VOV.Êđê- Kdrêč klei mrâo knăm pă.12.03.2026 mâo dŭm mta snei: - Khua gĭt gai Đảng Tô Lâm kiă kriê klei bi kƀĭn tal sa Êpul Khua kiă kriê gưl dlông bi leh hdră êlan kơ klei bhiăn - Khua kiă kriê êpul khua bruă Đảng Trần Cẩm Tú kiă kriê leh klei mă bruă hŏng Êpul khua kiă kriê bruă Đảng Quân đoàn 12. - Khua bruă Đảng čar Daklak ksiêm dlăng bruyă prăp êmiêt klei ruah khua ti dŭm alŭ wăl mplĕ hră - Êpul hgŭm răng mgang klei êđăp ênang mơ̆ng Êpul hgŭm lu ala čar mâo klei ƀuah ăl klei ksŭgn mblah Iran - Khua mil čhil Prăng kiă kriê klei bi kƀĭn G7, iêo mthưr amâo mâo bi dleh ôh hlăm bruă čhĭ mnia êa pui kơ ala tač êngao

VOV.Êđê- Ti sang Bruă Kbĭn ala, Khua Bruă Kbĭn ala Trần Thanh Mẫn, Khua êpul gơ̆ng ruah khua ala čar gĭt gai klei kƀĭn hŏng dŭm êpul bruă mơ̆ng Êpul gơ̆ng ruah khua ala čar.

VOV.Êđê - Hruê ruah phung bi ala bruă kƀĭn ala gưl XVI lehanăn Êpul gơ̆ng bruă ƀuôn sang dŭm gưl wưng 2026-2030 dôk truh giăm. Ti Dak Lak, jih 102 să, ƀuôn hgŭm dôk mjêč ngă leh hdră mprăp, mơ̆ng anôk bruă nah gŭ truh kơ hdră mkŏ mjing, rơ̆ng klei êđăp ênang kơ hruê mơak mơ̆ng mnuih ƀuôn sang. Mđrĭng hŏng anăn, hdră mtô mblang dưi mtrŭt mđĭ, čiăng kơ êbeh 2,42 êklăk čô mnuih mâo hdră ruah klă mngač phung bi ala mâo djăp klei thâo, knhuah jăk, năng jing pô bi ala kơ klei mĭn čiăng mơ̆ng pô.

VOV.Êđê- Bruă sang čư̆ êa čar Gia Lai mrâo mâo klei bi klă brei mlih mra kñăm yua êbeh 3,16ha lăn dliê ti să Ia Mơ čiăng hluê ngă hdră mkra êlan mnuôr êa kƀiêng ti knơ̆ng kdơ̆ng êa Ia Mơr.

VOV.Êđê - Grăp thŭn, tar rŏng lăn mâo hlăm brô 15 êklăk čô hđeh kkiêng ka truh mlan. Ti Việt Nam, ênoh hđeh kkiêng ka truh mlan mâo hlăm brô 10% ênoh phung hđeh mrâo kkiêng leh anăn dôk mâo klei bi êdah đĭ. Klei kkiêng anak ka truh mlan srăng tlă anăp hŏng lu klei amâo jăk hlăm klei suaih pral msĕ si amâo jăk hlăm êlan bi êwa, ênưih djŏ dŭm klei ruă mkăn, êmưt đĭ kơ prŏng wăt hlăm asei mlei lehanăn klei thâo săng. Kyua anăn, đru kơ phung hđeh kkiêng ka truh mlan đĭ prŏng suaih pral jing mta kñăm lehanăn ăt jing klei lông dlăng prŏng hŏng Anôk bruă mdrao mgŭn.

VOV.Êđê- Ti să Dam Rông 4, čar Lâm Đồng, gru hmô Êpul mkiêt mkriêm phung mniê pla ana rông hluăt mrai dôk ƀrư̆ ƀrư̆ mñă boh tŭ dưn, jing leh hdră êlan djŏ tuôm hlăm bruă mkŏ dăp mnơ̆ng pla, mjing hdră duh ƀơ̆ng hơĭt kjăp kơ lu phung mniê djuê ana K’ho. Mơ̆ng dŭm ênhă kphê amâo tŭ dưn, lu gŏ sang jhŏng bi mlih ba pla ana rông hluăt mrai, ƀrư̆ mkra mđĭ hnư hrui wĭt lehanăn klei hdĭp. Mơ̆ng anăn mjing klei bi mguôp plah wah mnuih hgŭm hluê hdră kah mbha klei thâo pla mjing, bi đru kơ hdră mnêč, kdrăp mnơ̆ng, mbĭt anăn đru bi mlih klei thâo săn, ƀrư̆ lăm lui dŭm klei bhiăn amâo lŏ djŏ mơ̆ng đưm hlăm bruă pla mjing.

VOV.Êđê – Ti Sang kriê pioh mnơ̆ng Dak Lak (ƀuôn hgŭm Ƀuôn Ama Thuôt), Knơ̆ng bruă Dhar kreh, mjuăt ktang asei mlei lehanăn Hiu čhưn ênguê čar Dak Lak mkŏ mjing leh Knăm mphŭn pŏk hdră rang mdah “Dak Lak hŏng bruă kƀĭn ala – Kjăp klei đăo knang, mbĭt klei čang hmăng”.

VOV

VOV

VOV.Êđê-

VOV.Êđê-

VOV.Êđê