VOV.Êđê – Kdrêč klei mrâo knăm pă, hruê 12/2/2026, mâo dŭm mta snei: -Khua gĭt gai Đảng Tô Lâm nao čuă hơêč hmưi tết kơ bruă Đảng, bruă sang čư̆ êa čar Daklak. -Klei bi kƀĭn trông čhai tal 3 bi tŭ ư kơ 217 čô mnuih mơ̆ng dŭm anôk bruă gưl dlông djăp ênoh čuăn mgơ̆ng ruah phung bi ala bruă kƀĭn ala gưl XVI. -Lâm Đồng kruak ênoh phung mgơ̆ng ruah phung bi ala bruă kƀĭn ala, lehanăn Êpul gơ̆ng bruă ƀuôn sang wưng păn bruă 2026 – 2031. -Turki -–Grek bi êdah klei bi knăl jăk hlăm klei bi blŭ hrăm êlan êa ksĭ. -Mđĭ klei bi hgŭm alŭ wăl Việt Nam – China hyuă hlăm klei kjăp lehanăn tŭ dưn.

VOV.Êđê- Aguah 12/2, hlăm klei bi kƀĭn thơ̆ng tal êma, Êpul gơ̆ng bruă ƀuôn sang čar Dak Lak gưl X, wưng 2021-2026 ruah leh anăn K’iăng Khua Êpul gơ̆ng bruă ƀuôn sang čar Dak Lak gưl X, wưng 2021-2026 jing Phúc Bình Niê Kdăm.

VOV.Êđê- Ti sang dhar kreh mnuih mă bruă čar Quảng Ngãi, Êpul hgŭm phung mă bruă čar mkŏ mjing hdră “tết kkuh kŭm - yan mnga hdơr kơ Đảng” thŭn 2026 leh anăn anôk čhĭ mnia tết Công đoàn, kriê dlăng kơ phung đoàn viên, mnuih mă bruă ƀri wưng Tết Bính Ngọ. Ti sang dhar kreh mnuih mă bruă čar Quảng Ngãi, Êpul hgŭm phung mă bruă čar mkŏ mjing hdră “tết kkuh kŭm - yan mnga hdơr kơ Đảng” thŭn 2026 leh anăn anôk čhĭ mnia tết Công đoàn, kriê dlăng kơ phung đoàn viên, mnuih mă bruă ƀri wưng Tết Bính Ngọ.

VOV.Êđê - Knhal jih thŭn 2025, mnuih ƀuôn sang krĭng nah Ngŏ čar Dak Lak luč liê kjham snăk kyua angĭn êbŭ ngă. Êa lip angĭn êbŭ êgao leh, mnuih ƀuôn sang mphŭn lŏ mkŏ mjing klei hdĭp mda leh anăn kơrŭ wĭt bruă mkra mjing. Wăt tơdah phung pla mnga ăt dôk lu klei rŭng răng, ƀiădah knuh mnga lŏ mâo leh ti krĭng êa lip, ba klei čang hmăng hlăm thŭn bhang mrâo.

VOV.Êđê - Čiăng rơ̆ng kơ hdră ksiêm mkă dlăng, mdrao klei ruă tŭ dưn hlăm wưng êlâo, hlăm lehanăn êdei kơ Têt Bính Ngọ, anôk bruă mdrao mgŭn Dak Lak mkŏ dăp leh êpul knuă druh, mnuih mă bruă dôk gak răng mă bruă hruê Têt, mprăp ênŭm êa drao gŭn, mnơ̆ng yua hlăm bruă mdrao mgŭn. Mđrĭng hŏng anăn, dŭm sang êa drao prŏng ti alŭ wăl čar Dak Lak hlăk lehanăn dôk bi hgŭm hŏng dŭm anôk bruă ba anăp mtrŭt mjhar hdră myơr êrah đru dŏng hdĭp mnuih, tŭ mă dŭm êtuh mrô êrah doh, mprăp đru dŏng mdrao mnuih ruă hlăm wưng Têt Bính Ngọ.

VOV.Êđê- Dŭm hruê êgao, dŭm anôk mkra mjing, mnia blei mnơ̆ng dhơ̆ng lŏ hma ti čar Dak Lak dôk mđĭ hnơ̆ng mkra mjing, mlih mrâo rup mnơ̆ng dhơ̆ng, rơ̆ng mnơ̆ng dhơ̆ng duh kơ klei čiăng yua đĭ mơ̆ng mnuih ƀuôn sang. Boh nik ti krĭng nah Ngŏ čar, wăt tơdah hmăi kyua êa lip angĭn êbŭ ngă, lu anôk bruă, boh nik dŭm anôk bruă mnơ̆ng dhơ̆ng OCOP, pral kơrŭ wĭt bruă ngă kơ yan mnia blei lu snăk hlăm gưl Tết

VOV.Êđê - Aguah (11/2), ti Wăl knhuah gru hƀuê ênuk ala čar Sang yang Lạc Giao, ƀuôn hgŭm Ƀuôn Ama Thuôt, čar Dak Lak, Sang kriê pioh mnơ̆ng Dak Lak mkŏ mjing leh Hdră kkuh drông Yan mnga Bính Ngọ 2026, jak iêu lu mnuih ƀuôn sang lehanăn phung tuê nao hgŭm.

VOV

VOV.Êđê-

VOV

VOV.Êđê-

VOV.Êđê-