VOV.Êđê- Kdrêč klei mrâo hruê 23.10.2026 mâo dŭm mta snei: -Khua gĭt gai Đảng, Khua lăn čar Tô Lâm bi trông hŏng Khua Êpul hgŭm Ơrôp leh anăn Khua Knơ̆ng bruă Ơrôp. -Anôk bruă kƀĭn ala bi trông kơ dŭm hdră msir čiăng ba lăn čar đĭ kyar êdah kdlưn hlăm thŭn ti anăp. -Dak Lak mtrŭt mjhar hdră 30 hruê čuăl mkă pla mjing boh durian VietGAP. -Klei yăl dliê klei mrâo: Dŭm čar hlăm krĭng Lăn Dap Kngư pŏk ngă dŭm bruă ngă klă sĭt hlăm mlan kơ mnuih ƀun.

VOV.Êđê- Hruê 22/10, čar Dak Lak mkŏ mjing knăm pŏk ngă hdră bruă 30 hruê mlam mtô bi hriăm hdră pla mjing ana boh durian hluê hnơ̆ng čuăn VietGAP, mđing truh kơ klei bi mklă hdră pla mjing leh anăn mkăp djŏ hŏng klei čiăng ƀrư̆ hruê ƀrư̆ lu mơ̆ng anôk ba čhĭ kơ ala tač êngao.

VOV.Êđê- Dŭm hdră ala čar kñăm jing leh boh kdrŭt yuôm bhăn čiăng duh bi liê kơ anôk bruă nah gŭ, mđĭ kyar bruă duh mkra, mkra mđĭ klei hdĭp mnuih ƀuôn sang ti krĭng taih kbưi, krĭng mnuih djuê ƀiă čar Lâm Đồng. Bruă pŏk ngă dŭm hdră bruă đru mguôp bi hrŏ klei kpleh mđĭ kyar plah wah dŭm krĭng kwar, mjing boh kdrŭt čiăng kơ mnuih ƀuôn sang kpưn đĭ tlaih kơ ƀun, ƀrư̆ ƀrư̆ mkŏ mjing klei hdĭp hơĭt kjăp.

VOV.Êđê- Hluê ngă Hdră mtrŭn mrô 36/2026 mơ̆ng Knŭk kna kơ klei bi hrŏ klei ngă hră mơar hŏng mrô krĭng pla mjing, mrô anôk đŭng hruh, lu krĭng pla mjing kruê̆ hruê̆ ti Lâm Đồng dôk mđing ktang hĭn kơ klei bi mklă hdră ngă bruă, ksiêm dlăng hnơ̆ng tŭ jăk leh anăn tui duah phŭn agha. Dŭm klei bi mlih mơ̆ng phŭn hlŏng kơ êdŭk hlăk mjing tur knơ̆ng čiăng kơ mnơ̆ng dhơ̆ng dưi nao truh kơ dŭm anôk mnia mblei mâo klei čiăng lu.

VOV.Êđê-

VOV.Êđê- Ti Gia Lai, bruă pla mjing kphê hơĭt kjăp dôk mphŭn mơ̆ng dŭm klei bi mlih hlăm grăp đang war, hŏng klei nao hgŭm mơ̆ng ƀĭng ngă lŏ hma, êpul hgŭm bruă leh anăn anôk bruă duh mkra. Mơ̆ng bruă pla mjing jăk hŏng wăl hdĭp mda, mkŏ mjing krĭng pla mjing truh kơ ba yua kdrăp mrô tui duah phŭn agha, dŭm tĭng dôk ƀrư̆ ƀrư̆ mkŏ mjing hdră bi hgŭm bruă pla mjing mâo klei đua klam. Anei amâo djŏ knŏng jing hdră mđĭ hnơ̆ng tŭ jăk, ênoh boh kphê ƀiădah lŏ mjing tur knơ̆ng čiăng kơ mnuih ƀuôn sang krơ̆ng kjăp hdră duh ƀơ̆ng sui thŭn, mđing truh mkŏ mjing krĭng ƀuôn sang mrâo mrang kreh dhar.

VOV.Êđê- Rcom H'Kliơng (djuê ana Jarai) ti ƀuôn Rưng Ma Nin, să Ia Rbol, čar Gia Lai mâo 9 čô anak dưi hriăm leh anăn tŭ jing. Ñu mrâo mâo Êpul hgŭm mtrŭt mđĭ klei hriăm hră mơar Việt Nam mđup brei hră pah mni kyua mâo boh tŭ êdah kdlưn hlăm hdră mkŏ mjing gru hmô hriăm hră mơar jih klei hdĭp. Tŭ mă klei mơak anăn, gŏ sang mkŏ mjing leh klei huă mnăm hơ̆k mơak, bi êdah klei lač jăk mơ̆ng amĭ ama; đru mguôp bi lar ai tiê hriăm hră mơar ti alŭ wăl.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-