VOV.Êđê- Khua gĭt gai Đảng, Khua lăn čar Tô Lâm bi tuôm hŏng Khua knŭk kna Campuchia Hun Manet. - Khua knŭk kna Lê Minh Hưng bi trông hŏng Khua knŭk kna Timor-Leste. - Dak Lak akâo bi leh ênŭm klei bhiăn kơ bruă knŭk kna alŭ wăl dua gưl - Russia mñă mtrŭt mđĭ klei bi mjĕ kluôm dhuôm hŏng ASEAN - Dŭm ala čar Dưr Ơrôp – Baltic sa ai hŏng Ukraine mŭt hlăm NATO

VOV.Êđê- Tlam mbruê (10/06) ti Anôk bruă Đảng gưl dlông, Khua gĭt gai Đảng, Khua lăn čar Tô Lâm gĭt gai leh mmông mă bruă hŏng bruă Đảng Knŭk kna lehanăn dŭm anôk bruă djŏ tuôm kơ bruă ksiêm wĭt Hdră mtrŭn mrô 24 mơ̆ng Anôk dlăng bruă Đảng gưl dlông tal 11 kơ hdră mdrơ̆ng hŏng klei bi mlih yan adiê, mđĭ hdră kriê dlăng ngăn dŏ čŏng mâo lehanăn răng mgang wăl hdĭp mda.

VOV.Êđê- Bruă sang čư̆ êa čar Dak Lak mrâo mâo klei hưn mdah hŏng Êpul gơ̆ng bruă ƀuôn sang čar, akâo bi kdung mmông yua hdră êlan đru kơ knuă druh, phung mă bruă Knŭk kna leh mkŏ dăp mơ̆ng 12 mlan jing 24 mlan.

VOV.Êđê- Anôk bruă mtrŭt mjhar ala čar, Anôk bruă kreh knhâo hdră mnêč bruă dliê kmrơ̆ng Lăn Dap Kngư hŏng dŭm anôk bruă djŏ tuôm mrâo mkŏ mjing gru hmô ba jao hdră bruă pla mjing kjăp. Ti krĭng mkra mjing, dŭm êtuh čô mnuih ƀuôn sang, knuă druh mtrŭt mjhar bruă lŏ hma leh anăn phung thơ̆ng kơ bruă lŏ hma mâo gưl hiu čhưn dlăng gru hmô pla mjing durian leh anăn kphê ba yua klei kreh knhâo hdră mnêč, mdrơ̆ng hŏng klei bi mlih yan adiê leh anăn klei čuăn ƀrư̆ hruê ƀrư̆ đĭ mơ̆ng anôk ba čhĭ kơ ala tač êngao.

VOV.Êđê- Klei amâo jăk asei mlei ti phung hđeh mơ̆ng tian amĭ hlăk jing sa hlăm dŭm mta phŭn hmăi truh kơ klei suaih pral, hnơ̆ng tŭ jăk klei hdĭp mơ̆ng dŭm êbâo čô hđeh Việt Nam grăp thŭn. Hlăk êjai anăn, lu klei amâo jăk anei dưi pral hmao ƀuh amâo dah gang mkhư̆ tŭ dưn hluê hdră ksiêm mkă dlăng grăp gưl lehanăn ksiêm dlăng êlâo kơ kkiêng. Mđĭ klei thâo săng mơ̆ng phung mniê kơ klei anei hlăk jing hdră msir yuôm bhăn kñăm răng mgang lehanăn đru phung mniê dưi kkiêng hŏng klei suaih pral.

VOV.Êđê- Jing pô mâo kơhưm ti să Hàm Thuận Bắc, čar Lâm Đồng, khua mduôn Thông Long amâo djŏ knŏng jing klei mkŏ plah wah bruă Đảng, bruă sang čư̆ êa hŏng mnuih ƀuôn sang Chăm ôh, ƀiădah lŏ hing ang jing sa čô nai hlăm bruă ayŭ ki saranai. Ñu jing leh pô kmeh gơ̆ng đru mkŏ mjing krĭng ƀuôn sang mrâo leh anăn kriê pioh knhuah dhar kreh Chăm.

VOV.Êđê- Ti krah čư̆ čhiăng Trường Sơn krưh kơăm, anôk dŭm ƀuôn êlan mnuih Pa Cô hdĭp ti djuê hnoh êa leh anăn ping čư̆, ăt dôk mâo sa knăm mơak knhuah gru mơ̆ng hdră bhiăn leh anăn ai tiê yang ƀuôn. Anăn jing knăm mơak A Riêu Âr Pục, sa hdră bhiăn dưi bi hmô msĕ si anôk phat mkra bi mgrăng dŭm klei amâo thâo bi djŏ mơ̆ng mnuih Pa Cô mơ̆ng đưm đă leh.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-