâo, phun kyâo phrâo pla amăng lan sang hră đôm lăm kơnuk kơna čem rông dua gưl I hăng II-Ia Puch, tơring čar Gia Lai, čăt čơnuh mơda, hla phrâo mơtah laih. Bruă ngă pơtô hrăm pơ anai yak nao amăng tơlơi hơđong tơpă djơ̆ hnơ̆ng laih mơ̆n. Gơnam yua mă bruă, anih dŏ, anih hrăm ăt hlăk ngă pơgiong tui laih anun djop sang bruă mơ̆ng puih kơđông tơhan pơgang guai dêh čar ngă adơi ayong amăng tơring ieo gah sang hră, akŏ pơdong bruă mă-dăp hơdră pơtô hrăm djơ̆ găl, djru čơđai sang hră pơđĭ kyar hlom bom.

VOV.Jarai - Ƀơi Tơdron lăk Đông Kinh Nghĩa Thục ƀơi plơi prong Hà Nội, Ding jum gru grua, bơkjăp drơi jăn hăng tuai čuă ngui pơphun bruă mă “Rim čô mơnuih ruah mă aset biă ñu sa tơlơi hrăm bơkjăp drơi jăn lăp djơ̆ či pơtŏp rơguăt re se”.

VOV.Jarai

VOV.Jarai

VOV4.Jarai

VOV.Jarai

VOV.Jarai