VOV.Bahnar

VOV.Bahnar - ‘Năr (28/5), Khŭl kơdră chĕp kơ̆l Anih jang Đảng dêh char Khánh Hòa pơgơ̆r hop akŏm tơbăt hơdăh dôm tơdrong tơchơ̆t găh tơdrong jang kang ƀô̆ vă hơmet tôm khŭl bơ̆jang, hơtŏk ‘lơ̆ng đei yua vei lăng, pơgơ̆r đơ̆ng dêh char truh tơring.

VOV.Bahnar – Hloh 5 sơnăm kơ ou, đe duch pơtho tơ̆ Hơnih Pơtho pơhrăm ăn bơngai hơven hơvo Pandur hăt hot hăm tơdrong jang kơ po, tơgop hơ-'nhăk tơdrong sô̆ hơ-iă ăn rim unh hnam đei kon hơ-ioh hơven hơvo jo jăn. Tơdrong kăp gĭt hloh noh đe duch pơtho tơ̆ ou, sơnăm oei mơlôh păng đe sư noh tơtă hơdrung bơngai Chăm.

VOV.Bahnar - Vă vei lăng bri, khul vei lăng bri dêh char Quảng Ngãi hlôi iung jang lơ trong jang: iŏk yoa flycam dăr lăng đơ̆ng rơvơ̆ng plenh, adoi pơgơ̆r rim khul năm pơtrui tơklep kơjăp hăm bri, tơklep kơjăp hăm tơring. Đơ̆ng teh truh tơ̆ rơvơ̆ng plĕnh, bơ̆ jang vei lăng tŏk bŏk đei tơlĕch jang ‘lơ̆ng, vă ƀôh hrôih tơdrong hơmơt ŭnh sa kơtang lơ̆m pơhang phang pơđang păng vei lăng jơk ƀlĭk ăn kơ hrĕng rơbou hektar bri.   

VOV.Bahnar - Jĭ kơting kơtĭt hoan ƀơ̆t kơ iĕng ‘noh jĭ 1 lơ̆m dôm tơdrong jĭ tơ̆ kơting đei ƀôh lơ hloh hrei ‘nâu, đa đei tơ̆ bơngai ‘lŏ păng bơngai kră. Đei lơ tơdrong tơm pơm ăn jĭ nhen: Bŭk kơting yua đơ̆ng sơnăm kră, jang trăp, ƀĭch, iung, tơ oei ưh kơ lăp, hơtŭt ƀơm.... Tơ̆ Đắk Lắk, bơngai jĭ kơting kơtĭt hoan ƀơ̆t kơ iĕng yua đơ̆ng jang trăp đei ƀôh lơ yua kơ mă kăl ‘noh jĭ tơring pơtăm ‘long đunh khei ‘năr, kon pơlei hơnơ̆ng jang trăp dăh mă ƀĭch, iung, tơ oei ưh kơ lăp. Jĭ pơm ăn ƀơm ưh kơ ‘lơ̆ng tih truh tơdrong hơrih sa, jang sa, bơngai jĭ dêh ‘noh gô hŏnh sĕch, jo.

VOV.Bahnar - Đơ̆ng rŏng 1 sơnăm bơ̆ jang kiơ̆ trong Khul kơdră pơgơ̆r tơring 2 tăl, phường Ea Kao, dêh char Đắk Lắk ƀôh đei lơ tơdrong tơplih ‘lơ̆ng đơ̆ng hơmet ming trong pơm hla ar, vei lăng sơđơ̆ng tơ̆ tơring truh tơdrong akŏm jơhngâm pran kon pơlei vă man anih jang, pơm trong. Tơdrong kon pơlei ƀôh hơiă hlŏh jĭ Khul kơdră pơgơ̆r tơring roi jê̆ kon pơlei, bơ̆ jang roi hrĕnh păng roi kơchăng mưh sek tơlang dôm tơdrong kơtă đơ̆ng tơring hloi.  

VOV.Bahnar – Lơ̆m tơdrong rơ-ông rơ-ang tơdra chĭng chêng tơ̆ tơring kơdrơ̆m kông Pleiku, Gia Lai, dôm tơdra hơsuang rơmuơn 'lơ̆ng, tơdrô ghe ƀăt 'lơ̆ng păng khôi juăt kơ bơngai Jarai hlôi hrou atŭm hăm um rup joh ayŏ Tây Nguyên akŏm ƀenh kơ um ai joh ayŏ. Tơdrong akŏm “Chĭng chêng hơtuch giĕng – xa dôm tơmam xa 'lơ̆ng păng hơlen băt” ưh hơdrô̆ pơtruh đak kơ-ang kăp gĭt mă oei jing gơng tơroh vă tơmoi chă hơlen băt păng atŭm vei răk tơƀăk mong joh ayŏ chĭng chêng Tây Nguyên.

VOV.Bahnar

VOV.Bahnar

VOV.Bahnar

VOV.Bahnar

VOV.Bahnar - Tŏk bŏk pơyan tŏ tôch kơ dêh tơ̆ Tây Nguyên, ‘năr tŏ pơdui đunh pơm ăn ‘long pơtăm jô hŏnh, đak roi ‘năr roi hrơ̆ đĭ, lơ kon pơlei oei răp gô lơ̆m “apĭnh đak ‘mi” nhen 1 đon lui joăt joe. Hơdai hăm ‘noh jĭ tơdrong sir iŏk đak luh lah, soh mir ưh kơ đei vei lăng păng tơ jur hơgăt teh bri tŏk bŏk pơm ăn tŏ phang pơđang sa roi dêh dơ̆ng. Pơm tông hơtuch giĕng năr ‘nâu tơroi kơ tơdrong ‘nâu păng trong jang kơchăng pơm lăp păng vei lăng tu đak, ‘long pơtăm mă kĕ yak hloh pơyan tŏ, păng tơdrong jang sa mă đei vei sơđơ̆ng kơjăp.