VOV.Bahnar - Tơdrong kơtơ̆ng ang đei dôm kơtơ̆ng ang kăl tơ̆ hơla ou: -Tổng Bí thư, Kơdră chĕp pơgơ̆r Teh đak Tô Lâm pơm tơm jơ bơ̆ jang hăm Đảng Uỷ Khul kơdră Teh đak găh iung jang tang găn hơlou tơplih tŏ ‘mi kial, atŏk kơtang vei lăng mŭk drăm groi teh păng vei lăng cham char. -Hloh 1 triu 200.000 ‘nu hŏk tro lơ̆m teh đak yak mơ̆t lơ̆m ‘Măng pơlong jăl pêng sơnăm 2026. -Gia Lai sơng iŏk 18 kơting ƀô̆ đô̆i, bơngai joăt jang Việt Nam lôch răm tơ̆ Campuchia chơ brŏk tơ̆ teh đak. -Mexico păng Mi atŏk kơtang pơma dơnuh găh tơdrong sơđơ̆ng tơring sơlam teh đak păng tơdrong kon pơlei mơ̆t oei. -Nhật Bản hăm Malaysia atŏk kơtang jang hơdoi ŭnh hơyuh.

VOV. Bahnar - Kơsơ̆ brei (10/06) tơ̆ Hơnih bơ̆ jang Trung ương Đảng, Tổng Bí thư, Kơdră chĕp pơgơ̆r Teh đak pơm tơm jơ bơ̆ jang hăm Đảng uỷ Khul kơdră Teh đak păng rim hơnih bơ̆ jang ƀơm truh găh hop akŏm pơtôch jang kiơ̆ Tơdrong tơchơ̆t 24 đơ̆ng Khul kơdră chĕp pơgơ̆r Trung ương Đảng jăl 11 găh iung jang tang găn hơlou tơplih tŏ ‘mi kial, atŏk kơtang vei lăng mŭk drăm groi teh păng vei lăng cham char.

VOV.Bahnar – Hơnih jang vei lăng kon pơlei dêh char Đăk Lăk 'nao pơtruh Hla bar kăp gĭt ăn Hô̆i đŏng kon pơlei dêh char, pơtruh nơ̆r gah tơdrong pơdui đunh khei năr iŏk yua tơchơ̆t tơgŭm ăn kang ƀô̆, bơngai jang đơ̆ng rŏng kơ hơgrop hơnih jang hanh chĭnh đơ̆ng 12 khei tŏk truh 24 khei.

VOV.Bahnar - Hơnih pơtrŭt choh jang sa kơ Teh đak, Anih jang Khoa hŏk Ki thuơ̆t Choh jang sa Bri ‘long Tây Nguyên kŭm hăm dôm anih jang ƀơm truh ‘nao pơgơ̆r tơƀôh muh măt tơdrong jang pơtho pơjao kơmăy kơmŏk choh pơtăm kơjăp. Tơ̆ hơnih pơm tơlĕch pơlong lăng, kơhrĕng ‘nu kon pơlei jang chŭn mir, kang ƀô̆ pơtrŭt choh jang sa păng bơngai joăt jang anih tơdrong jang choh jang sa đei ‘măng chă lăng tơdrong jang pơtăm sầu riêng păng cheh phe iŏk yua khoa hŏk ki thuơ̆t hơgei, pơm lăp hăm tơplih tŏ ‘mi kial păng ‘meh vă roi ‘năr roi lơ đơ̆ng anih tĕch mơdro tơ̆ teh đak đe.

VOV.Bahnar - Jĭ jăn đơ̆ng nge mă bơ̆n hơnơ̆ng kơ khan yoa đơ̆ng yang pơm đơ̆ng nge jĭ 1 lơ̆m dôm tơdrong ƀơm ưh ‘lơ̆ng truh tơ̆ jơhngâm pran, tơdrong ‘lơ̆ng mưh arih xa kơ dôm jĭt rơbâu ‘nu hơioh Việt Nam lơ̆m rim sơnăm. Kơplăh ‘nŏh, lơ tơdrong jĭ jăn đơ̆ng nge gơ̆h băt hrôih dăh mă tang găn đei yoa ‘lơ̆ng kiơ̆ đơ̆ng khăm nge lơ̆m khei ‘năr oei hơnăp păng khăm hơlen hơdrol kơ rơneh. Pơm hơtŏk đon hlôh vao ăn đe drŏ kăn oei hơnăp găh tơdrong ‘nâu ‘nŏh jĭ trong jang tôch gĭt kăl vă pơm ‘lơ̆ng ăn rim nge đei rơneh prang jăng ‘lơ̆ng ngăl.

VOV.Bahnar - Jĭ bơngai đei kon pơlei lui yom tơ̆ xăh Hàm Thuận Bắc, dêh char Lâm Đồng, ƀok Thông Long ưh lăp jing gơng tơƀưh ăn kơdră chĕp kơ̆l đảng, khul kơdră pơgơ̆r tơring hăm kon pơlei Chăm đĕch, mă oei jing bơngai đei ư hơnhang ang hơnhăk lơ̆m tơdrong hlôm kơ klel saranai. Ƀok Thông Long jing bơngai jang tôch tơnăp, vang tơgop pơjing tơring tơrang ‘nao păng vei kơjăp tơdrong juăt, jŏh ayŏ kơ dŏ xoang so kơ bơngai Chăm.

VOV.Bahnar - Tŏk bŏk bri kông Trường Sơn ‘lơ̆ng rŏ, hơnih dôm pơlei bơngai Pa Cô akŏm oei sa tơ̆ jih kông păng thong đak, oei đei chĕp vei 1 tơdrong lêh gĭt kăl. ‘Noh jĭ A Riêu Âr Pục, mĭnh tơdrong lêh kră sơ̆ ‘lơ̆ng hơiă đei pơtih nhen ‘măng sek tơlang pơ ‘lơ̆ng dôm tơdrong ưh tơhil, pơma ưh kơ lăp băl kơ bơngai Pa Cô đơ̆ng sơ̆ khơ̆ dang ei.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - Tơdrong pơgơ̆r pơdong ƀŭ mơmat, et sa đunh năr, chă tĕch mơdro kơdih, pơih brŏ re tôch kơ dêh tơ̆ 1,2 pơlei pơla tŏk bŏk pơm tơhiong 1 lơ̆m dôm kơjă kăp gĭt ‘lơ̆ng kơjă lơ̆m tơdrong joăt so păng pơm brăh brư, ƀơm ưh kơ ‘lơ̆ng truh tơdrong hơrih tơpôl. Pơm tông hơtuch giĕng năr ‘nâu đei hơnăn “Chĕp vei tơdrong ‘lơ̆ng – Chơ̆ng lê̆ tơdrong ưh hơiă” tơƀôh hơdăh tơdrong kăl hloh đơ̆ng tơdrong pơm kiơ̆ tơdrong hơrih ‘lơ̆ng hơiă lơ̆m tơdrong pơdong ƀŭ, vei tơdrong ‘lơ̆ng, ‘mơ ‘met păng hơtŏk dôm tơdrong ‘lơ̆ng hơiă joh ayŏ kơ pơlei pơla.