VOV.Bahnar - Tơdrong kơtơ̆ng ang kăl tơ̆ hơla ou: - Tổng Bí thư Tô Lâm tơƀơ̆p muh măt kơdră kơpal kang ƀô̆ kŏng ang rim jăl. - Thủ tướng Phạm Minh Chính pơm tơm ‘Măng hop akom Khul kơdră Teh đak hăm rim tơring khei 1/2026. - Đak Lăk hơdrin hơmet ăn pôk rơih kơdră tang măt Kuô̆k hô̆i păng Jơnŭm vei lăng kon pơlei rim kâp. - Kơdră chĕp pơgơ̆r Trung Quốc Tập Cận Bình pơma đam kơtă hăm Ƀok kơdră tơm Nga. -Mi hăm Iran rơih iŏk Oman pơm hơnih pơma đam vă pơm tơjur tơdrong tơblek dih băl.

VOV.Bahnar - Tơ̆ Hà Nội, Hnam hŏk Chinh trĭ quốc gia Hồ Chí Minh jang hơdoi hăm Kơsơ̆p hla ar Cộng sản, Anih tơchĕng hơlen khoa hŏk păng tơpôl Việt Nam, Khul chih tơblang kơ Trung ương pơgơ̆r Hop akŏm khoa hŏk teh đak “Dôm trong jang vă hơnhăk tơdrong Tơchơ̆t đơ̆ng Hop akŏm mă XIV kơ Đảng mât lơ̆m tơdrong arih xa”. Hop akŏm vă chih hơdăh trong jang, tơdrong vă jang păng lơ trong tơmât hơdai, ƀĕnh tơdrong trŏ ƀlep, vang tơgop hơnhăk tơdrong Tơchơ̆t đơ̆ng Hop akŏm mă 14 kơ Đảng mât lơ̆m tơdrong arih xa.

VOV.Bahnar - Tơdrong bơngơ̆t truh, vei lăng đơ̆ng Đảng păng Teh đak hơnơ̆ng păr ang truh rim pơlei pơla Tây Nguyên, tơgop tơgŭm tơdrong hơrih sa kon pơlei dôm hơdrĕch kon kông roi ‘năr roi tơplih ‘lơ̆ng, jơhngơ̆m sơng Têt roi hiôk, chơt hơiă hloh.

VOV.Bahnar - ‘Măng ‘mi tih đak lơ̆p ƀơ̆t hơtuch khei 11/2025 pơm hiong răm tôch lơ găh hơbong, dơnâu đak păng hơdrĕch ƀa kon pơlei tơ̆ dôm tơring găh Hơlĕch dêh char Đắk Lắk, pơm ăn pơyan ƀa phang 2025–2026 rei pơtăm hiơ̆ ƀiơ̆ 1 khei pơting hăm khei juăt rei pơtăm. Mă lei gơnang tơdrong vang jang tơtom đơ̆ng khul kơdră tơring kŭm hăm tơdrong adrin đơ̆ng anih jang sa, truh dang ei chŭn na ƀa đak hlôi đei choh hơmet ‘lơ̆ng, kon pơlei chơt hơiă rei pơtăm, păng hơmĕng kơ 1 pơyan choh jang đei sa lơ hlŏh dơ̆ng.

VOV.Bahnar - Tơ̆ hơnăp kơtơ̆ng ang găh yŏng jĭ Nipah đei ƀôh tơ̆ Ấn Độ, anih jang pơgang dêh char Khánh Hòa hlôi kơchăng tơlĕch jang dôm trong jang tang găn jĭ kiơ̆ rim tơdrong krê hơmơt. Đơ̆ng ‘măng jang sơlam apŭng plĕnh teh truh tơpôl păng anih hơmet jĭ, dôm trong jang đei tơlĕch jang hrơ̆ch hăm jơhngơ̆m đon ưh kơ pơm pơ hơi mă lei kŭm ưh kơ hli tăr văr, khŏm iung tang găn vă vei lăng jơhngơ̆m pran kon pơlei păng tơmoi tơmang lăng.

VOV.Bahnar - Đơ̆ng rŏng jơnei Hop akŏm Đảng ‘măng mă XIV, jơhngơ̆m đon tơplih ‘nao, hơpơi ‘meh plang pơyơ̆r tŏk bŏk đei hơtŏk pran lơ̆m khŭl druh dăm kon kông tơ̆ Lâm Đồng păng Đắk Lắk. Sơnăm mơlôh M’nông tŏk bŏk hơdrin chĕp vei tơdrong ‘lơ̆ng hơiă joh ayŏ, iung jang lơ̆m rim tơdrong jang pơjei băl tơ̆ tơring hai.

VOV.Bahnar – Lơ̆m tơdrong hơrih 'nao tŏk bŏk oei lang să truh jơ̆p pơlei pơla tơring hơtaih yaih, adoi oei đei dôm bơngai hăt hot vei răk tơdra chĭng chêng, vei tơdrong hơri brông Xơ Đăng hăm sơnong jang tơnăp. Tơ̆ thôn Đăk Giá 1, xah Dục Nông (Quảng Ngãi), jơva chĭng chêng, tơdra hơsuang păng dôm tơdrong hơri brông adoi oei đei pơtoi ăn lơ jơhnơr kon sou kơlih đe ngê̆ nhơ̆nt ơguăt đĭ jơhnơr hơrih hăm joh ayŏ juăt jue.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - Tơdrong čhôk hơiă cheh phe đei plei lơ, đei kơjă măk hơnhăk truh tơdrong chơt hơiă jơ̆p rim pơlei pơla Tây Nguyên ƀơ̆t Têt truh, pơyan puih mak vih. Mă đơ̆ng thoi noh ră, čhôk hơiă pơyan puih ưh kơ sĭ hơchăng lê̆ mir roh. Pơm tông hơtuch giĕng năr ‘nâu đei hơnăn “Đơ̆ng rŏng kơphĕ - athei vei lăng ‘lơ̆ng pơgar cheh phe”, tơtă kơ mih ma duch nă hơnơ̆ng vei lăng ‘long cheh phe đơ̆ng rŏng kơ phĕ, ‘nĕ pơhoach jên brăh brư, kăl kơ tơmơ̆t jên jang, choh pơtăm ƀlep ki thuơ̆t, vă cheh phe ling lang jing ‘long pơm pơdrŏng kơjăp.