VOV.Bahnar - Kơtơ̆ng ang năr ou đei dôm kơtơ̆ng ang kăl tơ̆ hơla ou: -Tổng Bí thư, Kơdră chĕp pơgơ̆r Teh đakk Tô Lâm năm tơmang teh đak Cộng hòa Phalăng. -Kơdră chĕp pơgơ̆r Kuô̆k hô̆i Trần Thanh Mẫn tơƀơ̆p pơma dơnuh hăm kon pơlei Việt Nam tơ̆ Mông Cổ. - ‘Mi tih lơ̆m dôm năr ou ki pơm ăn Đắk Lắk đak lơp mĭnh ƀar tơring, hơmơt kơtang đak lơ̆p lip kơtang lơ̆m dôm năr kơnh. -Khánh Hòa athei Hơnih vei lăng Hnam trương pơtho pơhrăm dăr lăng kơjăp pơtruh ăn hơnŭn sŏng sa, vă vei lăng rơgoh ‘lơ̆ng ăn hŏk tro sơnăm hŏk ‘nao.

VOV. Bahnar - Hơnih vei lăng kon pơlei dêh char Đắk Lắk athei rim tơring tơlĕch trong jang tang găn hơlou ‘mi tih lơ̆m dôm năr kơnh.

VOV.Bahnar - Mă sơnăm hŏk 'nao đei pơtơm vă jê̆ minh giĕng kơ ou bơih, mă lei oei đei lơ hŏk tro tơ̆ Đăk Lăk adoi tam mă đei tôm hla bar vă hŏk. Lơ hŏk tro athei yua atŭm hla bar hŏk hăm buăl dah mă gơnơm hăm hnam trưng hơmŏ ăn dơ̆ng. Tơdrong mă ou đei ƀôh tơ̆ lơ tơring, hơdah hloh noh tơ̆ dôm hnam trưng đei lơ hŏk tro kon kông, hŏk tro đei tơdrong hơrih tơnap tap.

VOV.Bahnar – Đơ̆ng rŏng 1 khei tơlĕch jang kiơ̆ “30 măng năr” chih tơmơ̆t lơ̆m kơmăi kơsô̆ tơring pơtơm, hơnih tah 'nŭng, Đăk Lăk hlôi chih tơmơ̆t lơ̆m kơmăi kơsô̆ đei pơhlom 60% teh pơkăp kơsô̆ pơtăm păng hơnih tah 'nŭng.

VOV.Bahnar - Kơ sơ̆ 'năr 8/9, tơ̆ Anih bơ̆jang kơ Khŭl kơ dră teh đak, Thủ tướng Lê Minh Hưng pơ gơ̆r jơ bơ̆ jang hăm Anih tơm vei lăng găh jang pơ gang păng rim anih tơm, anih jang ƀơm truh găh tơ drong jang Luơ̆t hơ met ming, tơ mơ̆t dơ̆ng mĭnh ƀar apăng đơ̆ng Luơ̆t khăm jĭ, hơ met jĭ, Luơ̆t pơ gang păng Luơ̆t vei sơ đơ̆ng rơ goh 'lơ̆ng tơmam sa.

VOV.Bahnar - Gơnơm đơ̆ng jên đei tŏk iŏk đơ̆ng Anih mong jên tơgŭm tơpôl, lơ drŏ kăn bơngai kon kông tơ̆ xăh groi kông Đông Giang, dêh char Lâm Đồng (găh apŭng Hàm Thuận Bắc, dêh char Bình Thuận so) pơ̆n tơlĕch jên jang xa. Lơ kơloăi ‘long pơtăm, kon tơrong đei yă măk hlôi đei lơ unh hnam kon kông pơtăm, vei rong tôch hơmĕng pơm hơtŏk đei iŏk yoa, tơgŭm ăn unh hnam tŏk klăih đơ̆ng tơnuh hin kơjăp ‘lơ̆ng.

VOV.Bahnar - Kơmăng 8/9, tơ̆ cham đă ƀŏng lŏng Quy Nhơn, phường Quy Nhơn, Pơlong đă ƀŏng lŏng tơplŏng kơdâu dêh char Gia Lai 'măng mă I sơnăm 2026 pơtơm pơgơ̆r.

VOV.Bahnar

VOV.Bahnar

VOV.Bahnar

VOV.Bahnar- Lơ̆m tơdrong tơroi kră sơ̆ Tây Nguyên, đei dôm tơdrong tơroi hơ iă găh tơdrong tơhưch, jơhngơ̆m đon nuih mơng păng hơpơi ‘meh vă tơ iung pơjing pơlei pơla. Tơdrong tơroi kră sơ̆ “Dăm Cơ Ho păng bia Nai Tơ Lúy” – tơroi găh bơngai tơdăm Cơ Ho pran jăng, gơh hơgei păng bia Nai Tơ Lúy ‘lơ̆ng klă klang rang kơ đak rak kơ hla pơma jĭ rơngơp. Yak hloh ưh kơbăt dôm yơ tơdrong mơmat tat hrat hrĭn, măr sư hlôi pơjing đei pơlei pơla ‘nao păng krao pơjing hơnăn hwodrĕch hơdrung kơdih ‘noh Cơ Ho.

VOV.Bahnar - Rim hnam trưng teh đak rong hlôi pơ̆ih ăn tơdrong hiôk hŏk pơhrăm tôch kơ ‘lơ̆ng hăm kon oh tơring sơlam. Mă đơ̆ng thoi noh, hăm dôm unh hnam đei kon ‘lơ̆p 'măng mă blŭng năm hŏk hơtăih kơ hnam, mĕ ƀă kŭm tơtăm bơngơ̆t kon hăm gơ̆h băt kơdih, hăm sơđơ̆ng păng mơ̆t oei hơdai ‘lơ̆ng ưh. Pơm tông “Hnam trưng teh đak rong: Ưh kơ đei tơdrong bơngơ̆t kiơ” vă lăng hnam trưng teh đak rong kơ xăh đĭ hŭt lê̆ dôm tơdrong bơngơ̆t ‘noh thoi yơ.