VOV.Bahnar – Kơtơ̆ng ang 'năr ou đei dôm kơtơ̆ng ang kăl tơ̆ hơla ou: - Tổng Bí thư Tô Lâm pơgơ̆r tơdrong hop akŏm Jơnŭm pơgơ̆r jang hơtŏk Khua hŏk kŏng ngê̆, tơplih 'nao gơh hơgei păng tơplih kơmăi kơsô̆. - Thủ tướng teh đak bơ̆n Phạm Minh Chính pơjao tơchơ̆t jang Viê̆n Han lâm Khua hŏk kŏng ngê̆ Việt Nam. - Hloh 6.700 đoan viên, hơdruh tơdăm dêh char Lâm Đồng tơgŭm pơvih ăn tơdrong jang pôk rơih. - Kơdră teh đak Ấn Độ, Iran pơma điê̆n thuăi gah tơdrong tơblah tơ̆ Trung Đông. - Indonesia păng Australia pơih să tơdrong jang hơdoi vei sơđơ̆ng tơpôl

VOV.Bahnar - Jang kiơ̆ tơdrong krao hơvơn vang roi tơbăt păng tơgŭm ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring, jăl jang đơ̆ng 2026 - 2031, Anih jang đoan dêh char Lâm Đồng tơlĕch lơ tơdrong jang tôch đei yoa, pơm hơtŏk hơnăp jang đơ̆ng druh dăm sơnăm mơlôh mưh chă roi tơbăt păng pơvih ăn pôk rơih.

VOV.Bahnar – Năr pôk rơih bơngai tang măt Kuô̆k hô̆i jăl 16 păng Hô̆i đơ̆ng kon pơlei dôm jăl jang sơnăm 2026-2031 tŏk bŏk jê̆ truh. Tơ̆ dêh char Đăk Lăk, tôm 102 xah, phương tŏk bŏk hăt hot keh đang tôm tơdrong jang hơmet, đơ̆ng hơnih truh tơdrong jang pơgơ̆r, vei sơđơ̆ng ăn năr akŏm kơ kon pơlei tah hla. Atŭm hăm noh, tơdrong tơroi tơbăt đei hơtŏk kơtang, hơvơn 2,42 triu bơngai tah hla tơnăp rơih dôm bơngai tang măt đei đon bơnôh 'lơ̆ng, gơh hơgei, tơgăl jang tang măt ăn tơdrong hơpơi đơ̆ng kon pơlei.

VOV.Bahnar – Hơnih jang vei lăng kon pơlei dêh char Gia Lai khei năr ou ki tơlĕch Tơchơ̆t asong tơplih pơkăp yua hloh 3,16 ha bri tơ̆ xah Ia Mơr vă pơm Thong hơbong đak klah kơ pơnơ̆ đak Ia Mơr.

VOV.Bahnar - Rim sơnăm, lơ̆m apŭng plĕnh teh đei dang 15 triệu ‘nu nge rơneh ưh kơ tôm khei. Tơ̆ Việt Nam, kơsô̆ nge rơneh ưh kơ tôm khei đei dang 10% akŏm đĭ đăng kơsô̆ bơngai rơneh păng tŏk bŏk đei ƀôh tŏk. Tơdrong rơneh ưh kơ tôm khei gô pơm ăn nge athei tơ jră hăm lơ tơdrong krê hơmơt găh jơhngơ̆m pran nhen ưh kơ ‘lơ̆ng tơ̆ trong dui jơhngơ̆m, pơchŭng, hiơ̆ kơ gơh nơnăm păng đon hlôh vao. Yua thoi noh, tơgŭm nge rơneh ưh kơ tôm khei tih vơ̆ pran jăng ling lang jing tơdrong tơm kŭm jing long nol tih đơ̆ng anih jang Pơgang.

VOV.Bahnar – Tơ̆ xah Đam Rông 4, dêh char Lâm Đồng, trong jang Khul tơgoăt tơgoăl drŏ kăn pơtăm ‘long pơmur rong sơdrông pơm brai tŏk bŏk jing hơyak trŏ lăp hloh lơ̆m tơplih ‘long pơtăm, pơjing đei trong jang sa ăn lơ drŏ kăn hơdrung K’ho. Đơ̆ng dôm hơgăt teh chehphe iŏk đei ưh kơ lơ, lơ ŭnh hnam hlôi tơplih pơtăm ‘long pơmur rong sơdrông pơm brai, roi năr roi pơm hơtŏk jang sa iŏk đei kơjăp păng hơmet pơ ‘lơ̆ng tơdrong hơrih sa. Đơ̆ng noh, pơjing đei tơgoăt dih băl kơjăp ƀar păh rim bơngai lơ̆m khul ‘moi kiơ̆ tơbăt dih băl trong jang sa hpơ iă, tơgŭm djru dih băl kih thuơ̆t păng tơmam drăm choh jang sa, adoi tơgop pơm tơplih jơhngơ̆m đon tơchĕng, trong jang sa, roi năr roi sut hŭt trong jang sa pă gan trŏ lăp sơ̆ ki.

VOV.Bahnar – Pơgê brei (10/3), Anih vei lăng kon pơlei dêh char Đắk Lắk pơm lêh hơpăh tơmam ăn tơdrong thi chih pơcheh Logo hơnăn tơmam kơ dêh char Đắk Lắk păng hơri hơxoang tơbăt 51 sơnăm Tơblăh jơnei Buôn Ma Thuột (10/3/1975 - 10/3/2026), hơiă kơ năr Pôk rơih bơngai tang măt Quốc hội jăl XVI păng bơngai tang măt ăn Jơnŭm pơgơ̆r kon pơlei jơ̆p tơring jăl jang đơ̆ng 2026-2031.

VOV.Bahnar

VOV.Bahnar

VOV.Bahnar

VOV4.Bahnar - Tơdrong tơroi “Bia Kial” kơ hơdrung Êđê ‘noh tơroi găh tơdrong lăng ba, tơdrong ‘mêm kơ eng dih băl, tơgŭm djru dih băl kơ rim bơngai lơ̆m ŭnh hnam rim ‘măng tơƀơ̆p tơdrong au to lơ̆m hơrih sa. Tơdrong tơroi au jei tơbăt hăm jơhngơ̆m đon hơpơi ‘meh vă lơ̆m tơdrong hơrih sa, tơdrong tơhưch, hơnŭk hơnoa mưh rơih đei hơkăn, klo, pơjing ŭnh om chom gŏ păng hơdrin yak hloh tơnap tap, tơdrong long kơ tơdrong hơrih sa vă tơchă đei tơdrong trŏ lăp lơ̆m ‘mêm kơ eng dih băl.

VOV.Bahnar - Tây Nguyên tŏk bŏk hơmet ăn yak mơ̆t lơ̆m pơyan tŏ. Tơ̆ hơnăp tơdra hơdrol gô đei krê hơmơt, tơdrong jang tang găn tŏ phang tŏk bŏk đei khŭl kơdră tơring păng kon pơlei hăt hot tơlĕch jang. Đơ̆ng tơdrong kôch hơmet hơbong thong đak, hơlen lăng dơnâu mong đak, truh krao hơvơn kon pơlei iŏk yua trong tơruih ‘mơ ‘met păng yua đak trŏ lăp... Kơchăng đơ̆ng hrôih, hơmet mă hơlen vă tơjur ƀiơ̆ hiong răm, vei lăng mir ƀa lơ̆m pơyan tŏ vă jê̆ truh ‘noh jĭ tơdrong pơm tông năr ‘nâu.