VOV.Êđê-

VOV.Êđê- Hlăm "Hdră bruă 500 hruê mlam", Êpul K51, Knơ̆ng gĭt gai lĭng kahan čar Dak Lak bi hgŭm hŏng dŭm êpul bruă djŏ tuôm hlăm ala čar leh anăn ala čar Campuchia, mkŏ mjing klei tui duah, bi kƀĭn mâo 36 klang lĭng kahan djiê êngiă.

VOV.Êđê- Ti Sang bruă kƀĭn ala, Dhar bruă gĭt gai bruă kƀĭn ala mrâo mkŏ mjing Klei bi kƀĭn phung bi ala bruă kƀĭn ala ngă bruă truăn tal Sa, gưl XVI, bi trông, brei klei blŭ kơ 17 hdră bhiăn yuôm bhăn mĭn tĭng ba mdah kơ bruă kƀĭn ala ti Klei bi kƀĭn tal dua. Klei blŭ gĭt gai mơ̆ng Khua bruă kƀĭn ala Trần Thanh Mẫn mñă klă jing: Bruă kƀĭn ala ngă hdră bhiăn čiăng mgaih msir boh klei mơ̆ng boh sĭt, răng mgang klei dưi lehanăn klei tŭ dưn djŏ hdră bhiăn mơ̆ng mnuih ƀuôn sang, ruh mtlaih klei gun kpăk, bi hluh ai dưi, pŏk êlan kơ klei đĭ kyar.

VOV.Êđê- Hdră mtrŭn 36 mơ̆ng knŭk kna kơ klei bi hrŏ klei ngă hră mơar hŏng mrô krĭng pla mjing, mrô anôk đŭng hruh dôk mtrŭt mđĭ Gia Lai mkŏ wĭt bruă kriê dlăng krĭng pla mjing. Leh 55 hruê hluê ngă, čar mkăp mrâo 43 mrô krĭng pla mjing, mđĭ ênoh kluôm truh 424 mrô. Hdră mtrŭn dôk mâo klei hmăi jăk kơ bruă pla mjing ti alŭ wăl hlăk ƀĭng ngă lŏ hma mphŭn mđing čih pioh hdră kriê dlăng đang pla mjing, anôk bruă duh mkra tĭng mkă pŏk mlar krĭng pla mjing, bi dŭm alŭ wăl ksiêm dlăng klei čih pioh leh anăn ktrâo lač kơ mnuih pla mjing.

VOV.Êđê- Ti Dak Lak mrâo mkŏ mjing Klei bi kƀĭn mđĭ hdră gang mkhư̆, mdrơ̆ng hŏng klei ruă asâo miêo Khŏ kĕ, kñăm ksiêm dlăng boh klei leh anăn mtrŭt mđĭ pŏk ngă Hdră ala čar kñăm gang mkhư̆, mdrơ̆ng hŏng klei ruă Khŏ wưng thŭn 2022-2030. Klei bi kƀĭn jing hdră mđing truh kơ Hruê tar rŏng lăn gang mkhư̆, mdrơ̆ng hŏng klei ruă Khŏ thŭn 2026, mâo Phŭn bruă lŏ hma leh anăn wăl hdĭp mda bi hgŭm hŏng Anôk bruă ksiêm dlăng klei ruă tưp Lăn Dap Kngư leh anăn Knơ̆ng bruă mdrao mgŭn čar Dak Lak mkŏ mjing.

VOV.Êđê- Leh bi mŭt mbĭt bruă sang čư̆ êa, 103 să mơ̆ng Lâm Đồng dưi ksiêm dlăng hluê si Hdră kčah krĭng ƀuôn sang mrâo wưng thŭn 2026-2030, ƀiădah ka mâo ôh să djăp hnơ̆ng čuăn; lu hĭn knŏng mâo 28 să djăp 4/10 hnơ̆ng čuăn. Hlăm ktuê êlan mrâo, khua mduôn, mnuih mâo kơhưm lŏ jing dŭm "kdrông mkŏ" yuôm bhăn, mjing klei sa ai leh anăn atăt ba mnuih ƀuôn sang bi mlih klei mĭn, hdră ngă.

VOV.Êđê- Knơ̆ng bruă dhar kreh, mjuăt ktang asei mlei leh anăn hiu čhưn ênguê čar Dak Lak mrâo bi hgŭm hŏng sang hră knŭk kna čiêm rông hđeh mnuih djuê ƀiă Đinh Núp, să Phú Mỡ mjưh ruê̆ adŭ mtô bi hriăm hdră tông hgơr dua, čing tlâo, čing năm ti sang hră thŭn 2026. Anei jing hdră jăk siam, leh anăn jing knhuah gru dhar kreh mdê hjăn mơ̆ng mnuih ƀuôn sang dua djuê ana Bahnar leh anăn Čam H'roi.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-