VOV4.Bahnar - Tơdrong kơtơ̆ng ang 'năr âu đei dôm tơdrong kơtơ̆ng ang tơm tơ̆ hơla âu: -Tổng Bí thư Tô Lâm bơ̆jang hăm Anih dăr hơlen kơ Khŭl kơdră teh đak păng 1,2 anih jang ƀơm truh găh tơdrong hơmet pơ ‘lơ̆ng pơtôch dôm tơdrong tơkêng mơmat, đunh khei ‘năr âu ki. -Phŏ Thủ tướng Nguyễn Hòa Bình sơng Thủ tướng so teh đak Anh Tony Blair -Kon Tum đĭ sŭt hloh 1 puăt kơsô̆ hnam pơgia, hnam hiah hiok. -Nga păng Mi tŏk bŏk hơdrin tơiung ming tơdrong pơvei 2 pang. -Pơma đam pơdơh kơ tơblăh tơ̆ Gaza hơnơ̆ng pơgơ̆r tơ̆ Ai Cập.

VOV4.Bahnar - Đunh kơ ou ƀlep 50 sơnăm, lơ̆m ‘măng iung tơblăh Tây Nguyên gĭt kăl, năr 16/3/1975 dêh char Kon Tum đei rơngei. Kiơ̆ yok rok jơ̆ng joăt joe nuih mơng, pran kơtang lơ̆m chăl tơblăh vang, Đang ƀô̆, ƀô̆ đô̆i kŏng ang păng kon pơlei rim hơdrung dêh char Kon Tum hlôi atŏk tơ iung kơtang, iŏk đei tŏk mŭk drăm tĕnh koăng hloh tơring Tây Nguyên, pơjing dôm groi teh hĕch hoch kơ yuơ ƀôm ƀrơ̆m, ƀrơ̆m phao pơgang lơ̆m tơblăh vang pơm ăn jing dôm tơring pơlei ‘lơ̆ng rŏ hơbŏ nhen.

VOV4.Bahnar - Hăm lơ trong jang opăng gơnơm iŏk đei tơdrong tơgŭm tôch pơneh đơ̆ng tơpôl, truh đĭ giĕng ‘nâu dêh char Kon Tum sut đei hlŏh 1 puăt kơsô̆ hnam hiăh hiok bơih.

VOV4.Bahnar - Đơ̆ng rŏng 5 năr hăm 17 tơdrong jang păng tơdrong vang akŏm tôch hơiă đơ̆ng dôm tơring lơ̆m dêh char, Lêh cheh phe Buôn Ma Thuột ‘măng 9 sơnăm 2025 hlôi tôch ‘lơ̆ng hơiă, ‘măn đei lơ tơdrong ‘lơ̆ng hăm tơmoi păng tơpôl bơngai jang chĕh phe. ‘Nâu ưh lăp 1 tơdrong joh ayŏ ‘lơ̆ng hơiă đĕch mă oei jing tơdrong ‘lơ̆ng tih vă anih jang chĕh phe Việt Nam tơƀôh hơdăh anih dơ̆ng lơ̆m apŭng plenh teh.

VOV4.Bahnar - Pơplei đuh lơ̆m toh ‘nŏh jĭ 1 tơdrong jĭ kôch đuh lơ̆m toh. Tơdrong jĭ hơnơ̆ng kơ đei tơ̆ đe drŏ kăn oei ăn kon mŏm, ƀơm ưh ‘lơ̆ng truh jơhngâm pran, tơdăh jĭ ăl ƀât lăp pơm ăn tŏh ôm hloi. Yoa thoi noh, băt hrôih dôm tơdrong jĭ mưh vă đei jĭ pơplei đuh lơ̆m toh sư gơh tơgŭm ăn đe drŏ kăn, mă loi ‘nŏh hăm đe drŏ kăn oei rong kon hăm đak tŏh mĕ, đei đon kơchăng băt jĭ hrôih păng hơmet tơtom ‘lơ̆ng, găn lê̆ dôm tơdrong krê hơmơt.

VOV4.Bahnar - 50 sơnăm đơ̆ng rŏng kơ tơblăh iŏk rơngei, Tây Nguyên đĭ tơplih pha bơih. Kơmâu jơk ƀlĭk đơ̆ng tơring choh jang xa tơm, lơ tơdrong jang pơm trong, man dơnâu đak hlôi hơmet pơ ‘lơ̆ng dôm tơdrong răm đơ̆ng tơblăh sơ̆. Dôm kơđông linh tih đei tơdrong tơblăh tôch krưp krĕnh lơ̆m tơdrong tơblăh Tây Nguyên nhen Đức Lập tơ̆ găh Pơmât Pơbăh, Cheo Reo tơ̆ găh Tu, Phước An tơ̆ găh Hơlĕch păng Buôn Ma Thuột ƀât tŏk bŏk, roi đunh roi tơplih ‘nao ‘lơ̆ng rŏ, jing dôm tơring jang mŭk drăm jang tŏk pran hlŏh.

VOV4.Bahnar – Năr 14/3, Anih jang Joh ayŏ, Tơplŏng kơdou păng Tơmang pơhiơ̆ Gia Lai pơtơm tơdrong pơdah um rŭp tơmam drăm sơng kơ kuh 50 sơnăm Năr tơblah đei jơnei dêh char Gia Lai (16/3) păng 50 sơnăm Tơblah đei jơnei tơring Pơbah (30/4).

VOV4

VOV4.Bahnar

VOV4.Bahnar

VOV4.Bahnar - Tơdrong tơroi kră sơ̆ “Tơdrong tơroi găh chơ kơi Kbŏng” kơ hơdrung Bahnar tơroi găh bre hơdruh tơdăm tơhưch dih băl pă tơpleh veh pă ngiĕr, lơ̆m mĭnh ‘măng năm tơ̆ bri chă sir ƀum nheng, ƀum jur vă tơgŭm ăn ŭnh hnam yak hloh pơngot rơvet kơ yơ lơ sơnăm ưh kơ đei ‘mi jur, bia Phu răm hư̆ yang kơnê̆ rôp. Dăm Bri pŭn ai đei xem bri tơgŭm djru ‘noh Sôk, sơke păng Jơma păng jơhngơ̆m đon nuih mơng đơ̆ng kơdih hlôi dŏng hơrih bia Phu păng hlôi pơjing đei tu đak ro ‘lơ̆ng hơ iă. Thoong đak ro gơ grŭk pơjing đei chơkơi pêng tăk nhen dang ei. Tơdrong tơroi ou vă pơtho khan ăn tơdrong tơhưch dih băl ưh kơ gơ̆h hơleh lê̆ ƀlang tơlang lê̆ ƀiao, mă lei kăl pơvei dih băl mă kơjăp mă đơ̆ng tơƀơ̆p tơnap tap dang yơ ră mălei kĕ yak hloh.

VOV4.Bahnar - Khei 3 Tây Nguyên đei năng jĭ “pơyan ‘lơ̆ng hlŏh lơ̆m sơnăm”, hlôi mât lơ̆m tơdrong chih pơđơ̆k, ƀai hơri, rup čhơ̆. Khei 3 sơnăm ‘nâu, ưh lăp hưch hanh vă tơƀlŏk dơ̆ng 50 sơnăm Tơblăh jơnei Buôn Ma Thuột, kon pơlei dôm hơdrĕch hơdrung Tây Nguyên oei chơt hơiă pơgơ̆r Lêh Cheh phe Buôn Ma Thuột ‘măng mă 9 dơ̆ng. Bơngai Tây Nguyên ling lang hưch hanh hăm tơdrong jang kăch mang păng ƀôh čhôk ‘nă jĭ tơring pơtăm chĕh phe đei ư hơnhang jơ̆p apŭng plenh teh.