VOV.Êđê- Khua Bruă Kbĭn ala Campuchia hriê ti Hà Nội, kčưm gưl hriê čhưn klă klơ̆ng ti Việt Nam. -Khua gĭt gai Đảng, Khua Lăn čar Tô Lâm mă bruă hŏng Êpul khua bruă Đảng êpul ksiêm duah mơ̆ng Knŭk kna. -Lâm Đồng mtrŭt mđĭ klei brei čan duh bi liê bruă Knŭk kna. -Klei yăl Klei mrâo hruê anei, hmei hưn kơ gưl bi lông blei tal êlâo gưl durian ti krĭng pla mjing mtam ti să Krông Pač, čar Dak Lak.

VOV.Êđê- Mmăt hruê (27/7), ti Đà Lạt, Knơ̆ng bruă sang čư̆ êa čar Lâm Đồng mkŏ mjing klei bi kƀĭn kñăm mđĭ bi liê prăk bi liê knŭk kna thŭn 2026 leh anăn ksiêm dlăng dŭm bruă klam phŭn hlăm wưng kơ anăp.

VOV.Êđê- Ƀri bi hdơr 79 thŭn hruê Kahan êka êkeh - Êngiă asei, Đại tướng Phan Văn Giang, Khua Phŭn bruă lĭng kahan mbĭt hŏng êpul ngă bruă nao čuă, mđup brei mnơ̆ng dŭm gŏ sang Knŭk kna dlăng ba ti să Nhân Cơ, čar Lâm Đồng.

VOV.Êđê- Gưl tal êlâo durian dưi bi lông blei ti krĭng pla mjing ti să Krông Pač, čar Dak Lak mâo leh knơ̆ng bruă tla ênoh yuôm hĭn giăm 24% hŏng ênoh phŭn. bruă bi lông blei jing hdră pŏk kơ dŭm mta bruă mơ̆ng knăm mơak durian Dak Lak thŭn 2026, mđing truh mkŏ klei bi mguôp plah wah phung pla mjing hŏng knơ̆ng bruă hrui blei, ba čhĭ.

VOV.Êđê- Hluê ngă hdră mtrŭn mrô 72 mơ̆ng Phŭn bruă kđi čar kơ Đa đa hdră êlan kdlưn hĭn, mđĭ hĭn klei răng mgang, kriê dlăng leh anăn mđĭ klei suaih pral mnuih ƀuôn sang, čar Dak Lak mkăp leh 400 êklai prăk čiăng brei kơ dŭm alŭ wăl ngă klei ksiêm mkă grăp tuôr, ksiêm mkă hrŏng kơ jih jang mnuih ƀuôn sang thŭn 2026.

VOV.Êđê- Grăp yan hjan truh, lu gŏ êsei mnuih ƀuôn sang ti ktuê hnoh krông Ayun, hlăm ƀuôn hgŭm Ia Hiao, čar Gia Lai lŏ hŭi hyưt lĕ hlăm klei êa lip lêč, arưp aram klei hdĭp leh anăn ngăn drăp. Čiăng đru kơ mnuih ƀuôn sang mâo klei hdĭp êđăp ênang hĭn, čar Gia Lai pŏk ngă leh Hdră bruă mkŏ dăp anôk dôk mrâo, anôk jưh dôk mklin sa anôk kơ krĭng yan adiê ngă ti să Ia Hiao. Hlăm wưng êgao, hŏng klei nao hgŭm mơ̆ng yang ƀuôn, sa krĭng anôk dôk mrâo dôk ƀrư̆ ƀrư̆ mkŏ mjuing, đru kơ mnuih ƀuôn sang bi hơĭt klei hdĭp.

VOV.Êđê- Ti krah klei đĭ kyar ktang mơ̆ng sa Lâm Đồng mrâo, ênai čing čhar ăt kwang ti gŭ jơ̆ng čư̆ Lang Biang, dŭm anôk pơ̆k mñam ăt bi knar ba mrai leh anăn dŭm klei mmuñ ênhiang djuê ana ăt dưi lŏ čuê mơ̆ng ênuk anei truh kơ ênuk mkăn. Ti tluôn klei lŏ čuê anăn jing phung mâo kơhưm hlăm mnuih djuê ƀiă, phung amâo djŏ knŏng jing kdrông mkŏ plah wah Đảng, bruă sang čư̆ êa hŏng mnuih ƀuôn sang ƀiădah lŏ jing "mnuih krơ̆ng kjăp mngăt êwa" dhar kreh djuê ana mơ̆ng đưm hlăm ƀuôn sang.

VOV.Êđê-

VOV.Êđê-

VOV.Êđê-

VOV.Êđê-

VOV.Êđê-